《World War Z》更新內容發表新任務新特殊敵人新難度

上個月推出既《World War Z》成功跑出，雖然遊戲整體都做得唔錯，不過持續力度就唔係好夠。主要原因相信係地圖任務不足、特殊敵人種類少、缺乏遊玩模式等等。慶幸官方並唔似某啲大廠咁話更新又無咗件事，日前佢地正式公佈更新內容時間表，而且仲幾吸引添！

更新內容如下：

– 五月更新將追加新東京任務，以及追加新特殊喪屍，新喪屍會吐出致命病毒，據描述似係一擊 Down
– 六月更新將追加第六種難度，該難度將追加特別獎勵
– 七月更新將追加每週挑戰模式，同樣會將追加特別獎勵及其他道具

另外今次免費更新仲會追加更多新武器、變種武器、角色 Skin、角色外觀配件。另外之後既免費更新仲會推出生存模式、私人房間、PVPVZ 配對期間切換職業、視野（FOV）調整等等。

《World War Z》已經推出，對應平台為 PS4 / Xbox One / PC （EPIC Games Store）。