https://hk.entertainment.appledaily.com/entertainment/daily/article/20190919/20770738

為抗爭小朋友心痛


吳日言回想睇新聞見到年輕示威者被打至重傷，淚盈於睫。


眼見現時香港局勢，不少家長已為仔女安排後路，吳日言的囡囡Bea雖然只得十個月大，萬一將來局勢有變，會送她去英國讀書。是否對香港教育制度無信心？吳日言的老公Barry坦言一直都冇，相反吳日言認為香港也有好學校，想囡囡在港讀書學中文，二人都睇中銅鑼灣的聖保祿學校。該校學生曾組人鏈表達訴求，吳日言大讚：「好勇敢，畀着我可能會諗做呢啲會唔會好辳？會唔會俾人排擠？但佢哋為自己嘅地方做嘢，有自己思想，覺得啱就行出嚟。」

相關新聞：【曾簽Juno】離開後發展更好


雖然囡囡只有十個月大，但吳日言坦言要為她未來作好安排。互聯網圖片


聖保祿學校學生早前組成人鏈表達訴求，吳日言大讚勇敢。資料圖片

若囡囡長大要參與示威，會否反對？吳日言謂：「我有代入去睇新聞，如果我嘅小朋友行出嚟，我上前線都冇仔女上前線咁傷心。如果個女喺最前線，唔好話受唔受傷，就算每日去抗爭，我可以為佢做啲乜？𠵱家嘅小朋友就係為我嘅下一代去爭取，所以睇到好心痛。」更越說越激動，熱淚盈眶。

上一則
上一則
食店生意急挫不氣餒 吳日言逆市擴充「唔好俾難關嚇親」

下一則
下一則
【曾簽Juno】離開後發展更好