轉發事件：

大家要聽下我剛剛發生的事情。。。我覺得好驚。

剛剛係羅湖過關。
因為我行得快, 所以行得好前。前面冇咩人。
去到大陸關口閘機前一段路。

忽然有個女公安指左去另一邊。叫我過去。我問佢做咩。佢唔答。

之後, 行到去已經有三個男公安等緊我。

問我拎證件抄低。我見到本野已經寫左一大頁人名同資料。

之後開始搜我個袋。唔算睇得好仔細。摷下野。

之後佢竟然問我拎手機黎睇‼‼‼‼

我問佢我點解要比你。你憑咩要睇我私穩。佢話呢度法例係可以, 我地有權睇 。語氣好差。

因為我係拎住手機, 所以我點都要焗住比佢睇。
佢一拎我手機就話要睇相薄。一打開我相簿就問係咪得咁多。我話係。。
佢見到我咁多細相薄就問, 邊個係視頻同拍照相薄。。。佢話
我要看你7月份相薄, 要看你7月做過什麼‼‼

之後就係咪咁睇入面d野。
我就同佢講我唔會搞那些事情啦。我每天都在深圳這裡上班。怎會搞這些呢。

之後佢見我入面冇咩野, 就態度好番少少, 就話只是檢查啫。
我就惡番d話你叫我過黎你要解釋比我聽, 咩原因要睇我d野, 你咁樣會嚇到人, 我地只是平民黎啦。

之後佢就話我地係有權咁做。你拎番d野走。。。

之後我就走了。我覺得好恐怖。我其實好想問如果我真係有影到示威相。你地係咪會捉我?

但我真係唔敢問。。。

真是告戒大家番大陸要小心。