| 發表文章 | 發起投票 | 回覆 |
【 2025年3月7日 快必開往拔摩島的航程 - 第1644日】
【 2025年3月7日 快必開往拔摩島的航程 - 第1644日】
TAMtakchi Fast Beat
https://m.youtube.com/watch?v=UXCBFLVbSoA
Mar 7
2025
//快必石壁牆內隨筆，細說近日生活點滴同想法。//
1）2月3號之後立春，早咗天光，遲咗天黑，我心情好靚。尤其係我間房而家向東，晨光第一線啊！陽光7:45先至爬過對面山照入我嘅房間，照入去我身上同心上，暖意同人情一樣洋溢，我講到咁好，口賤嘅人就會話：「咁enjoy，坐一世都唔怕啦！」唔係enjoy就要坐嘅，嗰啲憎我又口賤嘅人都係腦殘，唔明㗎啦！正如冇人想打仗，但打仗都要盡力生活，好似我之前睇嗰本「戰火下我們依然喝咖啡」烏克蘭人的抵抗故事咁樣，一班人，喺頹垣敗瓦中飲酒飲茶飲咖啡，彈彈結他唱唱歌，亦都係苦中一點樂吧！（快必寫呢一封信嘅時候，係2月中，仍然未有美烏簽約失敗，咁多峰迴路轉嘅情況出現。）
2）最凍嘅石壁，都冇比荔枝角凍，打和而已。我最怕天氣潮濕，但係石壁最濕嘅時候，亦都冇比荔枝角差，都係打和啫！我就好似能夠考上第一志願小學咁樣，家長當然開心啦，千祈唔好轉校啊！
3）每個月總會有兩本日本時裝潮流雜誌，有時係親友喺香港買，亦有去日本返鄉下買俾我，大家真係好有我心！其中有位好多年嘅教會「姐姐」，啱啱去完日本，都買咗三本時裝雜誌俾我，但係負責安排入雜誌嘅朋友話，嗰三本原來係女性時裝雜誌啊！所以我應該得物無所用，暫時存放喺牆外。我都唔係好明，佢點會覺得我想睇女性時裝雜誌呢？又唔係冇着衫嗰啲？！冇着衫嗰啲我都唔睇啦而家！（anyway，如果係冇着衫嗰啲，又唔入到俾佢喎！）
4）除咗時裝雜誌，中同有時都會入啲outdoor用品嘅Magazine俾我，例如Go out, Peaks 等等，介紹戶外露營用品、服裝、甚至戶外專用嘅汽車，琳瑯滿目，目不暇給。不得不佩服日本人，仲可以出咁多紙媒！勁！
5）過完年又過埋二月得28日，三月又來啦，之後又到四月了，四月尾有第一批35+同學仔畢業，佢哋終於告一段落，展開新一段嘅人生！依家同我一齊踢毽五人組裏面，有兩個四月會先落船，得返三人行，但係，我都戥佢哋開心嘅！
6）同同學傾開偈，有個話落船之後，（係呀，我哋成日都傾落船之後做啲乜）落船之後佢話搵我一齊飲啤酒喎。我就問佢鍾意飲邊隻生啤？鍾意飲IPA定Lager，定係黑啤呢？點知佢話鍾意飲生力喎，仲要係清啤添??搞咩啊?清淡如水冇character喎。諗返起嚟， 30年前，我同阿慢，都為生力啤酒做過promotion 㗎，估唔到我哋而家兩個都出一點力肩負香港，盡一點責任，甚至要身陷囹圄，都算不枉此生，無憾。
7）講開踢毽，自從二月初，有次踢踢下右腿腳瓜瓤忽然好似啪一聲咁，成個禮拜隱隱作痛，好似行完48小時毅行者咁冇晒力，可能因為我用右腳踢毽，枕住係咁踢，日日踢，太勞累自己都唔知，就好似啲足球員咁，又熱身唔夠，咁就……瀨嘢。一個星期之後先至好返啲，慢慢先恢復返踢毽水準。原本唔太用嘅船上萬能藥膏「冬青膏」，變咗常伴左右！
8）有朋友去完台灣，之前送咗一本「陳寅格與傅斯年」本書俾我，記憶猶在。人生係苦難的多，如果感到幸福，就係一種幸福了。陳日君樞機先兩年嚟探我嘅時候，我都話俾佢聽我嘅睇法：人生，近看是悲劇，遠看是喜劇，所以係唔係karma，我認為係民智，只要民智夠醒，民心夠新的話，依然有公義在其中的，如果再加埋一點點意志嘅話，karma 便會應驗了。特別係我睇完「時差」，講關於愛爾蘭獨立運動呢本書，感受更深，愛爾蘭獨立運動爭取咗800年，佢哋嘅意志同民智係我哋所欠缺嘅。所以，如果，karma只是心中一句：「若然未有惡有惡報，只係時辰未到而已！」係唔足夠嘅。
9）快必嘅船上生活，暫時update到呢度先。佢文字獄終極上訴，尋日已經宣判咗結果，相信關心嘅朋友，都已經知道，唔關心嘅就不贅了。對於結果，快必一直心裏有數，不過，佢話每個人都有自己的十字架要背負，而佢嘅十字架，就係呢一單case。所以，即使已經坐完，還是要上訴去終審的！
10）曾經有法律界嘅朋友，同快必分析佢個case唔應該申請打到去終審，應該將個上訴機會留俾一啲判罪較輕嘅人，咁樣勝算先夠大喎！快必認為，如果判刑輕嘅人，坐完離開就算啦，仲會花心血花錢花精神花時間去進行呢一場明知唔會贏嘅官司？既然自己係被選中成為首宗案例，那麼就繼續肩負這一個十字架，走完這一條上訴到終審之路。
11）今次上訴失敗成為其他涉及類似文字獄的case的參考案例，係唔係有影響，又或者影響大唔大，都唔係我哋可以掌握，不過案例始終係成為以後香港人的警惕。一直以來對於上訴，快必從冇心存僥倖，正如佢成日講道都會話「好戲在後頭」，上面嘅隨筆都講，只要民智夠醒，民心夠新的話，加埋一點點意志，依然有公義在其中的，karma 便會應驗了。
12）呢幾日快必嘅收到以下朋友寄信同卡俾快必，包括：
Rebecca，Hayley、向山舉目
加州Florence postcard、Lisa Snoopy 問候卡，泡菜媽，小月
Mrs C 從加拿大帶返嚟，支持者Ivy、Tay同冇署名嘅朋友嘅問候卡，仲有一疊明信片，唔識睇個簽名，仲有Ivy, Kenny以及老番12月底嘅信。多謝晒咁多位記掛住快必。
13）進入四旬期，好快又到復活節，如果你仲未寫過信俾快必，唔好怕羞唔好懶啦，寄張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列，因為收到你哋嘅信同埋卡，對快必嚟講係好大嘅支持同鼓勵，佢喺入邊撑得住，都因為有大家喺外面撑住佢！
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=UXCBFLVbSoA
Mar 7
2025
//快必石壁牆內隨筆，細說近日生活點滴同想法。//
1）2月3號之後立春，早咗天光，遲咗天黑，我心情好靚。尤其係我間房而家向東，晨光第一線啊！陽光7:45先至爬過對面山照入我嘅房間，照入去我身上同心上，暖意同人情一樣洋溢，我講到咁好，口賤嘅人就會話：「咁enjoy，坐一世都唔怕啦！」唔係enjoy就要坐嘅，嗰啲憎我又口賤嘅人都係腦殘，唔明㗎啦！正如冇人想打仗，但打仗都要盡力生活，好似我之前睇嗰本「戰火下我們依然喝咖啡」烏克蘭人的抵抗故事咁樣，一班人，喺頹垣敗瓦中飲酒飲茶飲咖啡，彈彈結他唱唱歌，亦都係苦中一點樂吧！（快必寫呢一封信嘅時候，係2月中，仍然未有美烏簽約失敗，咁多峰迴路轉嘅情況出現。）
2）最凍嘅石壁，都冇比荔枝角凍，打和而已。我最怕天氣潮濕，但係石壁最濕嘅時候，亦都冇比荔枝角差，都係打和啫！我就好似能夠考上第一志願小學咁樣，家長當然開心啦，千祈唔好轉校啊！
3）每個月總會有兩本日本時裝潮流雜誌，有時係親友喺香港買，亦有去日本返鄉下買俾我，大家真係好有我心！其中有位好多年嘅教會「姐姐」，啱啱去完日本，都買咗三本時裝雜誌俾我，但係負責安排入雜誌嘅朋友話，嗰三本原來係女性時裝雜誌啊！所以我應該得物無所用，暫時存放喺牆外。我都唔係好明，佢點會覺得我想睇女性時裝雜誌呢？又唔係冇着衫嗰啲？！冇着衫嗰啲我都唔睇啦而家！（anyway，如果係冇着衫嗰啲，又唔入到俾佢喎！）
4）除咗時裝雜誌，中同有時都會入啲outdoor用品嘅Magazine俾我，例如Go out, Peaks 等等，介紹戶外露營用品、服裝、甚至戶外專用嘅汽車，琳瑯滿目，目不暇給。不得不佩服日本人，仲可以出咁多紙媒！勁！
5）過完年又過埋二月得28日，三月又來啦，之後又到四月了，四月尾有第一批35+同學仔畢業，佢哋終於告一段落，展開新一段嘅人生！依家同我一齊踢毽五人組裏面，有兩個四月會先落船，得返三人行，但係，我都戥佢哋開心嘅！
6）同同學傾開偈，有個話落船之後，（係呀，我哋成日都傾落船之後做啲乜）落船之後佢話搵我一齊飲啤酒喎。我就問佢鍾意飲邊隻生啤？鍾意飲IPA定Lager，定係黑啤呢？點知佢話鍾意飲生力喎，仲要係清啤添??搞咩啊?清淡如水冇character喎。諗返起嚟， 30年前，我同阿慢，都為生力啤酒做過promotion 㗎，估唔到我哋而家兩個都出一點力肩負香港，盡一點責任，甚至要身陷囹圄，都算不枉此生，無憾。
7）講開踢毽，自從二月初，有次踢踢下右腿腳瓜瓤忽然好似啪一聲咁，成個禮拜隱隱作痛，好似行完48小時毅行者咁冇晒力，可能因為我用右腳踢毽，枕住係咁踢，日日踢，太勞累自己都唔知，就好似啲足球員咁，又熱身唔夠，咁就……瀨嘢。一個星期之後先至好返啲，慢慢先恢復返踢毽水準。原本唔太用嘅船上萬能藥膏「冬青膏」，變咗常伴左右！
8）有朋友去完台灣，之前送咗一本「陳寅格與傅斯年」本書俾我，記憶猶在。人生係苦難的多，如果感到幸福，就係一種幸福了。陳日君樞機先兩年嚟探我嘅時候，我都話俾佢聽我嘅睇法：人生，近看是悲劇，遠看是喜劇，所以係唔係karma，我認為係民智，只要民智夠醒，民心夠新的話，依然有公義在其中的，如果再加埋一點點意志嘅話，karma 便會應驗了。特別係我睇完「時差」，講關於愛爾蘭獨立運動呢本書，感受更深，愛爾蘭獨立運動爭取咗800年，佢哋嘅意志同民智係我哋所欠缺嘅。所以，如果，karma只是心中一句：「若然未有惡有惡報，只係時辰未到而已！」係唔足夠嘅。
9）快必嘅船上生活，暫時update到呢度先。佢文字獄終極上訴，尋日已經宣判咗結果，相信關心嘅朋友，都已經知道，唔關心嘅就不贅了。對於結果，快必一直心裏有數，不過，佢話每個人都有自己的十字架要背負，而佢嘅十字架，就係呢一單case。所以，即使已經坐完，還是要上訴去終審的！
10）曾經有法律界嘅朋友，同快必分析佢個case唔應該申請打到去終審，應該將個上訴機會留俾一啲判罪較輕嘅人，咁樣勝算先夠大喎！快必認為，如果判刑輕嘅人，坐完離開就算啦，仲會花心血花錢花精神花時間去進行呢一場明知唔會贏嘅官司？既然自己係被選中成為首宗案例，那麼就繼續肩負這一個十字架，走完這一條上訴到終審之路。
11）今次上訴失敗成為其他涉及類似文字獄的case的參考案例，係唔係有影響，又或者影響大唔大，都唔係我哋可以掌握，不過案例始終係成為以後香港人的警惕。一直以來對於上訴，快必從冇心存僥倖，正如佢成日講道都會話「好戲在後頭」，上面嘅隨筆都講，只要民智夠醒，民心夠新的話，加埋一點點意志，依然有公義在其中的，karma 便會應驗了。
12）呢幾日快必嘅收到以下朋友寄信同卡俾快必，包括：
Rebecca，Hayley、向山舉目
加州Florence postcard、Lisa Snoopy 問候卡，泡菜媽，小月
Mrs C 從加拿大帶返嚟，支持者Ivy、Tay同冇署名嘅朋友嘅問候卡，仲有一疊明信片，唔識睇個簽名，仲有Ivy, Kenny以及老番12月底嘅信。多謝晒咁多位記掛住快必。
13）進入四旬期，好快又到復活節，如果你仲未寫過信俾快必，唔好怕羞唔好懶啦，寄張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列，因為收到你哋嘅信同埋卡，對快必嚟講係好大嘅支持同鼓勵，佢喺入邊撑得住，都因為有大家喺外面撑住佢！
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |