| 發表文章 | 發起投票 | 回覆 |
【 2024年12月17日 快必開往拔摩島的航程 - 第1564日】
【 2024年12月17日 快必開往拔摩島的航程 - 第1564日】
TAMtakchi Fast Beat
https://m.youtube.com/watch?v=q_2jH9Srhuk
Dec 17
2024
1)上個週五由英國返港嘅中同K同太太以及特登請假嘅中同L結伴去石壁探快必，縱使呢排天氣晴朗清爽，不過去石壁嘅路途始終係遙遠，但都無阻大家想見快必嘅心情，由東涌入去石壁，藍天白雲，沿途有山有水，好似去咗郊遊咁。當經過塘福，中同K就想起中學時期喺呢度宿營，快必都有一齊去㗎。嗰時點諗到依家舊地重遊，會係呢一種景況？！
2）佢哋三人探訪過程相當順利，等咗唔夠半小時，就已經可以入去見快必。快必見到佢哋鬼咁開心依起棚牙。喺石壁過了兩三個星期，快必同中同講，每天的日程還是未完全掌握，仍然在尋找每天的routine同節奏，但慢慢已經開始進入狀態，相信今年年底之前，應該可以找到的。
3) 住方便，啱啱嚟嘅時候，最初個倉係向東，喺3樓頂樓，過咗一兩個星期，轉咗另一棟，喺2樓，雖然係向西北，依家天氣涼咗，但都唔算凍。個倉四四方方，啲窗打橫一條條空隙，一排一排咁，比起荔枝角更光猛，視野更佳，呢度亦都比荔枝角乾淨，暫時可能天氣凍啲，未有見到小強，簷蛇同米奇呢啲。走廊外嘅窗係內園景，左中右面都被樓高四層嘅Building包圍，不過園內可以見到兩棵兩層高嘅殘樹同小小嘅天空。每日黃昏五六點嘅時間，就會成百隻雀仔飛返返嚟兩棵樹度休息，真正係百鳥歸巢，嘈到拆天咁，但天一刻就收晒聲。第二朝早5點又聽到啲雀仔嘈吱巴閉叫醒佢，就好似話俾佢知「新的一天，新的恩典」，好天然，好正咁喎！
4）至於食方面，快必呢個孤獨嘅美食家話每日都慢慢「品嚐」阿公飯，雖然係核突，不過同上一艘船比起上嚟，呢度已經好好多，啲飯比較熱一啲，又冇碎濕濕，佢一啖食20/30粒，每餐食到10啖8啖飯㗎。快必話呢度無論豬肉、牛肉、雞肉或者魚柳，都係半隻手掌咁大，得一塊 ，但係啲飯呢就有一個飯盒咁多，有菜㗎，大概兩両左右啦。快必話營養師梗係知道佢想趁住呢一個航程減15公斤左右啦，要將血壓降低一啲啦，所以膳食方面又窩心又體貼，令人樂而忘返、樂不思蜀，樂極忘形，樂在其中，哈哈，笑死中同！（咁樣你嘅減肥大計有冇成績呢？ ）快必立即揭高件衫，保持住深呼吸，話：「梗係有成績啦，冇咗肚腩㗎！」（啡色衫兩三個星期咋，已經有咁嘅成績， OK啦！）中同L都覺得快必條腰仲幼過自己㖭啊！
5）石壁呢度令快必最唔慣嘅係，每日嘅報紙，係下晝先至有！以前一早收到報紙，可以知道「新聞」，依家下晝拎起份報紙，已經變咗「舊聞」，呢樣嘢係石壁最唔掂。佢訂嘅係明報，以前荔枝角大會有東方同經濟添，但呢度只提供SCMP同星島，佢依家有時都會拎起SCMP副刊嘅英文遊戲來玩，數獨佢就好少玩。睇書方面，除咗喺船上嘅圖書館借咗楊絳「我們仨」以及村上春樹「沒有色彩的多崎作和他的巡禮之年」，台灣嘅中同送咗諾貝爾文學獎韓江「素食者」俾佢，嚟緊又會重讀奧古斯丁懺悔錄、馬爾賽，以及記憶與光照，好多書睇，唔會荒廢唔會悶！
