| 發表文章 | 發起投票 | 回覆 |
【 2024年4月12日 快必開往拔摩島的航程 - 第1315日】
【 2024年4月12日 快必開往拔摩島的航程 - 第1315日】
HD 1080p
TAMtakchi Fast Beat
https://m.youtube.com/watch?v=OJI5O1w6Ks8
Apr 12
2024
//快必四月份第一封回信，分享忌廉的故事；
住喺英國嘅朋友，幫快必去UNIQLO及吓啲褸係唔係靚過香港喎？
快必小五被老師恥笑佢個名，女同學仍然記得40年前呢個「名字的故事」！//
1）阿妹寫信嚟同我講飲威士忌，咁啱4月1號探訪嘅中同都話自己少飲咗啤酒，因為啤酒濕喎，改飲烈酒，真係啱晒我啦！大外甥女同我講關於升大學嘅事，細外甥女就叫我寫首詩俾佢，要似C. S. Lewis咁，我打算翻譯一首宮澤賢治嘅詩俾佢，正呀！
2）黃鶯媽：收到你3月16號嘅信，對於阿堯嘅判刑，大家都好心痛，對於唔公義唔公平唔合理嘅事，既哀且怒，證明我哋仍然有人性，在基督榮光光照之下，我哋仍然睇到彼此！
3)向山舉目：非常高興你搵到啲志同道合嘅人一齊查經，主要係聚集同聲同氣嘅人，不被人渣打散，「信心不是一個人的，信心是在群體當中的」。記住！正如我同我嘅群體，包括每位寫信俾我嘅朋友，大家陪我頂咗三年幾，仲有唔知幾多年要頂。
4)Rebecca：收到你3月14號嘅信以及鳥山明嘅畫，鳥山明我都好like的，68歲就走了，令人惋惜！你有很好嘅查經小組，好正，就咁樣要堅持落去啊！
5)手巾仔：我有個中學同學佢同學車、考車冇乜緣份，一直都未考到個牌，本來佢仲話考咗牌，我畢業嘅時候會揸車來接我，算啦。如果要去海外，咁就一定要識揸車。好多外地嘅朋友話專登唔join香港人群體喎，怕是非多。我就話睇人嘅啫，香港人都有啲質素好嘅，鬼佬都有是非精㗎！
6)Silver：你喺信入邊問我嗰啲漫畫對白，係唔係來自IQ博士、金田一、聖鬥士星矢同天才小廚師呢？我最近睇咗套「銀河英雄傳說」，睇到第19集，其他同學好鍾意，我就一般，我反而鍾意一套叫做「達爾文事變」，講人同猩猩生下嘅猩猩人故事，睇咗幾冊，幾OK喎。
7)多倫多羅永祥：收到你3月10號嘅信，感謝您詩篇92篇俾我嘅勉勵，我寫嘅講章，唔知你有冇睇呢？上主的話給予我們持續的支持和打氣呢！願大家也得到幫助！
8)老番： 3月13號嘅信同埋金毛尋回犬卡，都收到啦。冇錯，忌廉係兩年前嘅3月20號離世嘅，我至今都仍然未能夠忘懷，有些空白，一生都會留白的，直至我哋再度重遇。到我回家嘅一日，就會將忌廉嘅骨灰帶到佢喜歡嘅地方，我日後都會傳頌忌廉嘅故事。今日先提一個 —— 2020年9月6號朝早，四條友上門拉我嘅時候，見到忌廉，問我佢會唔會咬人喎？我話：「呢度對你哋最友善嘅，係佢呀！」
~有人問我第二時會唔會再養狗？當然啦，我要將嗰一份愛延續落去，好似有個老友去咗利物浦，佢都有隻金毛家人，叫金仔，以前會同忌廉一齊玩。我一直希望可以早啲落船探佢，到時佢已經10幾歲，叫金伯了。
9)另外，住喺英國嘅朋友，想請你哋指教一下，嗰邊嘅UNIQLO係唔係賣好多歐洲款嘅褸呢？係唔係同香港唔同呢？因為我睇日本時裝雜誌，見到UNIQLO啲款靚啲有型啲，同香港唔同，香港嗰啲以功能性為主，唔型呀，你哋有冇發現呢？喺英國行開街嘅話，幫我留意吓，寫信話我聽啦！
10)除咗睇時裝潮流雜誌、漫畫之外，都會睇吓硬嘢，軟同硬隔住嚟睇。我最近睇嘅一本「政治神學」，作者陳家富，好正，另外又睇咗蔣曉薇嘅「家寶」，關於一個女人和香港嘅命運，喺書入面，知道有一本叫做「名字的玫瑰」係董啟章嘅書，令我諗起名字所承載嘅意義同命運。
