去食魚蛋粉，電視播示威，有位藍絲阿嬸就話班人搞搞震乜乜物，明顯係典型深藍又要扮無色，重要的野選擇性失明果種。

睇睇下佢話好多茶樓執笠，冇工開之類。另一枱有個黑衫後生仔忍唔住口，問：尼頭邊間執左笠？個阿嬸答彌敦道。。。個後生仔轉數快：D茶樓咪就係班藍絲低學歷老野hea吹水洗腦的地方囉，執哂仲好。

咁之後就開始真嘈交，粗口橫飛，兩邊都有人加入戰團，但可幸未有人郁手。

門口收銀老闆見失控，話要打電話報警。就响尼個時候，我咁岩食完，埋去收銀擺低張金牛，拎走老闆個電話，同佢講：冇用嘅，等我黎先。

過左一陣，竟然真係收哂聲！我行出門口，老闆捉住我隻手：尼位英雄，可唔可以做國家主席？