https://hk.finance.appledaily.com/finance/daily/article/20190916/20769214

雞煲老闆：生意差唔怪得示威者



【本報訊】曾響應8月5日三罷行動，及6.12罷市的良心食肆、陸陸雞煲火鍋負責人黃先生（圖）表示，今年經濟轉差，市況轉冷，街道人流大減，惟他愛港之心不冷。他說，「市況好嗰陣，條街企滿晒人，食客要預早一星期前預定，仲要限時，高𥧌期就係咁！如今就任你坐，定座率唔高，每晚未必坐爆」。

經濟不景，兼遇上逆權運動，黃說，「生意一定有影響，始終條街靜咗，少咗人消費，生意已經比過往少四成！」面對餐廳收入下跌，他直言自己打開門口做生意，不可能日日賺錢；以往雨傘運動都是這樣捱過，現時惟有靠自己，想方法再吸引人流，例如推廣免費優惠，在不同媒體登廣告，拉攏更多食客。

相關新聞：旺角核心區湧現30吉舖單邊舖王丟空兩個月 藥房生意跌九成


倘藍絲踩場 沉默應對

經歷罷市，黃先生又聘用十多名員工，他說早前罷市一天，連租金等估計一天損失約五、六萬元，但黃反指，「絕對唔會輸打贏要，鬧班示威者。現時這班年輕人，爭取自己的未來，價值更高的東西，我冇可能責怪佢哋；畀着我後生時，我都冇勇氣衝咁前，所以如果因為生意唔好，而責怪班年輕人，就係冇良知」。市道雖冷，愛護年輕人之心卻不冷。

飲食風潮浪接浪，雞煲熱潮接近尾水，為減輕經營負擔，黃先生年初已將兩間分店結業，最近三個月又出現示威抗爭，令生意雪上加霜。

黃先生表示，有主動向業主提出過減租，但業主未有回音。受政治立場影響，已有食客揚言不再光顧旗下食店，黃坦言自己平常心面對，每件事情都有正反兩面，到最後總會有人來光顧；若然有「藍絲」踩場鬧事，只要沉默應對，當他們意興闌珊，自然會離開。

上一則
上一則
旺角核心區湧現30吉舖 單邊舖王丟空兩個月 藥房生意跌九成

下一則
下一則
太古城劈140萬 售價重返年初