『轉』
同大家即時分享一下岩岩過福田口岸被查既經歷，前10分鐘先被查完。因為一直用中港漫遊，所以可以上到Fb

首先基本如果係年輕人就必定被查，除非佢咁岩望唔到你而已。而當排緊隊入去被查時，佢唔比我地禁手機，驚我地即時刪野或影佢地相。當入到去黑色帳帘時，查既警察有8個...而外面仲要排隊，可想言之有幾多人會被查。

用列點式講講入面既流程。

1.入到去就必定登記左回鄉証先
2.睇你係香港人定內地人，如果香港人就查得好嚴，每一忽都查你。
3.問你返大陸做咩，問好幾句，仲問你去邊個地點。
4.直接問你有冇去參加遊行(留得青山在，緊係講冇)
5.睇你手機
A.睇你微信，睇好多人既對話紀錄，群組都睇
B.睇你相薄，睇得好仔細...唔好以為D相擺係底佢地就揾唔到。

以上係基本既流程...大約7-10分鐘到，睇手機佔左5分鐘。睇完就可以走。

另外講下一d額外插曲...因為我想盡量拎多d資料分享比大家，所以當佢查我手機時我講左4次5次：點解要睇我手機，你想睇咩，我唔比得唔得等等。但住佢一直只會講你比部手機我，唔會理你肯唔肯...如果你唔肯，佢必定cheak得你更仔細，唔好博。

最後想講一個好驚心動魄既事.,就係一般我返大陸前都會好小心刪哂所有野...包括whatsapp, wechat...相薄。而fb會收埋係file既file入面。但係唔好彩既係咁岩我牙爸朝早發左條消息係微信群，講關於海關查人既相...而我從黎都當個群冇到，所以冇刪過冇理過佢。當海關睇到果張相後就問我野了...仲睇個群好耐..正當我好驚既時候，最好笑既係我媽咪之前發過港獨末日既文章😂所以救左我..笑死了。(利申全家黃，我媽只係咩都發出黎而已)

希望以上分享會對大家有用。一比人抓到一張相，包你繼續比人查多2.3粒鐘。

最後走左出黎之後冒死偷影左2張相

將流程分享出去，等大家可以早d做預防。好人一生平安
------------------------------------------------------------------
加入公民抗命，請入真正屬於香港人既巴絲打主群 (唔係石仔果個):
1號群-> https://www.facebook.com/groups/buyeasyjob/
2號群-> https://www.facebook.com/groups/BroSisOn99/
------------------------------------------------------------------
【緊急幫義士】用Youtube影片廣告化為贊助！你看youtube片,我們捐錢，以無限為有限，以無法為有法！
現時進度係2122/4000小時