https://hk.entertainment.appledaily.com/entertainment/daily/article/20190408/20651114


最港電影大獎3獎打平手
《淪落人》《逆流大叔》新導抬頭
秋生奪男演員獎 叫華仔開戲


劉德華（右）昨日頒「最港男演員」獎給黃秋生，原來二人正在傾合作。

【第二屆最港電影大獎】

由《蘋果動新聞》及娛樂版舉辦的「第二屆最港電影大獎」頒獎典禮昨日在太古城舉行，新晉導演陳小娟執導的《淪落人》，以及另一新導演陳詠燊的《逆流大叔》各奪3獎（見附表），平分春色，標誌着香港影圈新勢力抬頭。至於大熱當選「最港男演員」的黃秋生，就把握機會叫「傑出貢獻」的劉德華開戲給自己。


相關新聞：劉嘉玲撮合偉仔華仔

劉德華和劉嘉玲擔任頒獎嘉賓的「第二屆最港電影大獎」頒獎典禮，昨日在太古城舉行，今屆共頒發七個獎，《淪落人》和《逆流大叔》各奪3獎，同是贏家。黃秋生憑《淪落人》勇奪「最港男演員」，他從華仔手上接過獎項：「我得呢個獎，又唔係運氣又唔係我本事，係好多好多人嘅努力同埋成果，導演小娟啦，監製陳果啦，多謝網民投票啦，評審啦、《蘋果》啦。」他之後更向華仔笑言：「開戲畀我！」


余香凝（左）從劉嘉玲手上接過「最港女演員」獎。


陳果監製的《淪落人》奪「評審團大獎」，他在台上自言激動。

余香凝贏女演員獎

秋生在台下被問到今次《淪落人》爆出後，是否有很多人找他拍戲？他否認：「千祈唔好咁講，我係佛地魔（《哈利波特》系列反派）嚟，好得人驚㗎！」其實秋生月尾會到意大利出席烏甸尼影展，之後再為梁祖堯的舞台劇排戲，又會為朋友的棟篤笑做嘉賓，秋生更自爆正分別與劉嘉玲及劉德華傾合作：「嘉玲傾咗好耐，但一路傾唔到劇本。華仔對我好支持，一路舞台都好支持幫手。」此外，「評審團最港大獎」與「最港電影」皆由《淪落人》奪得，身為電影監製的陳果在台上自言激動。

入行三年的余香凝憑《逆流大叔》的龍舟女教練角色獲頒「最港女演員」，她在台上謙稱：「呢個獎唔係畀余香凝，係畀觀眾，拍香港電影出嚟，如果冇人睇係冇意思。」她又表示希望香港人多些撐港產片：「之前喺街撞到路人，佢話我好熟口面，問我係唔係拍電視劇？我話我拍電影，路人就話好耐冇睇港產片，我希望大家多啲支持港產片。」《逆流大叔》同時奪得「最港導演」及「我最喜愛港片」。


相關新聞：陳詠燊陳小娟香港電影強項


劉德華、黃秋生等得獎者與嘉賓在「第二屆最港電影大獎」頒獎典禮後合照留念。


余香凝表示拍《逆流大叔》時很辛苦，曬到起水泡，皮膚又黑。


華仔領傑出貢獻獎

劉嘉玲在台上宣佈壓軸的「傑出貢獻工作者大獎」由劉德華奪得時，全場拍掌，華仔獲獎時說：「香港電影never die！其實我頭先已經講咗，只要你付出，一定有回報，我攞到！」之後他拿着獎項說：「我嘅付出亦唔會因為呢個獎而停，任何一個人想拍電影，搵我呀！」



華仔之後在台下受訪，表示：「為香港電影付出，我係必需要咁做，由入行開始，我覺得既然呢度孕育咗我呢個藝人出到嚟，為香港電影、為香港娛樂出一份力係應該。」對於劉嘉玲透露想找華仔、梁朝偉和木村拓哉合作拍戲，華仔坦言期待：「我覺得有需要，無論藝術品或市場需要嘅電影，各類型都應該有。」

採訪：黃曉妍、張俊銘
攝影：陳俊強、林賓尼
場地提供：香港東隅

下一則
下一則
劉嘉玲撮合偉仔華仔

劉嘉玲撮合偉仔華仔
陳詠燊陳小娟香港電影強項
【全民投票】評審機制分三階段
【主僕扶持】《淪落人》細節巧妙
【中佬關口】《逆流大叔》貼地搞笑