| 發表文章 | 發起投票 | 回覆 |
【 2025年1月17日 快必開往拔摩島的航程 - 第1595日】
【 2025年1月17日 快必開往拔摩島的航程 - 第1595日】
TAMtakchi Fast Beat
https://m.youtube.com/watch?v=VpNvLFyhShg
Jan 17
2025
1)今日家人同兩位神同探快必，10:30去到石壁登記，11:15就探完，過程相當順利，好正。兩位神同覺得快必比起喺荔枝角嘅時候，瘦咗唔少，但係都好精神喎，皮膚黑黑地咁好健康喎，快必就好擔心自己會唔會黑得滯喎！OK嘅，健康黑！
2)可能石壁真係地靈人傑山明水秀空氣清新啦，快必話返返嚟之後，鼻敏感冇晒，冇再係咁流鼻水打乞嗤。不過唔知點解右邊腰同埋大髀有啲痛，醫護神同V 立即教佢幾招拉筋舒緩痛楚！快必話自己每日都有做運動，不過運動量可能真係唔算多，加上蛋白質唔夠，build唔到肌肉。快必話估計自己已經31”腰了。喺石壁啡色衫之後，瘦身效果，果然係明顯！
3)一般嚟講，快必話喺石壁其實好瞓過荔枝角，因為至少冇懵盛盛唔識轉彎嘅機械人Wall E，又冇嘟嘟嘟，只係隔離不是有啲過客，嘈喧巴閉，上星期就嚟咗個龍心咁嘅物體，全日不停咁自吹自擂，真係唔得佢死！不過，懲教署又似乎好體恤快必咁囉，因為啱啱又搬咗新屋喎！冇咗龍心，又變咗鬼佬！希望呢個鬼佬安安靜靜啦。
4)尋晚有豬肉食，不過啲豬肉個心有啲紅，快必話食牛如果中間紅紅地佢又唔擔心，始終係豬嚟嘅，令佢有少少驚囉，噤啱醫生巡倉，佢就小病人上身，問醫生食咗會肚痛㗎?! 醫生好好人，話會跟進一下。如果呢兩日冇肚痾，冇事嘅！
5)快必話自己喺石壁收信都好順利，特別係12月嘅時候，好多信，一次過一大包！不過我哋外面收信，就有一封信唔知點解蕩失咗路，去咗JJ園，返唔到嚟香港添！其他信件都平安， 12月底佢寫關於「平安夜不平安，通緝和追殺是聖誕的意義」嘅一封不是講章嘅信，同大家分享啦！
a - 12月過去，好快又到農曆新年。啱啱過去嘅2024年聖誕節，打開報紙，一面都係香港好好好好景喔喔，丁財兩旺喔喔，香港人好開心、發大財、歌舞昇平、普世歡騰，好有聖誕氣氛喔喔。但打開報紙嘅另一面，有幾張死人一樣嘅相啊！原來係追殺、通緝一啲香港人，我覺得咁樣嘅聖誕節，好正！因為咁樣嘅聖誕節先至係聖誕節嘅原本意義。我唔知道嗰啲耶L教會， 19傳道人有冇好似我咁有創意、咁市井，咁大逆不道咁/敢講真話呢?!
b - 2013年開始，我同路小教會喺聖誕前一兩個星期，會到處報佳音，改咗一大堆聖誕歌詞，喺街上好似瘋子一樣咁講道，就係話「平安夜絕不平安」。因為那時當權者知道新生王誕生，驚嗰個細路危害佢哋政權安全，所以將所有兩歲以下嘅小孩子屠殺，聖誕節係大屠殺、通緝、追殺嗰啲危害政權長治久安嘅逃亡者嘅日子，耶穌一家都要逃亡。所以今日我哋聖誕節，睇到一番景象，覺得好應節，應該很開心吧！哈利路亞，感謝天主上帝耶穌聖母瑪利亞啊！歷史從來沒有離開過我們呢！聖誕是救贖的日子，對暴政而言，也是殺戮的日子。
c - 今日未婚產子都要承受壓力，更何況係2000年前嘅保守父權社會呢？瑪利亞頂住呢一切壓力，呢個係而家我哋思考聖誕節嘅時候大都唔留意嘅。當然丈夫約瑟知道自己未婚妻忽然大肚，但係仍然要照娶佢為妻，亦都係聖人，能人所不能，呢啲都係聖誕不一定是平安、愉快、幸福的內容，當中也有掙扎、矛盾和死頂在其中的。
d - 當瑪利亞身孕極重，臨盆在即嘅時候，統治者有政策下來，要所有被統治的人報名上冊，呢個當然係一種管治手法，被統治嘅人無法自決，只有逆來順受，正因為如此馬利亞才迫不得已地在一個馬廄產子，將嬰孩放喺馬匹飲水嘅馬槽當床，這是一幅平安、幸福、母慈子孝的景象嗎？我唔會浪漫化苦難和痛苦的！
e - 聖誕係一個歡樂嘅日子，同時亦都係一個苦難嘅日子，所以喺聖誕見到通緝人、追殺人的事，是不會讓人驚訝的，這是很應節，年年發生、時時發生，藉着這些事的發生，我們被提醒聖誕節應有的意義。而聖誕之所以是一個歡樂的日子，並不是因為有開不完的party，有交換不完的禮物，又吃不完的大餐，甚至不是那種濫情的愛，聖誕之所以是一個歡樂的日子，是因為道成肉身的上主開啟了一個新的時間，使人在暴力謊言的死亡政治中有另一個可能。我們期待2025年的聖誕快點來臨，總有一個聖誕，我會跟你們說：「這是我在冤獄的最後一個聖誕了！」
6) 聖誕過後，就快又係農曆年又適逢二月頭快必生日，所以呢個星期都收到好多信同何卡，包括：宥溱、居日港人Girou俾快慢嘅信、可風、盈姿、Teresa、Hayley，Silver 俾快慢同其他船員嘅信，Fan俾快慢嘅信同生日卡，康俾快慢賀年咭，兩送飯卡同信，黃鶯媽前後3封信，黃浦少爺的彩玉生日卡、西南以及第一次做筆友California 嘅Florence寄嚟嘅Postcard。
～如果你仲未寫過信俾快必嘅話呢，如果你怕羞、如果你好懶，趁住 2025剛剛開始，買張靚靚嘅賀年卡或者生日卡，寄入去同佢say hi啦！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=VpNvLFyhShg
Jan 17
2025
1)今日家人同兩位神同探快必，10:30去到石壁登記，11:15就探完，過程相當順利，好正。兩位神同覺得快必比起喺荔枝角嘅時候，瘦咗唔少，但係都好精神喎，皮膚黑黑地咁好健康喎，快必就好擔心自己會唔會黑得滯喎！OK嘅，健康黑！
2)可能石壁真係地靈人傑山明水秀空氣清新啦，快必話返返嚟之後，鼻敏感冇晒，冇再係咁流鼻水打乞嗤。不過唔知點解右邊腰同埋大髀有啲痛，醫護神同V 立即教佢幾招拉筋舒緩痛楚！快必話自己每日都有做運動，不過運動量可能真係唔算多，加上蛋白質唔夠，build唔到肌肉。快必話估計自己已經31”腰了。喺石壁啡色衫之後，瘦身效果，果然係明顯！
3)一般嚟講，快必話喺石壁其實好瞓過荔枝角，因為至少冇懵盛盛唔識轉彎嘅機械人Wall E，又冇嘟嘟嘟，只係隔離不是有啲過客，嘈喧巴閉，上星期就嚟咗個龍心咁嘅物體，全日不停咁自吹自擂，真係唔得佢死！不過，懲教署又似乎好體恤快必咁囉，因為啱啱又搬咗新屋喎！冇咗龍心，又變咗鬼佬！希望呢個鬼佬安安靜靜啦。
4)尋晚有豬肉食，不過啲豬肉個心有啲紅，快必話食牛如果中間紅紅地佢又唔擔心，始終係豬嚟嘅，令佢有少少驚囉，噤啱醫生巡倉，佢就小病人上身，問醫生食咗會肚痛㗎?! 醫生好好人，話會跟進一下。如果呢兩日冇肚痾，冇事嘅！
5)快必話自己喺石壁收信都好順利，特別係12月嘅時候，好多信，一次過一大包！不過我哋外面收信，就有一封信唔知點解蕩失咗路，去咗JJ園，返唔到嚟香港添！其他信件都平安， 12月底佢寫關於「平安夜不平安，通緝和追殺是聖誕的意義」嘅一封不是講章嘅信，同大家分享啦！
a - 12月過去，好快又到農曆新年。啱啱過去嘅2024年聖誕節，打開報紙，一面都係香港好好好好景喔喔，丁財兩旺喔喔，香港人好開心、發大財、歌舞昇平、普世歡騰，好有聖誕氣氛喔喔。但打開報紙嘅另一面，有幾張死人一樣嘅相啊！原來係追殺、通緝一啲香港人，我覺得咁樣嘅聖誕節，好正！因為咁樣嘅聖誕節先至係聖誕節嘅原本意義。我唔知道嗰啲耶L教會， 19傳道人有冇好似我咁有創意、咁市井，咁大逆不道咁/敢講真話呢?!
