「逆權運動」未成功，香港人堅決爭取五大訴求及解散警隊，昨日林鄭月娥率眾高官發表電視講話，禸容千篇一律；才女梁芷珊化身「珊吹老師」，昨晚在社交網連發多篇帖文，三部曲寸盡高官。

第一部曲，梁芷珊引述保安局局長李家超稱「警員編號已經話咗畀你聽身份，警方已經係冇咗特權」的報道，公開質問局長：

「係唔係如果有市民蒙面，但係喺身貼住/掛住/寫住一組號碼，例如A123456(7)，咁代表『市民已經話咗畀你聽身份』？見你好sad、好不捨咁話：

警察已經放棄咗特權！我哋市民同記者，都好想好似警方咁一樣放棄特權呀！但其實我哋從來都唔需要特權，公平就得㗎啦！」

第二部曲，芷珊貼了林鄭率眾高官發表電視講話的截圖，寫道：「望住呢張相好耐，好多好多嘢想講，我只講其中四樣：（1）#忠奸：呢15個人之中，有無係『忠』㗎呢？

呢班人裏面，我感覺有兩個係忠嘅。感覺。希望佢哋可以忠到底，我知好難。（2）#便服日：（唔好意思好粗口）喂，做乜Ｘ唧？你哋係香港嘅長官嚟㗎，今日便服日呀？

好想知點解你哋着成咁？係唔係又俾人整蠱，冇預早通知你哋要錄影？做老臨都着番件西裝褸吖大姐大佬！（3）#特區logo：點解特首前面個木講台上面無特區logo？

究竟喺邊度錄影？（4）#V #Like：我哋平時咪好興，影完張正經嘅大合照，跟住攝影師話：『畀個V再影一張』、『畀個like又再影多張』，唔知佢哋有冇影呢？」

第三部曲，芷珊開獨立post講律政司司長鄭若驊的衣着：「以呢條絲巾嚟講，夏天當襯色又嫌佢太厚太大塊，冬天當保暖佢又搭得太過『呢啡』，個花個print啲色好實，絕對係全張相嘅焦點

最唔啱數。」跟着焦點去到司長手上的巨鑽：「另外，佢嘅手背亦都好奇怪。一般垂低手嘅話，手背係向兩邊，點解佢會正面向前？係唔係着得太臃腫，格拉底啲布太厚，所以『啷』住咗？

但係咁，我都見過好多闊太影相時，手背係一定正向鏡頭嘅，因為要晒戒指！而佢兩隻手都有戴戒指，見微知著，佢個人幾咁一絲不苟，好細心啊！」

珊吹老師的見解令網民拍案叫絕，紛紛留言：「呢班人最影響市容，急需蒙面。」、「相由心生！醜陋由心而發」、「我淨係知大熱天時佢着到吹西北風咁款，一定係因為啲血冷嘅所以咁怕凍。」




https://hk.entertainment.appledaily.com/enews/realtime/article/20191006/60123042?utm_campaign=hkad_social_appledailyent&utm_medium=social&utm_source=facebook&utm_content=link_post&fbclid=IwAR16ccenYRpclgWYdTNc7JFSiDJo8AOhz-4NCIAGsnRU7QkF6fFvZkwbyRU