https://hk.entertainment.appledaily.com/entertainment/daily/article/20191122/20811055

Tommy《煲底之約》鄺神填詞
周庭喊戲頻NG


（左起）阮民安、鄺俊宇、周庭及藍橘子日前合作拍MV抒發連月來的抗爭經歷和感受。

阮民安（Tommy）日前與立法會議員「鄺神」鄺俊宇、香港眾志成員周庭及作家藍橘子，現身中西區海濱長廊，為新歌《煲底之約》拍攝MV幫港人打氣，該歌曲由阮民安親自譜曲、鄺俊宇填詞，而「學民女神」周庭及80後網絡作家藍橘子則為MV演出。


首次拍攝MV就要在鏡頭前落淚，周庭以眼藥水代替。


除了立法會示威區，阮民安新歌MV到了多個抗爭地點如深水埗警署外取景。互聯網圖片


發揮港人創意

首次拍MV的周庭，戴上黃頭盔拍攝流淚鏡頭，雖然用眼藥水代替眼淚，但都要數度NG才完成。導演每次叫停後，平日cool爆的周庭總會露出孩子氣的笑臉。周庭坦言拍MV有難度：「拍咗兩、三個鏡頭，覺得非常有挑戰性。搞社運咁耐，冇諗過會拍MV，呢場運動有好多時刻令大家沮喪，覺得做極都唔成功，對方太強，警察一支棍毆埋嚟，我哋已經好似乜都做唔到。但都希望唔只呢首歌，有好多人喺背後做唔同事情支援或者支撐呢場運動，希望大家唔好灰心，繼續努力。」她說今次正好發揮港人的無限創意，不再令人覺得港人只顧賺錢︰「你行吓啲連儂牆，睇吓網上文宣，唔係得畫，仲有動畫製作、影片製作、音樂等，你會完全推翻以往既定對香港好刻板嘅印象。」

Tommy坦言今次碌盡畢生人情卡，創作《煲底之約》望為運動打氣：「好想搵香港人心目中有代表性，企喺市民呢邊，又有力量嘅人參與，第一時間搞份詞，就打畀鄺神，佢一口答應。」藍橘子表示同樣是首次參演MV，他自嘲跟Tommy一樣碌盡人情卡爭取出鏡。


抗爭經歷入詞

鄺俊宇則感激Tommy對他的信任，其實他中途曾對Tommy說未必交到歌詞：「因為呢段時間好多工作，但佢話唔緊要，我等你。首歌好激勵人心，講一男一女煲底之約，有趣係最初我只係填咗四句詞，Tommy就好堅持要我填晒成首，佢話係呢個感覺。」今次是鄺俊宇第二次填詞，他強調並非專業詞人，細看歌詞感覺似一篇散文，希望整個故事能夠連貫，將這幾個月的經歷、感受融入幾分鐘的歌曲中。

採訪：馬建華
攝影：林賓尼

下一則
下一則
【娛樂人物】發現腦瘤肺癌 黑妹：眼淚標出嚟