陰公,連登被大量GAY毛入侵,帶風向、放流料、拆大台、搞抹黑

林忌 : 連登大量流料假料洗腦，已經搞到周街信到十足，我地之前就笑藍絲被假料洗腦，家下自己呢？

1. 清朝債券的銀碼被連登作大左十倍，然後周街圖片都係作大十倍的數字
2. 清朝債券只係翻炒下小道消息，完全未係美國政策，連「我講下咋喎」都未係
3. 單野根本冇人拉上香港來講，除左我地香港人；美國既冇義務，亦從來冇任何美國官方的人，表達過任何意願，用清債來幫香港
4. 大量陳雲打手已進佔連登，不斷放假料，例如不斷搵英文報導，但自己作，或加料的中文放上去，呃成班只睇標題的盲毛
5. 魯比奧早在2016年11月，講係因為黃之鋒而立《香港人權及民主政策法》，做左野就完全冇人提，甚至反屈佢地反對呢條因為佢而提出的法案
6. 黃之鋒見德國外長，提倡德版《香港人權民主法案》，正經新聞亦冇人提，然後被德國之聲標題黨屈佢 Hong Kong is part of China，風向就帶曬去屈佢呢點，卻完全冇理過係主持人問佢係咪反對一國兩制，而英文原文係講佢係幫 "Liberate Hong Kong" 解話
7. 1992年的香港政策法，正係今日美國眾議院議長佩洛西當年力撐，另一個力撐狂推的，叫李柱銘，而家又被人屈係「反對制裁中國」
8. 美國的法案自6月13日以來冇改過，但就被偽本土老屈，話葉劉同佢地於8月尾「成功遊說」令法案變弱－－時光機呀？
9. 法案最大暗湧，係貿易戰有協議，以及共和黨的參議院議長，至今從未表態要通過法案，甚至眾議院果邊的共和黨少數領袖，寫文暗示呢點，但成班香港人從未諗過美國果邊的問題，卻幻想香港有人要賣港，然後幻想香港個別人士，對美國表態好大影響，做錯曬要遊說的工作
10. 運動咁落去當然失敗，因為再一次好似2014年咁，大量假消息洗腦，正經野唔做，每日都只係爭論對大局無助，完全無謂的爭議；更令有能力fact check的人，唔得閒去追政府，卻只係浪費時間去 fact check假新聞，已被人成功分化曬