6）運動方面，以前快必大部份時間都係單獨自己一個喺籠入面做運動拉筋，依家就通常五個人一組一齊放風，不過放風時間不定，呢個就係佢話比較難掌握Routine嘅原因之一。有五個人就可以組隊兩個一組踢毽比賽，另一個做評判，咁樣就可以輪流玩十幾鋪，出下汗，拉筋深蹲平板呢啲運動就要返自己個倉。運動完就沖涼，以前荔枝角係一個一個獨自沖涼，依家一個沖涼室有三個水龍頭，係三個一齊沖。初初快必話好唔慣，幾條麻甩佬玉帛相見，點知過咗兩個星期左右，又覺得冇乜嘢啦喎。中同話快必係容易適應環境的，快必就話係被迫適應，所以佢時刻儆醒，否則就會被同化！
7）快必話喺冤獄，冇一個所謂乜嘢大計劃，因為佢又冇諗住進修乜嘢會計文憑、心理學位嗰啲，佢只係想學吓藝術，但呢度又冇嘅。只能夠喺無常嘅日子，好好細味每一日，咁就係佢嘅日常！新生活日常，無所事事，都係一種節奏，一種routine, 一種自生自滅嘅discipline ，亦都係修行。（𠵱，咁咪同躺平差唔多？）no no no no no，躺平係等死，修行係等生，等落船再次重生！
雖然話係半個鐘頭，不過傾吓傾吓好快就夠鐘，三位中同同快必互相加油，等佢落船重生，一齊打邊爐！
8)快必嘅郵箱呢幾日都好爆滿喎，收到大家好多嘅信同埋卡，包括：
英國May嘅信，祈昐者、香港人嘅聖誕卡，ILHK俾快必同埋其他船員嘅聖誕咭，毛豆、Mimi俾快慢嘅聖誕咭
Gabee同大師兄俾慢必嘅卡、黃鶯媽兩封信同Silver 比快必同其他船員嘅信。
~多謝咁多位記掛住快必，相信快必收到之後一定會好開心！如果你仲未寫過信俾快必嘅話呢，如果你怕羞、如果你好懶，仲有幾日就係聖誕節，有心唔怕遲，買張靚靚嘅聖誕咭寄入去同佢say hi啦！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=q_2jH9Srhuk
Dec 17
2024
1)上個週五由英國返港嘅中同K同太太以及特登請假嘅中同L結伴去石壁探快必，縱使呢排天氣晴朗清爽，不過去石壁嘅路途始終係遙遠，但都無阻大家想見快必嘅心情，由東涌入去石壁，藍天白雲，沿途有山有水，好似去咗郊遊咁。當經過塘福，中同K就想起中學時期喺呢度宿營，快必都有一齊去㗎。嗰時點諗到依家舊地重遊，會係呢一種景況？！
2）佢哋三人探訪過程相當順利，等咗唔夠半小時，就已經可以入去見快必。快必見到佢哋鬼咁開心依起棚牙。喺石壁過了兩三個星期，快必同中同講，每天的日程還是未完全掌握，仍然在尋找每天的routine同節奏，但慢慢已經開始進入狀態，相信今年年底之前，應該可以找到的。
3) 住方便，啱啱嚟嘅時候，最初個倉係向東，喺3樓頂樓，過咗一兩個星期，轉咗另一棟，喺2樓，雖然係向西北，依家天氣涼咗，但都唔算凍。個倉四四方方，啲窗打橫一條條空隙，一排一排咁，比起荔枝角更光猛，視野更佳，呢度亦都比荔枝角乾淨，暫時可能天氣凍啲，未有見到小強，簷蛇同米奇呢啲。走廊外嘅窗係內園景，左中右面都被樓高四層嘅Building包圍，不過園內可以見到兩棵兩層高嘅殘樹同小小嘅天空。每日黃昏五六點嘅時間，就會成百隻雀仔飛返返嚟兩棵樹度休息，真正係百鳥歸巢，嘈到拆天咁，但天一刻就收晒聲。第二朝早5點又聽到啲雀仔嘈吱巴閉叫醒佢，就好似話俾佢知「新的一天，新的恩典」，好天然，好正咁喎！
4）至於食方面，快必呢個孤獨嘅美食家話每日都慢慢「品嚐」阿公飯，雖然係核突，不過同上一艘船比起上嚟，呢度已經好好多，啲飯比較熱一啲，又冇碎濕濕，佢一啖食20/30粒，每餐食到10啖8啖飯㗎。快必話呢度無論豬肉、牛肉、雞肉或者魚柳，都係半隻手掌咁大，得一塊 ，但係啲飯呢就有一個飯盒咁多，有菜㗎，大概兩両左右啦。快必話營養師梗係知道佢想趁住呢一個航程減15公斤左右啦，要將血壓降低一啲啦，所以膳食方面又窩心又體貼，令人樂而忘返、樂不思蜀，樂極忘形，樂在其中，哈哈，笑死中同！（咁樣你嘅減肥大計有冇成績呢？ ）快必立即揭高件衫，保持住深呼吸，話：「梗係有成績啦，冇咗肚腩㗎！」（啡色衫兩三個星期咋，已經有咁嘅成績， OK啦！）中同L都覺得快必條腰仲幼過自己㖭啊！
5）石壁呢度令快必最唔慣嘅係，每日嘅報紙，係下晝先至有！以前一早收到報紙，可以知道「新聞」，依家下晝拎起份報紙，已經變咗「舊聞」，呢樣嘢係石壁最唔掂。佢訂嘅係明報，以前荔枝角大會有東方同經濟添，但呢度只提供SCMP同星島，佢依家有時都會拎起SCMP副刊嘅英文遊戲來玩，數獨佢就好少玩。睇書方面，除咗喺船上嘅圖書館借咗楊絳「我們仨」以及村上春樹「沒有色彩的多崎作和他的巡禮之年」，台灣嘅中同送咗諾貝爾文學獎韓江「素食者」俾佢，嚟緊又會重讀奧古斯丁懺悔錄、馬爾賽，以及記憶與光照，好多書睇，唔會荒廢唔會悶！
6）運動方面，以前快必大部份時間都係單獨自己一個喺籠入面做運動拉筋，依家就通常五個人一組一齊放風，不過放風時間不定，呢個就係佢話比較難掌握Routine嘅原因之一。有五個人就可以組隊兩個一組踢毽比賽，另一個做評判，咁樣就可以輪流玩十幾鋪，出下汗，拉筋深蹲平板呢啲運動就要返自己個倉。運動完就沖涼，以前荔枝角係一個一個獨自沖涼，依家一個沖涼室有三個水龍頭，係三個一齊沖。初初快必話好唔慣，幾條麻甩佬玉帛相見，點知過咗兩個星期左右，又覺得冇乜嘢啦喎。中同話快必係容易適應環境的，快必就話係被迫適應，所以佢時刻儆醒，否則就會被同化！
7）快必話喺冤獄，冇一個所謂乜嘢大計劃，因為佢又冇諗住進修乜嘢會計文憑、心理學位嗰啲，佢只係想學吓藝術，但呢度又冇嘅。只能夠喺無常嘅日子，好好細味每一日，咁就係佢嘅日常！新生活日常，無所事事，都係一種節奏，一種routine, 一種自生自滅嘅discipline ，亦都係修行。（𠵱，咁咪同躺平差唔多？）no no no no no，躺平係等死，修行係等生，等落船再次重生！
雖然話係半個鐘頭，不過傾吓傾吓好快就夠鐘，三位中同同快必互相加油，等佢落船重生，一齊打邊爐！
8)快必嘅郵箱呢幾日都好爆滿喎，收到大家好多嘅信同埋卡，包括：
英國May嘅信，祈昐者、香港人嘅聖誕卡，ILHK俾快必同埋其他船員嘅聖誕咭，毛豆、Mimi俾快慢嘅聖誕咭
Gabee同大師兄俾慢必嘅卡、黃鶯媽兩封信同Silver 比快必同其他船員嘅信。
~多謝咁多位記掛住快必，相信快必收到之後一定會好開心！如果你仲未寫過信俾快必嘅話呢，如果你怕羞、如果你好懶，仲有幾日就係聖誕節，有心唔怕遲，買張靚靚嘅聖誕咭寄入去同佢say hi啦！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |