【羅馬經濟史最新發現】最新一份有趣的考古研究報告指出，響古羅馬文明極盛時期，即使係作為社會草根階層既港口苦力工人，都可以享受大魚大肉的飲食。考古學家從一個位於羅馬城專屬港口Portus(遺址位於今日羅馬達文西國際機場附近)既兩個分別埋葬富裕階層同草根階層既墓地，起出骸骨並進行化學同位素分析(isotopic analysis)，分析能揭示死者生前的飲食習慣。令考古學家驚奇既係，富裕人士同基層人士既同位素分析結果相似，顯示社會精英同基層既飲食係類似，而且基層人士都能夠從大型動物獲取充足既肉食。呢點令歷史學界大吃一驚，因為一直以來，歷史學界相信羅馬帝國同其他古代文明一樣，只有社會精英能夠經常享用肉類，大部分平民都只能夠從植物中獲取生存所需既營養，而絕大部分平民都生活響僅足夠維生同自給自足既營養條件之中。今次既發現顯示羅馬人既經濟發展同生活水平遠遠比歷史學界之前相信既先進，並且當汪爾達人入侵羅馬帝國之後，羅馬人大魚大肉既好日子就告一段落。


古羅馬人股骨長度，於公元1世紀末出生的一代達到最高值

事實上，響今次發現之前，考古學界已經有充足證據證明羅馬人享有西方史上前所未有既富饒經濟，並體現響飲食文化之上。根據羅馬人自己撰寫的「食譜」《Apicius》，羅馬人享用多種穀物、生果、肉類同海產。羅馬人通過科學化既人工配種繁殖出比鐵器時代同中世紀更高大既肉牛(鐵器時代既牛平均高度115.5cm、羅馬時代120cm、中世紀112cm)。羅馬人既股骨長度響公元1世紀末、2世紀初達到最高值，顯示羅馬人營養充足。為滿足羅馬人既胃口，跨洲貿易將大量既食物從帝國內外運送到意大利，響羅馬城附近既Monte Testaccio遺址，單單一個地點就棄置左超過2,500萬個用來裝載橄欖油既雙耳瓶，考古學家估計響羅馬帝國極盛既數百年間，有超過2億加侖既橄欖油被羅馬人耗用。根據歷史學家Ian Morris估計，羅馬人人均消耗既能源超過維生所需既水平50%，響古代世界係極高既水平。根據羅馬人口及經濟史專家Lo Cascio 2009年作出既估算，羅馬帝國極盛時人均GDP可能接近$1000美金，超過今日好多南撒哈拉既非洲國家。然而，在今次發現之前，我地並唔知道呢d食物到底係被富裕階層浪費掉，定係連平民都能夠享受到經濟發展帶黎既好處。今次發現，物質既充裕程度係連碼頭工人呢種藍領階級都可以享受到，事實上，羅馬人既營養水平好可能響歐洲近1,800年間未被超越。

外電報導(以色列報紙Haaretz)全文(英文)：
https://www.haaretz.com/archaeology/.premium.MAGAZINE-vandals-sack-rome-ruin-culinary-egalitarianism-with-the-city-1.7362620?fbclid=IwAR3vKsrHd4Sz_Tc3g5aoZFURCOC7N6IPyJYmoR4y6ixBS0fe6I62ZRSfKIw