發表文章 | 發起投票 | 回覆 |
【 2024年7月26日 快必開往拔摩島的航程 - 第1420日】
【 2024年7月26日 快必開往拔摩島的航程 - 第1420日】
TAMtakchi Fast Beat
https://m.youtube.com/watch?v=XyF1Y76u4Rc
Jul 26
2024
//荔枝角隻船同巴黎奧運選手村一樣,非常環保,冇冷氣!
快必係ICQ年代嘅人,到而家仲記得「喔噢」嗰個響聲。
落船之後去飲茶食點心,都係其中快必嘅心水。
Billie Eilish、Taylor Swift、麥當娜同Beatles,邊個紅啲邊個好啲?//
1)天氣非常熱,荔枝角同巴黎奧運選手邨一樣冇冷氣。先兩年,開始可以有冰巾入比船員,佢哋熱嘅時候就可以整濕條冰巾,敷下個身,咁樣可以涼快啲。不過今個暑假佢哋就慘啲,快必同探訪嘅家人講,呢排因為荔枝角隻船啲水供應唔穩定,有時會冇水用,因為開始咗重建工程,供水時不時受到影響。
2)家人話都聽到職員話唔單止船員,佢哋都有受到影響㗎,不過冇計啦,呢隻荔枝角船已經幾十年,設施老化而且呢兩年收生超額,相當擠擁呀!幾時重建完成?要2031年年尾喎。家人話,就算冇三分之一假釋,相信都唔到快必享用全新設施啦啩!
3)今日收到快必7月16號回覆大家嘅信,係唔係好快呢!又要讚吓懲教署啦。信嘅內容係咁嘅:
澳洲Helen:收到你6月16號嘅postcard,觀光火車好正啊!日本呢方面真係好完善,同澳洲一樣。我坐緊嘅慢船,都好完善呀,只係睇唔到風景,睇唔到日月星辰。落船之後,去世界各地坐下唔同火車旅行,都係好玩嘅!
Teresa:收到你七月頭嘅信,我都係ICQ年代嘅人喎! 「喔噢」嗰個響聲,到而家仲記得。逸東酒店為同志伴侶舉行結婚儀式,好好吖!SB啱啱喺疫情嘅時候,都喺嗰度舉行咗, OK啊,嗰時我喺船上,出席唔到佢嘅婚禮。香港依家都仲係唔承認同性婚姻,將來佢嘅伴侶可唔可以用親人名義額外申請兩次探訪呢?呢方面我比較關心多啲。
D100自己友Angela: 7月1號嘅信同埋笑話收到啦,上個月嗰啲都收到,笑話同大話以及真話,全部都好好笑,只要你有我嘅修為,了解一下笑話、大話同真話,就可以沉澱參透了,到時你就會日日笑過不停!
向山舉目:收到你六月尾同七月頭三疊信同埋圖以及文章。我鍾意飲茶走㗎,依家隔日嘅私飯早餐,都會有茶走或者央走,但係有時茶餐廳會將茶走變咗做走甜,我懷疑夥計可能係新香港人。聖經中嘅人物,我最鍾意三個女人,抹大拉瑪利亞、耶穌阿媽瑪利亞,仲有夏娃。有機會你再來信問我點解呀。我都好鍾意杜琪峰嘅文章,但係千祈唔好以為佢係自己友,正如我唔會,話黃秋生同杜汶澤都係自己友一樣,佢哋唔係黃耀明啊!佢哋係正常嘅香港人,不過已經好難得㗎啦!
黃金豬:收到你7月1號嘅信同埋歌詞,首歌我冇乜印象。你呢排有冇聽乜嘢新歌呢?定係仍然聽緊舊歌?來信同我分享一下啦!
利物浦fans阿森: 6月30號嘅信我七月中收到。我喺外邊嘅話,都會睇歐洲國家盃嘅,球會盃我就唔睇啦。好耐之前有一屆我估中咗丹麥攞冠軍,希臘攞冠軍嗰屆呢就最悶。因為冇電視睇,我亦都冇估今屆嘅結果。你勁喎,估中咗英格蘭亞軍同西班牙冠軍。
另一位利物浦fans老番:收到你嘅信啦,我都OK鄭伊健㗎,如果喺日本街頭撞到,我哋會認到對方啩,互相問候一下,可能好多嘢,有可能唔知講啲乜。我同意你話鄭伊健冇嗰啲騎呢大灣怪咁樣乞食法,真係要俾個大大嘅Credit佢,暫時我對人性不抱太大期望嘅。
三高的美食家:九龍城嘉豐點心我當然知啦,有幾次我開完街站想去食但都冇去到。有人問我出去第一時間想食乜?飲茶食點心都係其中一個選擇,如果半夜放我落船,我會返屋企食自己包嘅韭菜雲吞,要落啲蝦米碎,蝦米要用紹興酒浸1分鐘。中女經紀:你就係三高美食家吧!俾我識穿咗呢哈哈!嗰啲拉筋技巧都收到啦,每晚七至八點,我都會拉下筋,拉完之後或個半鐘頭嘅話,然後瞓覺,咁就又一day,又扣咗一日啦,又距離返屋企嘅日子近一日。我唔單止咁樣安慰自己,亦都咁樣安慰身旁嘅船友。
神同文風:收到你7月1號嘅信,如果比較Billie Eilish同Taylor Swift,我比較鍾意Billie Eilish多啲。因為Taylor成日着嗰啲珠片一件頭泳衣,好老土,我都唔明點解佢咁紅? !我成日問人,麥當娜好啲定Taylor Swift好啲?又問Beatles紅啲定係佢紅啲?唔知大家有咩高見呢?
快必嘅回信嚟到呢一度,又係啦,未到你嘅話,請俾多少少耐性喎。呢幾日快必嘅郵箱呢,收到以下朋友寄來嘅信,包括:加路俾快必同其他船員嘅信,中女經紀比快慢嘅信,澳洲Helen嘅Postcard,神同Jan Jan, 分享玉置浩二嘅阿Moon,阿生,向山舉目兩封信、黃鶯媽前後三封信。多謝晒咁多位記掛住快必!
~又到周末,如果你仲未寫過信比快必呢,係時候扚起心肝,唔好懶唔好怕羞,嚟緊係盂蘭節、又有七夕、好快又中秋,去買張靚靚嘅卡寄俾快必啦,因為收到你哋嘅信同卡,對佢嚟講係好大嘅支持同鼓勵。寫開信嘅朋友,唔好停繼續寫;好耐冇寫信嘅呢,就快啲拎起紙同筆,加入返筆友嘅行列。大家可以將相或者cap圖,insert 喺word document /powerpoint等嘅文書軟件,加埋信嘅內容,打字/或者手寫字都得,用A4紙,最好彩色印出嚟,黑白都得嘅,不過冤獄世界好單調黑暗,灰蚊蚊,有啲彩色嘢睇吓好啲!
~不過提醒一下,寫信、寄卡,記住唔可以有閃粉、唔可以有貼紙,唔可以用訂書釘,亦都唔可以係3D凸出嚟嗰種喎,但係燙金燙銀嗰一啲就OK嘅!
來信請寄去:
香港七姊妹郵政局
郵政信箱60141號
(PO Box 60141
Tsat Tsz Mui Post Office, HK)
TAMtakchi Fast Beat
https://m.youtube.com/watch?v=XyF1Y76u4Rc
Jul 26
2024
//荔枝角隻船同巴黎奧運選手村一樣,非常環保,冇冷氣!
快必係ICQ年代嘅人,到而家仲記得「喔噢」嗰個響聲。
落船之後去飲茶食點心,都係其中快必嘅心水。
Billie Eilish、Taylor Swift、麥當娜同Beatles,邊個紅啲邊個好啲?//
1)天氣非常熱,荔枝角同巴黎奧運選手邨一樣冇冷氣。先兩年,開始可以有冰巾入比船員,佢哋熱嘅時候就可以整濕條冰巾,敷下個身,咁樣可以涼快啲。不過今個暑假佢哋就慘啲,快必同探訪嘅家人講,呢排因為荔枝角隻船啲水供應唔穩定,有時會冇水用,因為開始咗重建工程,供水時不時受到影響。
2)家人話都聽到職員話唔單止船員,佢哋都有受到影響㗎,不過冇計啦,呢隻荔枝角船已經幾十年,設施老化而且呢兩年收生超額,相當擠擁呀!幾時重建完成?要2031年年尾喎。家人話,就算冇三分之一假釋,相信都唔到快必享用全新設施啦啩!
3)今日收到快必7月16號回覆大家嘅信,係唔係好快呢!又要讚吓懲教署啦。信嘅內容係咁嘅:
澳洲Helen:收到你6月16號嘅postcard,觀光火車好正啊!日本呢方面真係好完善,同澳洲一樣。我坐緊嘅慢船,都好完善呀,只係睇唔到風景,睇唔到日月星辰。落船之後,去世界各地坐下唔同火車旅行,都係好玩嘅!
Teresa:收到你七月頭嘅信,我都係ICQ年代嘅人喎! 「喔噢」嗰個響聲,到而家仲記得。逸東酒店為同志伴侶舉行結婚儀式,好好吖!SB啱啱喺疫情嘅時候,都喺嗰度舉行咗, OK啊,嗰時我喺船上,出席唔到佢嘅婚禮。香港依家都仲係唔承認同性婚姻,將來佢嘅伴侶可唔可以用親人名義額外申請兩次探訪呢?呢方面我比較關心多啲。
D100自己友Angela: 7月1號嘅信同埋笑話收到啦,上個月嗰啲都收到,笑話同大話以及真話,全部都好好笑,只要你有我嘅修為,了解一下笑話、大話同真話,就可以沉澱參透了,到時你就會日日笑過不停!
向山舉目:收到你六月尾同七月頭三疊信同埋圖以及文章。我鍾意飲茶走㗎,依家隔日嘅私飯早餐,都會有茶走或者央走,但係有時茶餐廳會將茶走變咗做走甜,我懷疑夥計可能係新香港人。聖經中嘅人物,我最鍾意三個女人,抹大拉瑪利亞、耶穌阿媽瑪利亞,仲有夏娃。有機會你再來信問我點解呀。我都好鍾意杜琪峰嘅文章,但係千祈唔好以為佢係自己友,正如我唔會,話黃秋生同杜汶澤都係自己友一樣,佢哋唔係黃耀明啊!佢哋係正常嘅香港人,不過已經好難得㗎啦!
黃金豬:收到你7月1號嘅信同埋歌詞,首歌我冇乜印象。你呢排有冇聽乜嘢新歌呢?定係仍然聽緊舊歌?來信同我分享一下啦!
利物浦fans阿森: 6月30號嘅信我七月中收到。我喺外邊嘅話,都會睇歐洲國家盃嘅,球會盃我就唔睇啦。好耐之前有一屆我估中咗丹麥攞冠軍,希臘攞冠軍嗰屆呢就最悶。因為冇電視睇,我亦都冇估今屆嘅結果。你勁喎,估中咗英格蘭亞軍同西班牙冠軍。
另一位利物浦fans老番:收到你嘅信啦,我都OK鄭伊健㗎,如果喺日本街頭撞到,我哋會認到對方啩,互相問候一下,可能好多嘢,有可能唔知講啲乜。我同意你話鄭伊健冇嗰啲騎呢大灣怪咁樣乞食法,真係要俾個大大嘅Credit佢,暫時我對人性不抱太大期望嘅。
三高的美食家:九龍城嘉豐點心我當然知啦,有幾次我開完街站想去食但都冇去到。有人問我出去第一時間想食乜?飲茶食點心都係其中一個選擇,如果半夜放我落船,我會返屋企食自己包嘅韭菜雲吞,要落啲蝦米碎,蝦米要用紹興酒浸1分鐘。中女經紀:你就係三高美食家吧!俾我識穿咗呢哈哈!嗰啲拉筋技巧都收到啦,每晚七至八點,我都會拉下筋,拉完之後或個半鐘頭嘅話,然後瞓覺,咁就又一day,又扣咗一日啦,又距離返屋企嘅日子近一日。我唔單止咁樣安慰自己,亦都咁樣安慰身旁嘅船友。
神同文風:收到你7月1號嘅信,如果比較Billie Eilish同Taylor Swift,我比較鍾意Billie Eilish多啲。因為Taylor成日着嗰啲珠片一件頭泳衣,好老土,我都唔明點解佢咁紅? !我成日問人,麥當娜好啲定Taylor Swift好啲?又問Beatles紅啲定係佢紅啲?唔知大家有咩高見呢?
快必嘅回信嚟到呢一度,又係啦,未到你嘅話,請俾多少少耐性喎。呢幾日快必嘅郵箱呢,收到以下朋友寄來嘅信,包括:加路俾快必同其他船員嘅信,中女經紀比快慢嘅信,澳洲Helen嘅Postcard,神同Jan Jan, 分享玉置浩二嘅阿Moon,阿生,向山舉目兩封信、黃鶯媽前後三封信。多謝晒咁多位記掛住快必!
~又到周末,如果你仲未寫過信比快必呢,係時候扚起心肝,唔好懶唔好怕羞,嚟緊係盂蘭節、又有七夕、好快又中秋,去買張靚靚嘅卡寄俾快必啦,因為收到你哋嘅信同卡,對佢嚟講係好大嘅支持同鼓勵。寫開信嘅朋友,唔好停繼續寫;好耐冇寫信嘅呢,就快啲拎起紙同筆,加入返筆友嘅行列。大家可以將相或者cap圖,insert 喺word document /powerpoint等嘅文書軟件,加埋信嘅內容,打字/或者手寫字都得,用A4紙,最好彩色印出嚟,黑白都得嘅,不過冤獄世界好單調黑暗,灰蚊蚊,有啲彩色嘢睇吓好啲!
~不過提醒一下,寫信、寄卡,記住唔可以有閃粉、唔可以有貼紙,唔可以用訂書釘,亦都唔可以係3D凸出嚟嗰種喎,但係燙金燙銀嗰一啲就OK嘅!
來信請寄去:
香港七姊妹郵政局
郵政信箱60141號
(PO Box 60141
Tsat Tsz Mui Post Office, HK)
本貼文共有 0 個回覆
發表文章 | 發起投票 | 回覆 |