https://hk.entertainment.appledaily.com/enews/realtime/article/20190614/59716028

【引渡惡法】盧偉聰口啞啞 陳志雲開咪幫填充：係Shameful啊！



建立時間 (HKT): 0614 19:30



警務處長盧偉聰昨日召開記者會，回應6.12當日的市民抗爭，指初步統計警方總共約用了150枚催淚彈、數發橡膠子彈及20發布袋彈。盧偉聰又講到警方在醫院搜索示威者時說：「I understand some people will feel that we are locating rioters or protesters inside hospital seems very...err...seems very...sorry I can't find the right word.」（我明白有人覺得我哋喺醫院搜索示威者呢個行動係非常…非常…對唔住，我搵唔到合適用字。）

相關新聞：【引渡惡法】美民主共和兩黨提案修改「香港政策法」 港將不保獨立關稅區優勢

陳志雲今日在商台主持《在晴朗的一天出發》，請纓為盧偉聰填充，他說：「我幫你填吖，係shameful啊！尤其是受咗傷嘅和平示威者，你咁樣對佢，shameful！」志雲今日回應《蘋果》時說：「今朝我喺《在晴朗的一天出發》嘅節目裏面，為處長提供咗一個字『shameful』。我相信呢個係好多人嘅感受，特別係示威者並非一定係暴徒，更何況當時佢哋係喺急症室接受緊治療，普羅大眾都會覺得警方要掌握佢哋嘅資料，毫無困難，所以佢哋嘅感受係好容易理解。我明白呢一個字，的確係有啲難於啟齒。已經過咗成日，如果處長搵到另外一個字更加適合形容大眾嘅感受嘅話，又或者佢掌握到大眾嘅感受有所不同嘅話，大家好樂意聽佢講多一次。」根據劍橋網上字典，「shameful」一字可解作：「可恥的，丟臉的」。

另外，志雲好友王喜，日前在103萬參與反送中大遊行期間多次出手救暈倒市民。昨日下午6時《蘋果》記者見王喜一身街坊裝在中環出現，他走到一大廈向保安問路，保安示意他走到隔鄰大廈，之後他與陶傑女經理人會合後，由女方帶到隔鄰荊威廣場。大約一小時後，陶傑與經理人先離開大廈，而10多分鐘後王喜亦與數名朋友離開。而昨晚王喜在facebook貼上一張法會現場照片，留言：「第一天法會圓滿結束，功德回向所有612傷者，願早日康復六時吉祥。」

相關新聞：【動即影】官逼民反 危城一日 612反送中全程睇

《蘋果》記者今日致電王喜時，原來他昨日在中環是出席樓盤活動，他說：「我噚日參加尖沙嘴舉行嘅法會，中間有時間就去咗中環出席一個樓盤活動，陶傑都有去個活動。至於個法會係一年一度，為世界和平祈願。」

-----------------------------

6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------

【新聞有價】6月17日起 繼續撐蘋果
http://bit.ly/2IJ24ZR