11)有一個小五男生叫譚得志，有一日喺課堂，姓黃嘅小學女老師以佢個名取笑佢：「譚得志？得志？講吓就得，你姓譚吖嘛，哈！」呢件事， 40年之後，有一位女同學探訪譚得志嘅時候話返俾佢聽，原來呢位女同學當時都很不屑嗰位姓黃嘅老師，「咁樣攞人個名嚟恥笑，做乜嘢老師吖。」譚得志以為只有自己記得呢一件小學五年級嘅往事，原來仲有人記得呢一個「名字的故事」。
~被人取笑過無數次小人得志、一朝得志、鬱鬱不得志，佢從冇忘記父母取這個名字嘅意義，除咗少年得志、英雄得志之外，得志二字其實出自「孟子——盡心章」，即係好多人識嗰兩句「窮則獨善其身，達則兼善天下」之前嘅頭幾句：古之人，得志，澤加於民；不得志，修身見於世。
12)依家身陷囹圄，即係「窮」、即係「不得志」，即係身陷困境，呢幾句，正係勉勵我喺困境中要自強不息，達己達人。所以，我好唔鍾意有人將我個名寫錯做德智（品德嘅德，智慧嘅智）。士心志有志氣、意志、決志，立定心志的堅決，威武和惡法不能屈，此志不渝、臨危不亂、臨難不亂的那個志。
13)除咗自己個名，我亦都諗起其他朋友嘅名名字：品雪，其品如雪，品格如雪，好名！繹思，糹邊的繹，絡繹不絕，不斷思考，都好好！繹慧，係不斷有智慧，耀宗、萬基、兆康、興彥、俊彥、自強、子樂、子健、子聰……都是父母對兒子快樂健康聰明平安的心願。名字是寄望，是一生，是命運，是關係，是連結，是一個世界，我心中還有很多名字，很多面孔，我在冤獄呼喚你們的名字，也在冤獄呼喚自己的名字。我不是一個冧把、兩個冧把三個冧把!
14）又到周末，大家有時間嘅話就可以買張卡、寫封信俾快必或者其他船員，特別係如果你仲未寫過信嘅話，係時候扚起心肝啦，唔好懶唔好怕羞，因為收到你哋嘅信同埋卡，對佢哋嚟講係好大嘅支持同鼓勵。
~至於好耐冇寫過信嘅朋友，就快啲加入返筆友嘅行列，update吓自己嘅近況。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
HD 1080p
TAMtakchi Fast Beat
https://m.youtube.com/watch?v=OJI5O1w6Ks8
Apr 12
2024
//快必四月份第一封回信，分享忌廉的故事；
住喺英國嘅朋友，幫快必去UNIQLO及吓啲褸係唔係靚過香港喎？
快必小五被老師恥笑佢個名，女同學仍然記得40年前呢個「名字的故事」！//
1）阿妹寫信嚟同我講飲威士忌，咁啱4月1號探訪嘅中同都話自己少飲咗啤酒，因為啤酒濕喎，改飲烈酒，真係啱晒我啦！大外甥女同我講關於升大學嘅事，細外甥女就叫我寫首詩俾佢，要似C. S. Lewis咁，我打算翻譯一首宮澤賢治嘅詩俾佢，正呀！
2）黃鶯媽：收到你3月16號嘅信，對於阿堯嘅判刑，大家都好心痛，對於唔公義唔公平唔合理嘅事，既哀且怒，證明我哋仍然有人性，在基督榮光光照之下，我哋仍然睇到彼此！
3)向山舉目：非常高興你搵到啲志同道合嘅人一齊查經，主要係聚集同聲同氣嘅人，不被人渣打散，「信心不是一個人的，信心是在群體當中的」。記住！正如我同我嘅群體，包括每位寫信俾我嘅朋友，大家陪我頂咗三年幾，仲有唔知幾多年要頂。
4)Rebecca：收到你3月14號嘅信以及鳥山明嘅畫，鳥山明我都好like的，68歲就走了，令人惋惜！你有很好嘅查經小組，好正，就咁樣要堅持落去啊！
5)手巾仔：我有個中學同學佢同學車、考車冇乜緣份，一直都未考到個牌，本來佢仲話考咗牌，我畢業嘅時候會揸車來接我，算啦。如果要去海外，咁就一定要識揸車。好多外地嘅朋友話專登唔join香港人群體喎，怕是非多。我就話睇人嘅啫，香港人都有啲質素好嘅，鬼佬都有是非精㗎！
6)Silver：你喺信入邊問我嗰啲漫畫對白，係唔係來自IQ博士、金田一、聖鬥士星矢同天才小廚師呢？我最近睇咗套「銀河英雄傳說」，睇到第19集，其他同學好鍾意，我就一般，我反而鍾意一套叫做「達爾文事變」，講人同猩猩生下嘅猩猩人故事，睇咗幾冊，幾OK喎。
7)多倫多羅永祥：收到你3月10號嘅信，感謝您詩篇92篇俾我嘅勉勵，我寫嘅講章，唔知你有冇睇呢？上主的話給予我們持續的支持和打氣呢！願大家也得到幫助！
8)老番： 3月13號嘅信同埋金毛尋回犬卡，都收到啦。冇錯，忌廉係兩年前嘅3月20號離世嘅，我至今都仍然未能夠忘懷，有些空白，一生都會留白的，直至我哋再度重遇。到我回家嘅一日，就會將忌廉嘅骨灰帶到佢喜歡嘅地方，我日後都會傳頌忌廉嘅故事。今日先提一個 —— 2020年9月6號朝早，四條友上門拉我嘅時候，見到忌廉，問我佢會唔會咬人喎？我話：「呢度對你哋最友善嘅，係佢呀！」
~有人問我第二時會唔會再養狗？當然啦，我要將嗰一份愛延續落去，好似有個老友去咗利物浦，佢都有隻金毛家人，叫金仔，以前會同忌廉一齊玩。我一直希望可以早啲落船探佢，到時佢已經10幾歲，叫金伯了。
9)另外，住喺英國嘅朋友，想請你哋指教一下，嗰邊嘅UNIQLO係唔係賣好多歐洲款嘅褸呢？係唔係同香港唔同呢？因為我睇日本時裝雜誌，見到UNIQLO啲款靚啲有型啲，同香港唔同，香港嗰啲以功能性為主，唔型呀，你哋有冇發現呢？喺英國行開街嘅話，幫我留意吓，寫信話我聽啦！
10)除咗睇時裝潮流雜誌、漫畫之外，都會睇吓硬嘢，軟同硬隔住嚟睇。我最近睇嘅一本「政治神學」，作者陳家富，好正，另外又睇咗蔣曉薇嘅「家寶」，關於一個女人和香港嘅命運，喺書入面，知道有一本叫做「名字的玫瑰」係董啟章嘅書，令我諗起名字所承載嘅意義同命運。
11)有一個小五男生叫譚得志，有一日喺課堂，姓黃嘅小學女老師以佢個名取笑佢：「譚得志？得志？講吓就得，你姓譚吖嘛，哈！」呢件事， 40年之後，有一位女同學探訪譚得志嘅時候話返俾佢聽，原來呢位女同學當時都很不屑嗰位姓黃嘅老師，「咁樣攞人個名嚟恥笑，做乜嘢老師吖。」譚得志以為只有自己記得呢一件小學五年級嘅往事，原來仲有人記得呢一個「名字的故事」。
~被人取笑過無數次小人得志、一朝得志、鬱鬱不得志，佢從冇忘記父母取這個名字嘅意義，除咗少年得志、英雄得志之外，得志二字其實出自「孟子——盡心章」，即係好多人識嗰兩句「窮則獨善其身，達則兼善天下」之前嘅頭幾句：古之人，得志，澤加於民；不得志，修身見於世。
12)依家身陷囹圄，即係「窮」、即係「不得志」，即係身陷困境，呢幾句，正係勉勵我喺困境中要自強不息，達己達人。所以，我好唔鍾意有人將我個名寫錯做德智（品德嘅德，智慧嘅智）。士心志有志氣、意志、決志，立定心志的堅決，威武和惡法不能屈，此志不渝、臨危不亂、臨難不亂的那個志。
13)除咗自己個名，我亦都諗起其他朋友嘅名名字：品雪，其品如雪，品格如雪，好名！繹思，糹邊的繹，絡繹不絕，不斷思考，都好好！繹慧，係不斷有智慧，耀宗、萬基、兆康、興彥、俊彥、自強、子樂、子健、子聰……都是父母對兒子快樂健康聰明平安的心願。名字是寄望，是一生，是命運，是關係，是連結，是一個世界，我心中還有很多名字，很多面孔，我在冤獄呼喚你們的名字，也在冤獄呼喚自己的名字。我不是一個冧把、兩個冧把三個冧把!
14）又到周末，大家有時間嘅話就可以買張卡、寫封信俾快必或者其他船員，特別係如果你仲未寫過信嘅話，係時候扚起心肝啦，唔好懶唔好怕羞，因為收到你哋嘅信同埋卡，對佢哋嚟講係好大嘅支持同鼓勵。
~至於好耐冇寫過信嘅朋友，就快啲加入返筆友嘅行列，update吓自己嘅近況。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |