是咁的,岩岩有個廿幾歲既新牌仔,揸住架戰神黎我
車房大大聲叫:「屌你老母,有冇人改車呀」

心諗:喂,你大陸黎架?小小禮貌都唔識?
於是我行出去睇下啦...

屌!揸撚住架所謂日本戰神就o係度嘈之巴閉,
咁我就問佢啦:「點呀,有咩幫到你?」
之後佢話想改到架車有小巴佬咁快wo,
咁大家都知啦,小巴佬係唔使氣動力學呀,定風翼呀,
大包圍呀,19吋合金鈴呀果D野架嘛。

於是我就咁同佢講:「喂細路,你絕對冇可能做到小巴
佬架啦」,點知條撚頭唔信我講,係都要我同佢改,
又話要Nisxo包圍,又話要x-West快Cam,屌你老母!
我岩岩先講完,
小巴佬使乜空氣動力學呀?
小巴佬使乜定風翼?
小巴佬使乜大包圍?
小巴佬使乜19吋合金鈴?
小巴佬使乜VTEC?
小巴佬使乜快cam?
小巴佬使乜大尾牙?
小巴佬使乜氣蕉+中至尾喉?
小巴佬使乜防滾架?
小巴佬使乜咬牙避震?
小巴佬使乜米芝蓮?

佢聽完之後呆左一陣,差唔多呆左個幾字啦,
就周圍問人食唔食腸仔強...
屌你咩,就算共產黨打到黎,呀叔我都未撚驚過啦!!
過左一陣,條o靚仔冷靜D,我又再問佢:「點呀,
想點改呀?」,條o靚仔答我:「你話事啦」

我話事呀?咁好啦,我就同你改啦,其實你想學小巴
佬乜都唔改,唯一個方法就同你偷輕架車,
當我畫好哂線,準備開機「界」佢個車頂果陣,
已經再問左佢一次:「係咪要界呀?」,屌撚死佢...
唔應我都有既...

好!我就手刀起落,一鳩就「界」左個車頂,
呢個時候我諗起我老友黑鬼東既一句說話:
「想快,冇煞車就快啦, 唔好被速度限制自己。」
好!既然你咁想快,我就連迫都拆埋你,想輕?
拆鳩埋你個中控,咁就一定快啦!!!

之後諗諗下,喂,橫掂都係改,不如改大佢啦!
我問條o靚仔想唔想試下偷輕波棍?
睇佢條撚頭古古惑惑咁款,都係想試下架啦
佢未撚答我,我就行左入廚房,拎左對炸野用果D
長筷子比佢...不話心諗,算啦,人地新牌,唔好
玩到人地咁盡啦...於是我都係拎左一對刻有
「百年好合,永結同心」既象牙筷子出黎(唔好問
我點解會有)。

同佢拆埋支波棍同手制,就一鳩同佢換左果對
百年好合,永結同心既象牙筷子,咁裝佢果陣佢就問
我,兩支筷子咁似,我點分呀?屌你老母唔係掛...
「嗱百年好合果支係波棍,永結同心果支就係手制」
佢攪左好耐都攪唔清楚,咁我咪加粒骰仔比佢做
記認囉,不過粒骰仔都唔小野架,轉波個陣,
粒骰仔會自轉去果個波既點數。

攪左咁撚耐,都係時候收工,我同個o靚仔講,
你拎個車頂走先,個部車要o係我度過夜...

依家仆街啦,唔知係唔係條o靚仔拎錯左我幫
Anthony Edward果個Make Chung,有冇巴打可以
幫我搵返呀??