| 發表文章 | 發起投票 | 回覆 |
【 2024年12月20日 快必開往拔摩島的航程 - 第1567日】
【 2024年12月20日 快必開往拔摩島的航程 - 第1567日】
TAMtakchi Fast Beat
https://m.youtube.com/watch?v=IO67VjYNvO0
Dec 20
2024
[[天氣開始凍， 10零度，但係快必話唔覺得凍，同以前荔枝角比差唔多啫，唔會話石壁喺大嶼山離島，就凍咗好多咁！可能因為佢嘅船艙係向內庭，唔會好大風，所以感受唔到冬意微寒，總之快必一切安好，請大家放心！呢封信，係快必嚟到石壁10零日左右寄出嚟嘅，信嘅內容係咁嘅：]]
1)12月4號收到好多信同卡，呢度一星期收到兩三次信，呢排真係好多信用卡，令我既驕傲（因為其他船員冇我咁多信！ ）又充滿力量，好多謝大家！
~西南：10月尾寄來嘅聖誕咭，我12月頭收到，真係好啦，唔使過咗聖誕節先至收到。今年係我第一個喺石壁嘅聖誕節，總有一日，我會同你哋講：「呢個係我喺政治冤獄嘅最後一個聖誕！」你哋期待呢一日嘅來臨嗎？將臨期係要有呢一種心情嘅，非常好！
~Bobo ：收到你11月14日寄來陳日君樞機嘅哲學課程講義，多謝，好讓我喺石壁好好研讀！聽說陳樞機正在說「末世論」，喺將臨講期末世、終末係最應節嘅，你話係唔係呢？如果仲有其他樞機嘅講義，又寄嚟俾我，等我好好研修一下。
2)收到兩張Postcard。
~手巾仔：多謝你寄來！我唔只鍾意皮褸、鍾意長褸，仲有大褸。你寄嚟嘅笑話好正，「英文有幾多個字母」，嗰個我最like，唔係26個，而係七個英文字母，因為E N G L I S H，好正！
~Hilda嘅Postcard收到啦，尼泊爾都好有型，有古蹟有文化又有啲神秘嘅國度，食物都好似幾啱我胃口，喺香港遇到嘅尼泊爾人，都好善良友善！
3)中女經紀同三高美食家嘅信同埋圖都收到啦，冇錯，我好鍾意「市井之徒」呢個稱號，全名係：「目無法紀視法律如無物嘅市井之徒」。當一切已經扭曲，負負得正，先至可以撥亂反正！羅馬暴政以惡法對付耶穌基督以及祂的跟隨者，我哋要儆醒，彼此提醒。
~以前喺牛頭角做街站，去過牛頭角街市熟食中心晚飯小炒飲啤酒，但係你哋寄來嘅圖有鑑記食粥同炸兩，同北記奶油多士，早餐我就未去過，真係正嘅話，落船之後要去試吓喎！
4)向山舉目：收到11月4號嘅信、文章同圖，遲咗啲，可能係由荔枝角送過嚟，山長水遠啦！你信入邊話而家啲香港人，一係去日本，一係返大陸，都好呀，去日本係返鄉下、去大陸係振興大陸經濟，大陸經濟振興，就會多啲大陸人嚟香港，咁咪又振興返香港經濟囉，循環嚟嘅，所以好事，我一定贊成啦。
~水哥：你屋企啲聖誕裝飾，好正喎！你言重了，當年我出戰九東，全靠有你和一眾人力支持者、街坊，每一位曾經喺人力一起奮鬥嘅朋友，我都記得，銘感五內，落船之後嚟英國，大家一齊暢飲啦！
5)Carol: 收到你嘅信，仲有風車同白雪皚皚嘅相片，好感受到外國嘅氛圍，冰天雪地，你習慣嗎？多啲寫信話俾我知你嘅生活啦。
~Ivy:來到石壁好好feel，收音機又收得OK喎，日日有報紙睇，除咗我訂嘅明報之外，大會仲有南華早報同星島。只係啲新聞永遠變咗舊聞，因為下晝先有報紙睇，有一種「睇晩報」嘅感覺，所有嘅睇嘅嘢都係遲嚟嘅消息，我諗遲啲會習慣啩。
~從荔枝角去石壁，由一個地獄去另一個地獄，雖然冇咗大聲嘟喺我房外面，又冇Wall E，但係呢度三更半夜會聽到吱吱浸吱吱浸嘅聲音，鬼影幢幢腳步踏踏，食泥聲蟻咬一樣由耳蝸咬進腦袋，開往拔摩島嘅每一艘船，都有每一艘船嘅試煉，每一個地獄都有每一個地獄嘅難受，係咪真係要破地獄呢？ ！
6)快必嘅回信嚟到呢一度，依家收信都好順利，不過時差始終都有三四個星期，未到你嘅話，所以請大家俾多啲耐性。聖誕節越嚟越近，快必嘅郵箱亦都繼續依然爆滿，好多信同埋卡，呢幾日收到嘅係來自以下嘅朋友：
~mm 同敏Mo Mo 嘅Postcard，澳洲Mong同JanJan 都係寄聖誕咭同Postcard，向山舉目有信同Postcard，桔桔、鈴子、紅姑寄聖誕咭，有幾位朋友簽名嘅聖誕咭包括Carmen、John Lee、Amy、Mingming及愛你的香港人，老番恭祝聖誕並賀生日嘅啤酒卡，Ka Yau都係聖誕、生日卡各一張，寫信方面有兩送飯、Tony Jaa、幗瑛、Teresa、黃鶯媽前後兩封信，仲Foxy俾快慢嘅聖誕咭、塗塗畫畫俾快必同其他船員嘅卡。
~多謝咁多位記掛住快必，相信快必收到之後一定會好開心！如果你仲未寫過信俾快必嘅話呢，如果你怕羞、如果你好懶，仲有幾日就係聖誕節，有心唔怕遲，買張靚靚嘅聖誕咭、賀年卡或者生日卡，寄入去同佢say hi啦！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=IO67VjYNvO0
Dec 20
2024
[[天氣開始凍， 10零度，但係快必話唔覺得凍，同以前荔枝角比差唔多啫，唔會話石壁喺大嶼山離島，就凍咗好多咁！可能因為佢嘅船艙係向內庭，唔會好大風，所以感受唔到冬意微寒，總之快必一切安好，請大家放心！呢封信，係快必嚟到石壁10零日左右寄出嚟嘅，信嘅內容係咁嘅：]]
1)12月4號收到好多信同卡，呢度一星期收到兩三次信，呢排真係好多信用卡，令我既驕傲（因為其他船員冇我咁多信！ ）又充滿力量，好多謝大家！
~西南：10月尾寄來嘅聖誕咭，我12月頭收到，真係好啦，唔使過咗聖誕節先至收到。今年係我第一個喺石壁嘅聖誕節，總有一日，我會同你哋講：「呢個係我喺政治冤獄嘅最後一個聖誕！」你哋期待呢一日嘅來臨嗎？將臨期係要有呢一種心情嘅，非常好！
~Bobo ：收到你11月14日寄來陳日君樞機嘅哲學課程講義，多謝，好讓我喺石壁好好研讀！聽說陳樞機正在說「末世論」，喺將臨講期末世、終末係最應節嘅，你話係唔係呢？如果仲有其他樞機嘅講義，又寄嚟俾我，等我好好研修一下。
2)收到兩張Postcard。
~手巾仔：多謝你寄來！我唔只鍾意皮褸、鍾意長褸，仲有大褸。你寄嚟嘅笑話好正，「英文有幾多個字母」，嗰個我最like，唔係26個，而係七個英文字母，因為E N G L I S H，好正！
~Hilda嘅Postcard收到啦，尼泊爾都好有型，有古蹟有文化又有啲神秘嘅國度，食物都好似幾啱我胃口，喺香港遇到嘅尼泊爾人，都好善良友善！
3)中女經紀同三高美食家嘅信同埋圖都收到啦，冇錯，我好鍾意「市井之徒」呢個稱號，全名係：「目無法紀視法律如無物嘅市井之徒」。當一切已經扭曲，負負得正，先至可以撥亂反正！羅馬暴政以惡法對付耶穌基督以及祂的跟隨者，我哋要儆醒，彼此提醒。
~以前喺牛頭角做街站，去過牛頭角街市熟食中心晚飯小炒飲啤酒，但係你哋寄來嘅圖有鑑記食粥同炸兩，同北記奶油多士，早餐我就未去過，真係正嘅話，落船之後要去試吓喎！
4)向山舉目：收到11月4號嘅信、文章同圖，遲咗啲，可能係由荔枝角送過嚟，山長水遠啦！你信入邊話而家啲香港人，一係去日本，一係返大陸，都好呀，去日本係返鄉下、去大陸係振興大陸經濟，大陸經濟振興，就會多啲大陸人嚟香港，咁咪又振興返香港經濟囉，循環嚟嘅，所以好事，我一定贊成啦。
~水哥：你屋企啲聖誕裝飾，好正喎！你言重了，當年我出戰九東，全靠有你和一眾人力支持者、街坊，每一位曾經喺人力一起奮鬥嘅朋友，我都記得，銘感五內，落船之後嚟英國，大家一齊暢飲啦！
5)Carol: 收到你嘅信，仲有風車同白雪皚皚嘅相片，好感受到外國嘅氛圍，冰天雪地，你習慣嗎？多啲寫信話俾我知你嘅生活啦。
~Ivy:來到石壁好好feel，收音機又收得OK喎，日日有報紙睇，除咗我訂嘅明報之外，大會仲有南華早報同星島。只係啲新聞永遠變咗舊聞，因為下晝先有報紙睇，有一種「睇晩報」嘅感覺，所有嘅睇嘅嘢都係遲嚟嘅消息，我諗遲啲會習慣啩。
~從荔枝角去石壁，由一個地獄去另一個地獄，雖然冇咗大聲嘟喺我房外面，又冇Wall E，但係呢度三更半夜會聽到吱吱浸吱吱浸嘅聲音，鬼影幢幢腳步踏踏，食泥聲蟻咬一樣由耳蝸咬進腦袋，開往拔摩島嘅每一艘船，都有每一艘船嘅試煉，每一個地獄都有每一個地獄嘅難受，係咪真係要破地獄呢？ ！
6)快必嘅回信嚟到呢一度，依家收信都好順利，不過時差始終都有三四個星期，未到你嘅話，所以請大家俾多啲耐性。聖誕節越嚟越近，快必嘅郵箱亦都繼續依然爆滿，好多信同埋卡，呢幾日收到嘅係來自以下嘅朋友：
~mm 同敏Mo Mo 嘅Postcard，澳洲Mong同JanJan 都係寄聖誕咭同Postcard，向山舉目有信同Postcard，桔桔、鈴子、紅姑寄聖誕咭，有幾位朋友簽名嘅聖誕咭包括Carmen、John Lee、Amy、Mingming及愛你的香港人，老番恭祝聖誕並賀生日嘅啤酒卡，Ka Yau都係聖誕、生日卡各一張，寫信方面有兩送飯、Tony Jaa、幗瑛、Teresa、黃鶯媽前後兩封信，仲Foxy俾快慢嘅聖誕咭、塗塗畫畫俾快必同其他船員嘅卡。
~多謝咁多位記掛住快必，相信快必收到之後一定會好開心！如果你仲未寫過信俾快必嘅話呢，如果你怕羞、如果你好懶，仲有幾日就係聖誕節，有心唔怕遲，買張靚靚嘅聖誕咭、賀年卡或者生日卡，寄入去同佢say hi啦！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |