https://hk.news.appledaily.com/local/daily/article/20190604/20694893

隔牆有耳：
你參唔參加？
運動平台吹雞 6.9齊怒跑 - 李八方


Fitz運動平台喺fb分享反送中遊行資料。


反對「送中」，人人有責！連平日主要推廣跑步同運動資訊、有逾3萬名網民粉絲嘅「Fitz運動平台」，噚日亦喺facebook分享6月9日反送中大遊行資料，問大家：「呢一場，你參唔參加？」

相關新聞：隔牆有耳：反送中貼紙乍現各區


粉絲：希望百萬人參與

平台仲透過hashtag話呢場運動嘅路線以當日大會為準，叫大家記得做好補水措施，而由於起步時間預計較長，呼籲龍尾人士耐心等候，全文無做任何立場申明，但相信市民一切在心中。

呢個post只係出咗短短幾個鐘，已獲逾千名網民讚好力撐。可能Fitz嘅粉絲做開運動，連回應呢篇文嘅留言亦特別熱血，包括「一個超難的短途障礙賽！人數代表一切」、「可能係最後一次，但係必須要企出嚟」、「如果可以，我希望係百萬港人齊參與」、「沒有不參加的理由」、「為信念和價值而跑」，以及「雖然覺得運動不要政治化，但今次真係忍無可忍了。一齊怒跑」等。

八方睇返Fitz原來早前亦分享過一篇由網友投稿，題為〈跑友的政治潔癖〉嘅文章，指涉及政治嘅話題，總會有人有政治潔癖唔想知、唔想講，但其實平日有關跑步賽事嘅安排已或多或少牽涉政治，「即使你討厭政治，政治依舊都會影響你」，結尾更提醒患上政治潔癖嘅人「將來香港變成北韓時就唔好問點解變成咁，對自己身處的地方唔關心的人，連問的資格都沒有」。

李八方



上一則
上一則
江湖滾熱辣 (尊子)

下一則
下一則
隔牆有耳：反送中貼紙乍現各區 (李八方)

隔牆有耳：反送中貼紙乍現各區