| 發表文章 | 發起投票 | 回覆 |
【 2024年11月22日 快必開往拔摩島的航程 - 第1539日】
【 2024年11月22日 快必開往拔摩島的航程 - 第1539日】
TAMtakchi Fast Beat
https://m.youtube.com/watch?v=9KLvBo5tRwk
Nov 22
2024
//快必離開咗住咗幾年嘅荔枝角，已經搬咗去石壁；
幾年冇搭長途車，快必話暈車浪，不過見到牛牛幾開心！
石壁地靈人傑，氣氛詳和和，快必開始佢29個月嘅減肥瘦身靈修//
1）原本快必家人尋日準備下午去荔枝角探佢，因為泊正啡色衫，荔枝角星期一同三係冇得探訪，點知尋日嘅早上家人收到福利官通知，快必9:00左右已經執緊嘢，準備轉去第二隻船。喺荔枝角渡過咗1536日，減返兩日喺大埔警署，快必依家喺石壁繼續開往拔摩島的航程。收到消息後，家人嗱嗱臨準備遠足，長征大嶼山嘅石壁！
2)石壁真係地靈人傑，喺東涌轉車，都係山路迂迴曲折，顛顛波波，家人大概2:00入到去。石壁嘅規模比荔枝角細好多，入到去就好似一間屋村小學嘅教員室咁。初時職員搵咗一陣，先至確定到快必已經掉咗嚟，石壁係高度設防，保安做得很足，安全檢查非常認真，由於係平日，所以探訪嘅人寥寥可數，職員話星期六日假期就會好多人。
3)等咗大概45分鐘左右啦，終於見到快必。佢好精神好生猛，狀態唔錯，頭髮又剪咗少少，但剪得都靚仔嘅。佢話之前喺荔枝角，職員想佢四正啲先至過界去石壁喎，所以被送去彌敦道9號。快必話估唔到家人咁快可以嚟到探佢，因為佢都係啱啱嚟到石壁冇耐，仲未打指模，手續都未完全辦好。嚟到嘅時候大概係12點幾，因為已經過咗午餐時間，所以冇得食，一嚟到，就開始咗快必嘅減肥瘦身計劃，不過好彩佢自己有啲餅乾零食充飢。
4）講開餅乾零食，佢同家人訴苦，佢話之前自己仲有好多雜糧架，但係因為要過界，好多都被充公咗，得返每樣四包，影真慘！搬屋嘅時候，因為佢有成6-70本書，職員俾咗大嘅類似垃圾袋嘅大膠袋，俾佢裝起，總共四大袋，佢話自己就好似聖誕老人咁，左右膊頭孭住上車。真係太重啦，佢話自己個膝頭哥都搞到有啲痛，家人叫佢都係睇吓醫生，至少有冬青油可以捽吓，涼涼哋可以消腫散瘀，冇咁痛！
5）快必同家人講，可能四年幾冇坐過咁長途嘅車，加上大嶼山路途曲折，佢話頭先坐坐吓都暈暈地車浪喎，以前佢揸車多，唔會暈車浪㗎嘛！不過，佢好興奮咁講，話頭先見到牛呀，家人都話入嚟嘅時候，前面架車停咗落嚟，都要讓路比兩隻牛牛！快必話入到嚟感覺都幾OK，覺得石壁氣氛詳和舒暢。有幾個同學都同佢一齊由荔枝角轉入嚟，包括沾沾、亨亨、晃晃、咖喱同偉仔，家人笑佢哋係SP六壯士喎！因為其他同學，大部份都去赤柱游水了，只有一兩個去咗唔同艇仔。
6）講返19號喺劇院，其實套戲10:20已經謝幕，但佢哋嘅演員落返去後台，一直到六點幾先至送返去荔枝角，搞完一輪手續，佢返到去自己個倉，都已經係晚上10點了，認真折騰！當晚最後一晚嘅私飯係羊腩煲仲有唔凍嘅零酒精啤酒。等咗佢幾個鐘嘅羊腩煲，已經變咗一坺嘢咁，不過最後的荔枝角晚餐，都要食埋佢嘅！
7）泊正啡色衫，一個月只可以得兩次探訪，但可以申請多額外兩次親友探訪，每次探訪有半小時，可以有三個人一齊去，探訪嘅時間真係彌足珍貴，所以尋日快必同家人都好珍惜傾偈嘅時間！雖然話係有30分鐘，多過以前嘅每日15分鐘，不過時間都係過得好快。臨走嘅時候，家人希望快必唔好怕生保床，石壁唔好有Wall E嘈住佢瞓覺啦，等佢喺地靈人傑嘅石壁瞓返餐好嘅！
8）上個星期因為私務，所以未有讀出寄去郵箱嘅信，今個星期會照返平時程序讀出收到嘅信。大家都好乖，寄咗好多信同卡俾快必，包括：上星期第一次寫信俾快必嘅毛豆同細菌人，都寄來嘅postcard(答：銀色筆冇問題），西南亦有寄來Postcard，亦都收到幗英，阿生，Teresa 嘅信，Fan俾快慢嘅信，英國同香港神同寄俾快必嘅簽名聖誕咭，中同紅姑寄來聖誕咭，向山舉目前後兩封信同日本卡，去咗泰國清邁退修嘅神同寄來泰國卡。
仲有香港阿脾嘅手畫卡、3點維權之友、田中百合嘅卡同信，元朗人齋啡嘅卡，簽名有啲潦草唔知係唔係叫JY ，20號寄出嘅聖誕卡，迷人豬+四眼河馬，仲有梁婆婆嘅信𠻹，多謝晒咁多位記掛住快必！以上都係快必將會喺石壁收到嘅第一份大家比佢嘅心意！
如果你仲未寫過信俾快必嘅話呢，如果你怕羞、如果你好懶，咁就趁就嚟聖誕節，買張靚靚嘅聖誕咭寄入去同佢say hi啦！依家寄定聖誕咭差唔多啦，特別係海外嘅朋友，時差好長㗎 ！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=9KLvBo5tRwk
Nov 22
2024
//快必離開咗住咗幾年嘅荔枝角，已經搬咗去石壁；
幾年冇搭長途車，快必話暈車浪，不過見到牛牛幾開心！
石壁地靈人傑，氣氛詳和和，快必開始佢29個月嘅減肥瘦身靈修//
1）原本快必家人尋日準備下午去荔枝角探佢，因為泊正啡色衫，荔枝角星期一同三係冇得探訪，點知尋日嘅早上家人收到福利官通知，快必9:00左右已經執緊嘢，準備轉去第二隻船。喺荔枝角渡過咗1536日，減返兩日喺大埔警署，快必依家喺石壁繼續開往拔摩島的航程。收到消息後，家人嗱嗱臨準備遠足，長征大嶼山嘅石壁！
2)石壁真係地靈人傑，喺東涌轉車，都係山路迂迴曲折，顛顛波波，家人大概2:00入到去。石壁嘅規模比荔枝角細好多，入到去就好似一間屋村小學嘅教員室咁。初時職員搵咗一陣，先至確定到快必已經掉咗嚟，石壁係高度設防，保安做得很足，安全檢查非常認真，由於係平日，所以探訪嘅人寥寥可數，職員話星期六日假期就會好多人。
3)等咗大概45分鐘左右啦，終於見到快必。佢好精神好生猛，狀態唔錯，頭髮又剪咗少少，但剪得都靚仔嘅。佢話之前喺荔枝角，職員想佢四正啲先至過界去石壁喎，所以被送去彌敦道9號。快必話估唔到家人咁快可以嚟到探佢，因為佢都係啱啱嚟到石壁冇耐，仲未打指模，手續都未完全辦好。嚟到嘅時候大概係12點幾，因為已經過咗午餐時間，所以冇得食，一嚟到，就開始咗快必嘅減肥瘦身計劃，不過好彩佢自己有啲餅乾零食充飢。
4）講開餅乾零食，佢同家人訴苦，佢話之前自己仲有好多雜糧架，但係因為要過界，好多都被充公咗，得返每樣四包，影真慘！搬屋嘅時候，因為佢有成6-70本書，職員俾咗大嘅類似垃圾袋嘅大膠袋，俾佢裝起，總共四大袋，佢話自己就好似聖誕老人咁，左右膊頭孭住上車。真係太重啦，佢話自己個膝頭哥都搞到有啲痛，家人叫佢都係睇吓醫生，至少有冬青油可以捽吓，涼涼哋可以消腫散瘀，冇咁痛！
5）快必同家人講，可能四年幾冇坐過咁長途嘅車，加上大嶼山路途曲折，佢話頭先坐坐吓都暈暈地車浪喎，以前佢揸車多，唔會暈車浪㗎嘛！不過，佢好興奮咁講，話頭先見到牛呀，家人都話入嚟嘅時候，前面架車停咗落嚟，都要讓路比兩隻牛牛！快必話入到嚟感覺都幾OK，覺得石壁氣氛詳和舒暢。有幾個同學都同佢一齊由荔枝角轉入嚟，包括沾沾、亨亨、晃晃、咖喱同偉仔，家人笑佢哋係SP六壯士喎！因為其他同學，大部份都去赤柱游水了，只有一兩個去咗唔同艇仔。
6）講返19號喺劇院，其實套戲10:20已經謝幕，但佢哋嘅演員落返去後台，一直到六點幾先至送返去荔枝角，搞完一輪手續，佢返到去自己個倉，都已經係晚上10點了，認真折騰！當晚最後一晚嘅私飯係羊腩煲仲有唔凍嘅零酒精啤酒。等咗佢幾個鐘嘅羊腩煲，已經變咗一坺嘢咁，不過最後的荔枝角晚餐，都要食埋佢嘅！
7）泊正啡色衫，一個月只可以得兩次探訪，但可以申請多額外兩次親友探訪，每次探訪有半小時，可以有三個人一齊去，探訪嘅時間真係彌足珍貴，所以尋日快必同家人都好珍惜傾偈嘅時間！雖然話係有30分鐘，多過以前嘅每日15分鐘，不過時間都係過得好快。臨走嘅時候，家人希望快必唔好怕生保床，石壁唔好有Wall E嘈住佢瞓覺啦，等佢喺地靈人傑嘅石壁瞓返餐好嘅！
8）上個星期因為私務，所以未有讀出寄去郵箱嘅信，今個星期會照返平時程序讀出收到嘅信。大家都好乖，寄咗好多信同卡俾快必，包括：上星期第一次寫信俾快必嘅毛豆同細菌人，都寄來嘅postcard(答：銀色筆冇問題），西南亦有寄來Postcard，亦都收到幗英，阿生，Teresa 嘅信，Fan俾快慢嘅信，英國同香港神同寄俾快必嘅簽名聖誕咭，中同紅姑寄來聖誕咭，向山舉目前後兩封信同日本卡，去咗泰國清邁退修嘅神同寄來泰國卡。
仲有香港阿脾嘅手畫卡、3點維權之友、田中百合嘅卡同信，元朗人齋啡嘅卡，簽名有啲潦草唔知係唔係叫JY ，20號寄出嘅聖誕卡，迷人豬+四眼河馬，仲有梁婆婆嘅信𠻹，多謝晒咁多位記掛住快必！以上都係快必將會喺石壁收到嘅第一份大家比佢嘅心意！
如果你仲未寫過信俾快必嘅話呢，如果你怕羞、如果你好懶，咁就趁就嚟聖誕節，買張靚靚嘅聖誕咭寄入去同佢say hi啦！依家寄定聖誕咭差唔多啦，特別係海外嘅朋友，時差好長㗎 ！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |