| 發表文章 | 發起投票 | 回覆 |
【 2024年10月25日 快必開往拔摩島的航程 - 第1511日】
【 2024年10月25日 快必開往拔摩島的航程 - 第1511日】
TAMtakchi Fast Beat
https://m.youtube.com/watch?v=VZIc0qWj63E
Oct 25
2024
1）尋日收到法院嘅通知，初步擬定11月19號派發留班通知書，雖然未confirm，唔係嗰日，都係咁上下時間啦，叫做有個日子啦！今日探訪快必嘅好友B哥同康仔就話快必睇落幾精神喎，佢當然知道就嚟有個了結啦，但係佢都冇乜嘢，非常精靈，只係又嬲爆Wall E半夜喧巴閉啫。
2）快必話喺船上，啲同學當然議論紛紛，有啲好樂觀，覺得自己好快可以落船；有啲超級樂觀，覺得自己會判刑輕，唔抵，坐凸咗喎！快必就話自己平常心，預咗唔使驚，總之過多一日，就係近落船多一日囉。只係佢想食耐啲私飯，冬天有羊腩煲，想食埋多一次呢個願望，實現唔到啦。
3）老友B哥同康仔同快必一路講嘢，見到快必就是不時抹下個鼻，原來佢話轉入秋涼，天氣轉，佢又有鼻敏感了，又打乞嗤少少鼻水咁啦，不過冇嘢嘅，船上其實有足夠藥物提供，不過佢唔想食咁多藥，所以冇特別要求。快必話懲教署對於船員嘅身心都照顧周到。好似啱啱尋日，就有弗洛伊德嚟搵佢，評估下佢嘅心理狀況喎。
4）快必話之前都聽過有啲同學見過弗洛伊德，有啲仲見成幾個鐘。快必初初以為佢呢一個頑劣嘅市井之徒，應該唔使見弗生啦，吖，點知呢個係弗小姐喎！弗小姐循循善誘，對市井之徒都好有愛心，問快必如果再揀一次，會唔會再犯呢個錯誤呀？（呢個係價值100萬嘅問題喎！）對於日日睇緊奧古斯丁「懺悔錄」嘅快必，真係冇難度嘅。
5）快必同兩個老友講笑咁話，細個洗禮嘅時候，牧師問：「係唔係真心拒絕邪惡，歸順主基督？」20年前結婚嘅時候，牧師又問佢：「係唔係真心乜乜物物？」佢話唸嗰段經文「無論點點點，我都咁咁咁……」所以見弗小姐，問佢認罪係唔係真心悔改？定係為咗攞三分之一刑期扣減？快必認為呢個根本就係神學問題，甚至僭越咗人同存在之間嘅神聖隱蔽關係喎。兩個好友實在有啲唔明白，總之簡單嚟講，快必自詡答案正確，表現正面，充滿正能量！好友B哥就話，既然係咁，係唔係真係有得減3份一㗎 ？快必話：交俾上主啦，唔好諗咁多啦。
6）快必反而諗得最多嘅係搬屋嘅問題。佢話喺荔枝角四年，死啦，個倉咁多書同雜物，轉啡色衫搬去第二隻船，搬啲嘢過去會好麻煩，佢今日已經開始執拾緊啲雜物，特別係啲書，盡快send返出去先。除咗搬屋，快必比較煩嘅係，未諗到今次着乜衫去劇院喎。估計11月涼涼地，又唔算太凍，又唔會好熱，着啲乜嘢衫好呢？佢話睇雜誌都搵唔到靈感，依家Online shopping都趕唔切訂衫啦，可能要着返啲舊衫啊！舊衫嘅話，佢又驚自己瘦咗高咗唔啱着喎，實在令佢好苦惱。好友B哥同康仔聽到快必嘅苦惱，都搭唔到嘴，15分鐘嘅探訪時間，好快就結束啦。
7）呢幾日未收到快必回覆大家嘅信，但可以睇吓佢最近睇咗啲乜書，快必讀贏——同大家分享。
～9月尾10月頭睇咗一本「愛的成人式」，作者叫乾胡桃，係嗰種所謂「愛情推理」嘅作品。作者同我哋玩捉迷藏，將一個個嘅hints埋藏喺故事當中，要求讀者注重每一個細節，睇吓可唔可以盡早拆破作者嘅心機？睇呢類書，讀者要同作者一樣咁有機心，城府亦都要深一點。故事中嘅男或者女主角，都可以係捕獵者或者被獵殺者，睇呢類書，其實都幾辛苦。如果喺岸上睇，可以話係有種「趣味」（我係好勉強先至會咁講），但係喺船上睇，就係一種自己找來的折磨。
～呢一本我自找折磨嘅書，分上下兩部份，以side A、side B命名，就好似cassette 帶同黑膠唱片兩面咁，有種懷舊，唔係CD或者數碼影音方式。嗰條所謂「橋」係你以為男主角一腳踏兩船，其實係女主角一腳踏兩船，而兩個男主角嘅名，亦都係好巧妙咁令讀者混淆。因此睇呢類書嘅「樂趣」真係有啲好似尋寶同捉迷藏。我睇呢本書嘅「推薦序」，有不少都話睇到最尾，會馬上從頭再睇一次，睇吓自己遺漏咗啲乜嘢？
8)睇完呢本書，感覺係有啲小情小趣，可能啱某啲人嘅胃口，但係not my cup of tea!所以無無聊聊，就喺船上嘅圖書館借咗「絕代雙驕」嚟睇。睇頭睇尾睇中間，覺得古龍太想做一個武俠推理小說家，但以推理偵探而言，絕代雙驕似乎又唔係古龍最好嘅作品，我覺得陸小鳳、楚留香可能好啲。
~「絕代雙驕」嘅解謎，在於天下第一聰明人小魚兒，諗極都諗唔到點解移花宮宮主係都唔殺佢，要花無缺親手殺死佢啦？讀者嘅樂趣僅在於此。書入嘅人物塑造十大惡人、十二星相，甚至偽善嘅江南大俠同金庸嘅人物塑造比較，古龍就比下去了。故事嘅場景鋪排，差異更大，雖然我唔鍾意金庸嘅偽善同歌頌邪惡勢力，但不得不承認，佢嘅小說，係比較好睇，消磨時間最好，但係，唔係有哲理唔係有深度，不必將佢捧得太高！
9)呢幾日快必嘅郵箱收到以下朋友寄俾佢嘅信同卡，包括：盈姿、璇璇、林生，居日港人Girou比快慢嘅卡，仲有古仔、阿生，同Silver俾快必同其他船員嘅信，以及向山舉目兩封信、黃鶯媽前後三封信。多謝晒咁多位記掛住快必。
7)如果你仲未寫過信俾快必嘅話呢，如果你怕羞、如果你好懶，咁就趁周末買張靚靚嘅聖誕咭寄入去同佢say hi啦！依家寄定聖誕咭差唔多啦，特別係海外嘅朋友，時差好長㗎 ！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=VZIc0qWj63E
Oct 25
2024
1）尋日收到法院嘅通知，初步擬定11月19號派發留班通知書，雖然未confirm，唔係嗰日，都係咁上下時間啦，叫做有個日子啦！今日探訪快必嘅好友B哥同康仔就話快必睇落幾精神喎，佢當然知道就嚟有個了結啦，但係佢都冇乜嘢，非常精靈，只係又嬲爆Wall E半夜喧巴閉啫。
2）快必話喺船上，啲同學當然議論紛紛，有啲好樂觀，覺得自己好快可以落船；有啲超級樂觀，覺得自己會判刑輕，唔抵，坐凸咗喎！快必就話自己平常心，預咗唔使驚，總之過多一日，就係近落船多一日囉。只係佢想食耐啲私飯，冬天有羊腩煲，想食埋多一次呢個願望，實現唔到啦。
3）老友B哥同康仔同快必一路講嘢，見到快必就是不時抹下個鼻，原來佢話轉入秋涼，天氣轉，佢又有鼻敏感了，又打乞嗤少少鼻水咁啦，不過冇嘢嘅，船上其實有足夠藥物提供，不過佢唔想食咁多藥，所以冇特別要求。快必話懲教署對於船員嘅身心都照顧周到。好似啱啱尋日，就有弗洛伊德嚟搵佢，評估下佢嘅心理狀況喎。
4）快必話之前都聽過有啲同學見過弗洛伊德，有啲仲見成幾個鐘。快必初初以為佢呢一個頑劣嘅市井之徒，應該唔使見弗生啦，吖，點知呢個係弗小姐喎！弗小姐循循善誘，對市井之徒都好有愛心，問快必如果再揀一次，會唔會再犯呢個錯誤呀？（呢個係價值100萬嘅問題喎！）對於日日睇緊奧古斯丁「懺悔錄」嘅快必，真係冇難度嘅。
5）快必同兩個老友講笑咁話，細個洗禮嘅時候，牧師問：「係唔係真心拒絕邪惡，歸順主基督？」20年前結婚嘅時候，牧師又問佢：「係唔係真心乜乜物物？」佢話唸嗰段經文「無論點點點，我都咁咁咁……」所以見弗小姐，問佢認罪係唔係真心悔改？定係為咗攞三分之一刑期扣減？快必認為呢個根本就係神學問題，甚至僭越咗人同存在之間嘅神聖隱蔽關係喎。兩個好友實在有啲唔明白，總之簡單嚟講，快必自詡答案正確，表現正面，充滿正能量！好友B哥就話，既然係咁，係唔係真係有得減3份一㗎 ？快必話：交俾上主啦，唔好諗咁多啦。
6）快必反而諗得最多嘅係搬屋嘅問題。佢話喺荔枝角四年，死啦，個倉咁多書同雜物，轉啡色衫搬去第二隻船，搬啲嘢過去會好麻煩，佢今日已經開始執拾緊啲雜物，特別係啲書，盡快send返出去先。除咗搬屋，快必比較煩嘅係，未諗到今次着乜衫去劇院喎。估計11月涼涼地，又唔算太凍，又唔會好熱，着啲乜嘢衫好呢？佢話睇雜誌都搵唔到靈感，依家Online shopping都趕唔切訂衫啦，可能要着返啲舊衫啊！舊衫嘅話，佢又驚自己瘦咗高咗唔啱着喎，實在令佢好苦惱。好友B哥同康仔聽到快必嘅苦惱，都搭唔到嘴，15分鐘嘅探訪時間，好快就結束啦。
7）呢幾日未收到快必回覆大家嘅信，但可以睇吓佢最近睇咗啲乜書，快必讀贏——同大家分享。
～9月尾10月頭睇咗一本「愛的成人式」，作者叫乾胡桃，係嗰種所謂「愛情推理」嘅作品。作者同我哋玩捉迷藏，將一個個嘅hints埋藏喺故事當中，要求讀者注重每一個細節，睇吓可唔可以盡早拆破作者嘅心機？睇呢類書，讀者要同作者一樣咁有機心，城府亦都要深一點。故事中嘅男或者女主角，都可以係捕獵者或者被獵殺者，睇呢類書，其實都幾辛苦。如果喺岸上睇，可以話係有種「趣味」（我係好勉強先至會咁講），但係喺船上睇，就係一種自己找來的折磨。
～呢一本我自找折磨嘅書，分上下兩部份，以side A、side B命名，就好似cassette 帶同黑膠唱片兩面咁，有種懷舊，唔係CD或者數碼影音方式。嗰條所謂「橋」係你以為男主角一腳踏兩船，其實係女主角一腳踏兩船，而兩個男主角嘅名，亦都係好巧妙咁令讀者混淆。因此睇呢類書嘅「樂趣」真係有啲好似尋寶同捉迷藏。我睇呢本書嘅「推薦序」，有不少都話睇到最尾，會馬上從頭再睇一次，睇吓自己遺漏咗啲乜嘢？
8)睇完呢本書，感覺係有啲小情小趣，可能啱某啲人嘅胃口，但係not my cup of tea!所以無無聊聊，就喺船上嘅圖書館借咗「絕代雙驕」嚟睇。睇頭睇尾睇中間，覺得古龍太想做一個武俠推理小說家，但以推理偵探而言，絕代雙驕似乎又唔係古龍最好嘅作品，我覺得陸小鳳、楚留香可能好啲。
~「絕代雙驕」嘅解謎，在於天下第一聰明人小魚兒，諗極都諗唔到點解移花宮宮主係都唔殺佢，要花無缺親手殺死佢啦？讀者嘅樂趣僅在於此。書入嘅人物塑造十大惡人、十二星相，甚至偽善嘅江南大俠同金庸嘅人物塑造比較，古龍就比下去了。故事嘅場景鋪排，差異更大，雖然我唔鍾意金庸嘅偽善同歌頌邪惡勢力，但不得不承認，佢嘅小說，係比較好睇，消磨時間最好，但係，唔係有哲理唔係有深度，不必將佢捧得太高！
9)呢幾日快必嘅郵箱收到以下朋友寄俾佢嘅信同卡，包括：盈姿、璇璇、林生，居日港人Girou比快慢嘅卡，仲有古仔、阿生，同Silver俾快必同其他船員嘅信，以及向山舉目兩封信、黃鶯媽前後三封信。多謝晒咁多位記掛住快必。
7)如果你仲未寫過信俾快必嘅話呢，如果你怕羞、如果你好懶，咁就趁周末買張靚靚嘅聖誕咭寄入去同佢say hi啦！依家寄定聖誕咭差唔多啦，特別係海外嘅朋友，時差好長㗎 ！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |