https://hk.entertainment.appledaily.com/entertainment/daily/article/20190825/20755404

影公司反罷工通告遭秋後算賬
TVB被炒員工控訴白色恐怖


無綫前日解僱約20人，除了工程部，也包括Big Big Channel及戲劇組等員工。

香港近日瀰漫着白色恐怖，國泰航空、機管局及港鐵等，陸續出現員工因政治立場「被離職」，無綫前日也突然解僱約20名員工，無綫行政總裁李寶安指是調整業務、精簡人手。不過，其中一位被炒的無綫員工梁先生昨日向《蘋果》踢爆，他被裁其實與影公司反罷工通告有關，認為自己遭秋後算賬。

相關新聞：汪明荃主張和平

無綫前日突然解僱約20名員工，包括四名Big Big Channel員工。無綫行政總裁李寶安回覆《蘋果》，指裁員是「因為本港市場不穩和政治動亂拖累，對前景構成隱憂，有需要調整業務和小量精簡人手。」裁員表面上理由充份，不過前日有一位被炒的員工梁先生向《蘋果》踢爆謊言。梁先生透露自己在無綫工程部工作19年，即使沙士及08年金融海嘯裁員，自己都能安然度過，想不到今次會捲入政治風波：「我係影過一張相，之後俾人放咗上連登，其實我只係喺whatsapp group俾家人朋友睇，齋影都冇攞出嚟 ，但就畀公司嗰個24小時、全天候無死角嘅高清cctv影到，跟住就『鋸』咗我。」


梁先生拍攝此通告給家人，被閉路電視拍攝到，被無綫秋後算賬炒魷。


李寶安前晚指，裁員是因市場不穩而精簡人手。資料圖片


沒有參加罷工

梁先生當日所影的相，其實是8月2日無綫一張內部通告，提醒員工「將有不合作運動發生，如沒有合理理由不依時上班，一律當曠工及嚴肅追究」。梁先生揚言：「其實我係冇罷工，影張通告都只係想話畀屋企人聽，我參與唔到罷工呢啲咁敏感嘅嘢，不嬲都唔係特別激進分子，可能只係暗黃。」會否覺得很無辜？他說：「冇感覺，意見上冇乜嘢想發表，只係想講番件事。公司炒人原因係貿易戰經濟唔好，公司架構重整，哈，都係例牌嗰啲啦。信唔信？你話呢？儍豬嚟，我哋根本係無可能裁員炒到我嗰一批，2016年仲有得升職，做得耐有經驗，人工又低，價廉物美去邊度搵。」

相關新聞：阮民安：唔犯法都會支持


陳先生因拍攝TVB三樓落閘相而被解僱。互聯網圖片


李佳芯正忙於拍新劇，近日傳出她被無綫雪藏。資料圖片

另一位任職於節目部的工作人員陳先生，也因為拍攝一張無綫三樓控制室落閘的相片，同樣被解僱。陳先生昨日接受《蘋果》訪問說：「我嗰日影咗張落閘相，就放落一個同事之間嘅group，原意係提醒同事要兜路走，但我唔為意個group有一個同事已經離職，去咗一間傳媒做，佢攞咗張相出新聞。」陳先生指公司隨後查出相片由他拍攝：「我8月頭開始就乜都唔使做，前日被解僱。」


無綫多名員工日前聯署支持8.5三罷。資料圖片


資料圖片


Ali新劇被抽起

除了內部員工，連視后也遭殃，李佳芯（Ali）今年6月在微博出文表示「有時候，扭曲了的不是世界、是人心。」加上她曾在Ig呼籲大家登記做選民，激嬲不少內地網民。有指無綫突然抽起她有份演出的劇集《殺手》，甚至原定在10月開拍的《BB來了2》和《踩過界2》也會被飛起。昨晚Ali在將軍澳接受傳媒訪問，對於被易角兼雪藏一事，她坦言尊重公司的決定：「我覺得好被動，我嘅工作暫時未有影響，仲拍緊《愛美麗狂想曲》，預計仲有個幾月先拍完。」

問到有否聽過《殺手》被抽起？她說：「我有聽聞本來係台慶劇，不過𠵱家會先抽起，原因唔清楚。」Ali還表示《BB來了2》將會押後至明年才拍，未知會否易角，而《踩過界2》則未收到通知。至於其他工作有否受到影響，Ali表示：「暫時未聽到廣告商對我有任何唔滿意嘅聲音，我𠵱家做好眼前嘅工作，希望件事淡咗會好啲。」無綫企業傳訊部回覆傳媒查詢：「近期香港發生連串暴力衝突事件，某些藝員可能受到內地觀眾之特別關注和引發敏感情緒。公司需要在營運上作出某些反應及調整，純屬商業決定。」

採訪：嵐山

下一則
下一則
汪明荃主張和平

汪明荃主張和平
阮民安：唔犯法都會支持
楊千嬅新劇獲無綫放行
金義聖鬧爆香港警察
何韻詩助視障人士離示威區