| 發表文章 | 發起投票 | 回覆 |
【逆權設計】救手足‧叫口號‧意志勿歸零 齊上齊落 桌遊當文宣
https://hk.lifestyle.appledaily.com/special/20200218/HFB2Y5PPIDYUECAJBFRZ6Y56NQ/
【逆權設計】救手足‧叫口號‧意志勿歸零 齊上齊落 桌遊當文宣
遊戲中玩家係「齊上齊落」，「一齊輸一齊贏」。
【逆權設計】
由炎夏到寒冬，來到2月遇上武肺疫情，香港人抗爭之火依然未熄，只是形式有所轉變。早於去年尾已在網上集資製作的board game「香港夏 二零一九 Hong Kong 2019 Summer」，內裏看到「冇品360」、「黑心西餅」、「光頭警」、「白衣人」，我們都不會忘記。製作人P先生（化名），更明白需要打「國際線」宣揚到外國，讓更多人知道香港發生的事。
記者去年尾開始相約P先生在網上做訪問，但白色恐怖、濫暴濫捕事件充斥，令P先生很謹慎地去確定記者的身份，最後相約在蘋果大樓訪問才較放心。同時，由於遊戲製作上沒有用中國生產商，在外國製的樣辦改了幾次又遲遲未寄到，最終在今年才做到訪問。於市區接載未見過面的P先生齊齊入將軍澳，「你着乜衫呀？」「黑衫黑褲黑背囊黑口罩。」上車後他說：「頭先見到幾個防暴，好彩冇搜我身，等陣見到啲board game道具，屈我藏有攻擊性武器呀。」這就是現在香港人對警察的印象。
集資火速達標 賺錢再義賣
說到參與反送中運動的程度，P先生說：「遊行一定到，亦會幫手製作文宣。」至於製作board game這念頭，「應該係6月啦，之後越嚟越多嘢發生，6.12我冇留到好夜，之後返屋企睇直播，再來7.21、8.31，太多材料。」由12月9日開始在Kickstarter集資，一個月後已達46萬港元，比目標多出逾5倍，支持人數超過500，但近日常見的是「人血饅頭」這四個字。「其實冇諗過賺錢，但Kickstarter唔可以寫公開籌款，扣除成本後用賺到嘅錢再攞出嚟製作同款board game，咁就有現貨可以義賣，到時賣咗啲錢睇吓捐去邊。」P先生指，不會在這個計劃中賺錢，不過說到「人血饅頭」，他有一套見解，「我覺得賺錢真係冇問題，我哋成日講黃色經濟圈，黃圈都要食飯，咁賺咗錢消費返喺黃圈入面，請人就請返手足，請返班要幫嘅後生仔，咁先係長遠發展。」
說到請手足，他這計劃中亦請了一位「𡃁仔」做兼職，「幫手執吓layout，如果再大規模啲，就可以請多啲手足。」製作團隊暫時只有三人，「我負責畫嘢、設計，另外兩位負責3D模型、寫字。其實成本可以再平啲，不過我唔想攞返大陸印，今次冇用任何大陸嘢，都係歐美嗰邊印，加埋自己用3D打印機製作。」Kickstarter說明是今年內交貨，P先生指是預鬆了，應該最快三、四個月內有貨，「啱啱完咗自己手頭上一個project，可以全力製作，交貨之後就開始會有現貨，會睇吓點義賣。」
蒙面出鏡 最怕女友媽媽認出
原來P先生一直都在做board game這門生意，「我喺香港讀中學、大學、碩士，之後到意大利進修美術，碩士開始都係讀啲有關game design嘅嘢，因為我12、13歲已經開始自己學寫game。到出嚟做嘢，開頭係打工參與製作手機遊戲，不過覺得手遊好難有故事性，形式都係想玩家花時間儲嘢課金。做做吓開始覺得悶，就試吓自己做，再自製board game放上網賣，暫時都做咗十幾廿款，都維持到生活。」說到受歡迎度，抗爭主題其實反應麻麻，「今次主題比較難，外國人未必有興趣，係超熱愛board game嘅愛好者先會想買，不過咁正合我心意，我就想有啲唔太留意其他地方新聞嘅外國人都留意到呢件事。」哪些主題最好賺？「如果純賺錢，配合返外國人鍾意嘅主題，例如喪屍啦。」
今次蒙面出鏡，P先生說其實並非全因怕被起底，只是有「私人原因」——女友媽媽是「深藍」。哪女友呢？「女友黃過我。」他說純粹不想女友難做。「深藍都唔會睇《蘋果》啦？」「可能啲親戚會嘛。」對，謹慎一點好，有一位黃過自己的女朋友，的確要好好珍惜。
打國際線 將香港的事傳出去
玩法方面，對board game不熟悉的記者覺得其實是桌上版RPG，不過加入大量抗爭元素，首先是「齊上齊落」，「唔係競爭性，係合作玩法，四個人共同做任務，四個人一齊贏一齊輸。」每人有不同數值可儲經驗增加，亦有不同卡片可以出，例如「推」、「踢」、「救手足」等，玩家體力、意志歸零就要離場。敵人則憑公仔示意，「光頭警、白衣人、防暴狗……我意思係遊戲入面嘅防暴警。敵人都會有裝甲值，玩家還會有用智力出的招數，如『叫口號』，係對全體敵人意志嘅傷害。」隨着不同地圖會有不同任務，可以是救人，從中得到獎勵可以加數值或抽新卡，「有時啲狗……我意思係遊戲入面啲警察會發癲，例如雙倍速度襲擊你咁。」
即是沒有玩家會扮演警察，如果是打機，可以理解警察為電腦操作？「係，冇玩家做警察，知冇人會想做。」
這次集資支持者中，三成是香港人，七成是外國人。「其實board game係好好嘅媒介去傳播訊息，因為每個任務都要玩家代入遊戲角色身份。有啲外國人唔係完全唔知香港嘅事，不過可能睇吓新聞標題就算，如果玩呢隻board game，就可以了解多啲。」對於遊戲中的任務，P先生有堅持，「因為想講事實畀其他人知，所以唔會老作，所有任務題材都係真實發生過，我親眼或睇新聞片段見過嘅，有8.31太子月台車廂事件，又有7.21白衣人無差別攻擊事件。」
打「國際線」成效如何？「都有啲人私下問我嘢，試過有個美國大學教授，佢而家退咗休，主要係出一啲教育有關嘅board game同app，佢話睇到我哋隻game後，勾起佢嘅回憶，喺60年代時，呢位伯伯都係大學生，佢都經歷過警察濫暴濫捕，所以佢好有興趣知，亦都會想出一分力幫香港年輕人。」
自去年6月至今，抗命加抗疫，我們更能體會一個非民選政府帶來的禍害，並非你不想談政治就可以避開。當下大家可能未必太知道下一步應該如何，[orange]「我知道應該點做就好啦，所以更要乜都試吓，用自己專長出一分力，自己能力做到就去做，每個人都有能力。簡單一點，食黃店幫襯經濟圈都係啦，我自己都會。」[/orange]
遊戲中建築物看到「冇品360」、「黑心西餅」，玩得投入啦。
有「救手足」行動，這個遊戲就像這場運動，令香港人更團結。
和勇不分，「叫口號」一樣可以令敵人意志力減低。
遊戲包裝設計非常有品味，在外國印製。
光頭警，大家都認得啦，現實世界亂舉槍，在微博語無倫次嗰個。
每個任務也有防暴警，「未係完成品，到時會再靚啲。」
玩家的棋子，有女抗爭者。
滿身紋身白衣人，7.21除了記得他們外，還有轉身走的「忠誠勇毅」。
fb：HK Summer 2019 the Board Game
採訪：陳孝義
攝影：許先煜
部份圖片由受訪者提供
【逆權設計】救手足‧叫口號‧意志勿歸零 齊上齊落 桌遊當文宣
遊戲中玩家係「齊上齊落」，「一齊輸一齊贏」。
【逆權設計】
由炎夏到寒冬，來到2月遇上武肺疫情，香港人抗爭之火依然未熄，只是形式有所轉變。早於去年尾已在網上集資製作的board game「香港夏 二零一九 Hong Kong 2019 Summer」，內裏看到「冇品360」、「黑心西餅」、「光頭警」、「白衣人」，我們都不會忘記。製作人P先生（化名），更明白需要打「國際線」宣揚到外國，讓更多人知道香港發生的事。
記者去年尾開始相約P先生在網上做訪問，但白色恐怖、濫暴濫捕事件充斥，令P先生很謹慎地去確定記者的身份，最後相約在蘋果大樓訪問才較放心。同時，由於遊戲製作上沒有用中國生產商，在外國製的樣辦改了幾次又遲遲未寄到，最終在今年才做到訪問。於市區接載未見過面的P先生齊齊入將軍澳，「你着乜衫呀？」「黑衫黑褲黑背囊黑口罩。」上車後他說：「頭先見到幾個防暴，好彩冇搜我身，等陣見到啲board game道具，屈我藏有攻擊性武器呀。」這就是現在香港人對警察的印象。
集資火速達標 賺錢再義賣
說到參與反送中運動的程度，P先生說：「遊行一定到，亦會幫手製作文宣。」至於製作board game這念頭，「應該係6月啦，之後越嚟越多嘢發生，6.12我冇留到好夜，之後返屋企睇直播，再來7.21、8.31，太多材料。」由12月9日開始在Kickstarter集資，一個月後已達46萬港元，比目標多出逾5倍，支持人數超過500，但近日常見的是「人血饅頭」這四個字。「其實冇諗過賺錢，但Kickstarter唔可以寫公開籌款，扣除成本後用賺到嘅錢再攞出嚟製作同款board game，咁就有現貨可以義賣，到時賣咗啲錢睇吓捐去邊。」P先生指，不會在這個計劃中賺錢，不過說到「人血饅頭」，他有一套見解，「我覺得賺錢真係冇問題，我哋成日講黃色經濟圈，黃圈都要食飯，咁賺咗錢消費返喺黃圈入面，請人就請返手足，請返班要幫嘅後生仔，咁先係長遠發展。」
說到請手足，他這計劃中亦請了一位「𡃁仔」做兼職，「幫手執吓layout，如果再大規模啲，就可以請多啲手足。」製作團隊暫時只有三人，「我負責畫嘢、設計，另外兩位負責3D模型、寫字。其實成本可以再平啲，不過我唔想攞返大陸印，今次冇用任何大陸嘢，都係歐美嗰邊印，加埋自己用3D打印機製作。」Kickstarter說明是今年內交貨，P先生指是預鬆了，應該最快三、四個月內有貨，「啱啱完咗自己手頭上一個project，可以全力製作，交貨之後就開始會有現貨，會睇吓點義賣。」
蒙面出鏡 最怕女友媽媽認出
原來P先生一直都在做board game這門生意，「我喺香港讀中學、大學、碩士，之後到意大利進修美術，碩士開始都係讀啲有關game design嘅嘢，因為我12、13歲已經開始自己學寫game。到出嚟做嘢，開頭係打工參與製作手機遊戲，不過覺得手遊好難有故事性，形式都係想玩家花時間儲嘢課金。做做吓開始覺得悶，就試吓自己做，再自製board game放上網賣，暫時都做咗十幾廿款，都維持到生活。」說到受歡迎度，抗爭主題其實反應麻麻，「今次主題比較難，外國人未必有興趣，係超熱愛board game嘅愛好者先會想買，不過咁正合我心意，我就想有啲唔太留意其他地方新聞嘅外國人都留意到呢件事。」哪些主題最好賺？「如果純賺錢，配合返外國人鍾意嘅主題，例如喪屍啦。」
今次蒙面出鏡，P先生說其實並非全因怕被起底，只是有「私人原因」——女友媽媽是「深藍」。哪女友呢？「女友黃過我。」他說純粹不想女友難做。「深藍都唔會睇《蘋果》啦？」「可能啲親戚會嘛。」對，謹慎一點好，有一位黃過自己的女朋友，的確要好好珍惜。
打國際線 將香港的事傳出去
玩法方面，對board game不熟悉的記者覺得其實是桌上版RPG，不過加入大量抗爭元素，首先是「齊上齊落」，「唔係競爭性，係合作玩法，四個人共同做任務，四個人一齊贏一齊輸。」每人有不同數值可儲經驗增加，亦有不同卡片可以出，例如「推」、「踢」、「救手足」等，玩家體力、意志歸零就要離場。敵人則憑公仔示意，「光頭警、白衣人、防暴狗……我意思係遊戲入面嘅防暴警。敵人都會有裝甲值，玩家還會有用智力出的招數，如『叫口號』，係對全體敵人意志嘅傷害。」隨着不同地圖會有不同任務，可以是救人，從中得到獎勵可以加數值或抽新卡，「有時啲狗……我意思係遊戲入面啲警察會發癲，例如雙倍速度襲擊你咁。」
即是沒有玩家會扮演警察，如果是打機，可以理解警察為電腦操作？「係，冇玩家做警察，知冇人會想做。」
這次集資支持者中，三成是香港人，七成是外國人。「其實board game係好好嘅媒介去傳播訊息，因為每個任務都要玩家代入遊戲角色身份。有啲外國人唔係完全唔知香港嘅事，不過可能睇吓新聞標題就算，如果玩呢隻board game，就可以了解多啲。」對於遊戲中的任務，P先生有堅持，「因為想講事實畀其他人知，所以唔會老作，所有任務題材都係真實發生過，我親眼或睇新聞片段見過嘅，有8.31太子月台車廂事件，又有7.21白衣人無差別攻擊事件。」
打「國際線」成效如何？「都有啲人私下問我嘢，試過有個美國大學教授，佢而家退咗休，主要係出一啲教育有關嘅board game同app，佢話睇到我哋隻game後，勾起佢嘅回憶，喺60年代時，呢位伯伯都係大學生，佢都經歷過警察濫暴濫捕，所以佢好有興趣知，亦都會想出一分力幫香港年輕人。」
自去年6月至今，抗命加抗疫，我們更能體會一個非民選政府帶來的禍害，並非你不想談政治就可以避開。當下大家可能未必太知道下一步應該如何，[orange]「我知道應該點做就好啦，所以更要乜都試吓，用自己專長出一分力，自己能力做到就去做，每個人都有能力。簡單一點，食黃店幫襯經濟圈都係啦，我自己都會。」[/orange]
遊戲中建築物看到「冇品360」、「黑心西餅」，玩得投入啦。
有「救手足」行動，這個遊戲就像這場運動，令香港人更團結。
和勇不分，「叫口號」一樣可以令敵人意志力減低。
遊戲包裝設計非常有品味，在外國印製。
光頭警，大家都認得啦，現實世界亂舉槍，在微博語無倫次嗰個。
每個任務也有防暴警，「未係完成品，到時會再靚啲。」
玩家的棋子，有女抗爭者。
滿身紋身白衣人，7.21除了記得他們外，還有轉身走的「忠誠勇毅」。
fb：HK Summer 2019 the Board Game
採訪：陳孝義
攝影：許先煜
部份圖片由受訪者提供
本貼文共有 0 個回覆
| 發表文章 | 發起投票 | 回覆 |