(蘋果日報)

今朝9點左右，警方PTU人員喺沙田插桅杆街近住港鐵第一城站對開演習，相信係為咗應付七一遊行而設。現場有約200名警員，演習非常認真，有人飾演正反遊行人士，仲有警員扮記者採訪。演習過程有約百名遊行人士示威，有人拎住橫額扮「人力」，沿途不斷嗌口號，亦有警員戴住面具扮「V煞」遊行，而PTU就負責人群控制，但係演習無出現過模擬衝突場面，更加唔見大支裝胡椒噴霧。