講到明入宅之路，即係由零認識去到成宅既階段。
普通人無咩契機既話係唔會接觸到宅，因為世人眼中宅是原罪，佢地都係現實生活中有社交障礙，識唔到朋友既一班廢物，需要靠虛擬世界渡日如年，你好人好姐，係唔會咁大個人仲去追卡通。
或者我講得太過火，但至少世人眼中都係認為宅男係幼稚。
以前我都有過呢個諗法，但直至我初中，識到一班毒男朋友，成個想法就轉左。
中一時，明明大家都係剛入學，但我就偏偏有種高人一等既想法，成日做啲乞人憎既事，導致我班同學都唔鍾意我，所以做出一連串行為去應對我，未去到欺凌既，只係杯葛我，即係無人同我做朋友呀，分組永遠係最尾比人簡個個呀，詣如此類。
呢一系列既行為，致使當時既我知道自己做錯左，但我並無即刻去討好反同班同學，因為我唔想比人睇唔起，比人小圈子就走去加入人地小圈子做人隻狗。
不過無朋友呢一點都實實在在影響到我當時中學生活既發展，所以我當時主動另一位同級同學攝時間，佢份人無咩朋友，大部分時間佢都係電腦室個度。
由於個陣啲高中同學以係FACEBOOK搵資料做PROJECT為由，所以我地當時係上到FACEBOOK既。
佢就成日屈係電腦室用FACEBOOK玩個隻叫「光暈戰記」ONLINE GAME。
光輝戰記類似MMO啦，你有三個陣營簡天影十字軍，皇家騎士團同埋第三勢力，玩法係選擇左天影或皇家既陣營之後就要配合隊友屠殺其他陣營就嬴，唯獨第三勢力係場上唯一無隊友既陣營，所有第三勢力都都係敵人，只有自己企到最後先算贏。
當其時我係偷睇佢FACEBOOK，知佢個名之後主動加佢朋友，同佢一齊係電腦室玩呢隻GAME，玩左半年。

新po

我有fd問你做咩仲上，話點解呢度仲有人？

我有fd問你做咩仲上，話點解呢度仲有人？

理撚得我呀

加甜PLS

加甜PLS

如果要走基佬路線既話 可能會變極甜故既

朋友呢樣野，只要聯絡得多啲，自自然然就會成為了。
自從我跟住佢打呢隻game，電腦室愈嚟愈多人一齊玩，有其他班既，有其他級既，甚至去到管理員既都一齊玩，慢慢慢慢咁樣組織左一班朋友圈子。
呢個朋友圈子，有痴線既，有戇鳩既，更加有啲濕鳩添。但無論點樣，我地都有一個共通點，就係有一定程度既社交障礙。
啱啱識落個陣我唔覺架，最多都係認為佢地得閒先落嚟電腦室，後尾發覺佢地除左電腦室，根本就無朋友既，仲聽到傳聞時不時被人哈到發癲，會陷頭埋牆既。
因為呢個原因，我都係同返最初個個朋友fd啲，我地叫佢做呀樂啦。
大概臨近升上中二個陣，呀樂做左一樣改變我一生既事情。
佢係電腦室睇應該係當季新番傳勇傳。
我中一個陣時，係未聽過宅男呢樣野，因為我細個就係無咩嗜好，電視又少睇，電腦又少打，最多都係小學個陣同啲補習朋友上網睇笑話。
而個陣，傳勇傳係我眼中係一套神作，男主可以好型咁係眼入面彈出一個個陣使出魔法，而菲利絲（唔好意思，男主我真係唔得叫咩名）一路揮把大刀，一路叫嚟叫去，好熱血咁，但平時又淨係食日式丸子，同男主耍下花槍咁，勁gfable。
搞到我係屋企上個oii既網站睇返成套野，發現好彩無係電腦室度追番，根本係肉番嚟既 。
我既入宅之路，就係由呢套傳勇傳打開左啦。

雖然唔關入宅事，但如果呢篇野夠二十個正評我就講下中學時僅有一次既小甜故。