話說件事就係咁既
今日我就要上中史堂
咁上上下堂既時候，我就嫌阿sir教得悶
所以就chok左個火球射佢黎表示不滿
本身諗住剩係燒爛佢件杉就算
點知我就低估左個火球既威力
唔單止燒左佢件杉，我仲燒埋佢條褲
搞到佢露左條牙籤出黎比全班笑
係個一刻，我見到阿sir隻手有d黑光
我就知道今次玩大左
果然，阿sir係下一秒即刻出左個邪鬼衝擊波出黎
由於事出突然，我食正左個波，成條血無左一半
唉，阿sir動真火，我唯有同阿sir sa冧認錯
點知阿sir得勢不撓人，又出個邪鬼衝擊波出黎射我
屌你老未，我唔發火當我病貓？
我即刻向我個fd打個眼色
之後一個互撞合體變冰火佬
再出招光之衝擊波同佢個邪鬼衝擊波抗衡
玩過lf2既人都知道
光之衝擊波係勁過邪鬼衝擊波
所以，個邪鬼衝擊波頂左無幾耐自動消散
本來諗住依一招光之衝擊波會教訓到個阿sir等佢唔好咁串
點知原來佢招邪鬼衝擊波只係虛招
真正既殺著係喱係後面用緊沖拳既阿sir
佢一拳就將我地打回原形，變返做一冰一火兩個人
屌，係你逼我
係依個時候，我同我個fd即刻由班房跑出操場
用空間換取時間，把握時間係後庭到拎個變身器變身做光之美少女
到阿sir追到黎既時候已經阻止唔到我地變身
我地左手繞右手，使出一招亮晶晶黑白迴轉
阿sir好明顯估唔到我有依一著，一時之間手忙腳亂
硬食左招野，成個人撞左上天之後再跌返落地
成個身跌到血肉模糊
睇個勢就應該斷左氣
本來以為咁就可以鬆一口氣
點知阿sir條屍無啦啦變大
唔使幾秒就變到成間學校咁高
仲要係到不停叫囂
實在太囂張了
同我鬥？
我即刻拎起電話call齊百獸王、忍風戰隊、轟轟戰隊、特搜戰隊、海賊戰隊、魔法戰隊、爆龍戰隊渣定部機過黎
仲叫埋迪加、麥斯、帝拿同梅比斯黎助戰
依家一打十一
比盡你係葉問一打十都贏唔到
我睇你點同我鬥