b - 2013年開始，我同路小教會喺聖誕前一兩個星期，會到處報佳音，改咗一大堆聖誕歌詞，喺街上好似瘋子一樣咁講道，就係話「平安夜絕不平安」。因為那時當權者知道新生王誕生，驚嗰個細路危害佢哋政權安全，所以將所有兩歲以下嘅小孩子屠殺，聖誕節係大屠殺、通緝、追殺嗰啲危害政權長治久安嘅逃亡者嘅日子，耶穌一家都要逃亡。所以今日我哋聖誕節，睇到一番景象，覺得好應節，應該很開心吧！哈利路亞，感謝天主上帝耶穌聖母瑪利亞啊！歷史從來沒有離開過我們呢！聖誕是救贖的日子，對暴政而言，也是殺戮的日子。
c - 今日未婚產子都要承受壓力，更何況係2000年前嘅保守父權社會呢？瑪利亞頂住呢一切壓力，呢個係而家我哋思考聖誕節嘅時候大都唔留意嘅。當然丈夫約瑟知道自己未婚妻忽然大肚，但係仍然要照娶佢為妻，亦都係聖人，能人所不能，呢啲都係聖誕不一定是平安、愉快、幸福的內容，當中也有掙扎、矛盾和死頂在其中的。
d - 當瑪利亞身孕極重，臨盆在即嘅時候，統治者有政策下來，要所有被統治的人報名上冊，呢個當然係一種管治手法，被統治嘅人無法自決，只有逆來順受，正因為如此馬利亞才迫不得已地在一個馬廄產子，將嬰孩放喺馬匹飲水嘅馬槽當床，這是一幅平安、幸福、母慈子孝的景象嗎？我唔會浪漫化苦難和痛苦的！
e - 聖誕係一個歡樂嘅日子，同時亦都係一個苦難嘅日子，所以喺聖誕見到通緝人、追殺人的事，是不會讓人驚訝的，這是很應節，年年發生、時時發生，藉着這些事的發生，我們被提醒聖誕節應有的意義。而聖誕之所以是一個歡樂的日子，並不是因為有開不完的party，有交換不完的禮物，又吃不完的大餐，甚至不是那種濫情的愛，聖誕之所以是一個歡樂的日子，是因為道成肉身的上主開啟了一個新的時間，使人在暴力謊言的死亡政治中有另一個可能。我們期待2025年的聖誕快點來臨，總有一個聖誕，我會跟你們說：「這是我在冤獄的最後一個聖誕了！」
6) 聖誕過後，就快又係農曆年又適逢二月頭快必生日，所以呢個星期都收到好多信同何卡，包括：宥溱、居日港人Girou俾快慢嘅信、可風、盈姿、Teresa、Hayley，Silver 俾快慢同其他船員嘅信，Fan俾快慢嘅信同生日卡，康俾快慢賀年咭，兩送飯卡同信，黃鶯媽前後3封信，黃浦少爺的彩玉生日卡、西南以及第一次做筆友California 嘅Florence寄嚟嘅Postcard。
～如果你仲未寫過信俾快必嘅話呢，如果你怕羞、如果你好懶，趁住 2025剛剛開始，買張靚靚嘅賀年卡或者生日卡，寄入去同佢say hi啦！有時間寫埋比慢必都OK 㗎，一樣可以寄去七姊妹郵箱。
~寫開信嘅朋友，唔好停繼續寫呀。如果好耐冇寫信嘅呢，就快啲加入返筆友嘅行列。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |