話說今朝因為有野做所以要早起身，以防萬一琴晚就叫咗個以前嘅女同學叫醒我。

咁今朝佢打比我嘅時候我就醒咗聽電話，
佢：「起身喇懶訓豬~~」
我：「嗯...醒喇醒喇...」
佢：「咁我收線喇~~」佢今朝都好似有野要忙
我：「OK，唔該哂」
佢：「嘻嘻...咁我晏d搵你啦 唔好訓翻喇~~」我：「好啦，掰掰。」

之後一擰轉頭就見到妹妹黑哂面咁望住我，
佢問：「咁早邊個打比你呀？ 」
我就好無辜咁話：「無呀，我個friend叫我起身咋... 」
佢好似更加嬲咁問：「哦！？Morning call咁sweet呀，男仔定女仔黎？ 」
我：「額... 」
佢笑住咁伸隻手出黎：「比我睇下部電話 」
我知道如果我唔比，事情只會越趨惡化...所以我死死地氣咁遞部手機比佢，點知唔比由是可，一比就更大火...
「霖霖！？好熟喎同人地，用疊字做暱稱。 」
我好冤枉咁話：「唔係呀...佢個名真係疊字兩個霖呀... 」
「哼，好野呀你，有我可以叫醒你你唔搵我，係要搵其他女仔叫，靜雞雞你好野 」
我：「唔係呀傻妹...」
佢一野打住我講緊嘅野：「得喇唔洗講，你有咩留翻同你嘅霖霖慢！慢！講！ 」之後佢就好快出咗門口。


點算好，應該點氹返佢？