| 發表文章 | 發起投票 | 回覆 |
【 2025年4月11日 快必開往拔摩島的航程 - 第1678日】
【 2025年4月11日 快必開往拔摩島的航程 - 第1678日】
TAMtakchi Fast Beat
https://m.youtube.com/watch?v=2Lz3B2aw8TY
Apr 11
2025
//喺紛亂嘅世界，大家都期待奇蹟？係呀，真係有奇蹟，本來喺銀河系蕩失路嘅信，快必居然收到喎！ 3月20號星期四嘅上午，收到大家嘅信，佢話嗰種快樂，就好似好耐冇飲酒，一出去上岸飲第一啖酒嘅快樂!信嘅內容係咁嘅～//
1)三月頭嗰兩個星期，一直收唔到大家寄去郵箱嘅信，好擔心！我哋早已經成為好好好好好知己，互相擔心好友知己！好彩，突然其來3月20號收到大家嘅信！
~C太喺加拿大帶返嚟嘅Postcard收到啦！清明上河圖，好正！加州Florence嘅Postcard都收到，我冇去過台灣胡適紀念館，上岸之後，去一趟台灣，好多地方都想去。我有中同喺喺嗰邊，佢不時寫信寄書俾我，有送小食俾我老媽，欠下嘅人情債，一生都還唔完。
~3月20號收到好多中同嘅信同Postcard ！劉興同積奇蓮夫婦之前寄來冰島明信片，今次係丹麥寄來教堂明信片，令我諗起20年前參加嘅中世紀教堂之旅，法國德國比利時嘅旅程，印象深刻。夏其龍神父帶隊嘅，嗰時我係第一次認識齋sir陳士齊博士，我哋同團嘅，之後喺社運上相遇，都令我好難忘，唔知齋sir而家點呢？我知佢偶爾都會同一班退休老牧師飲茶。
2)向山舉目2月24同3月2號嘅信，我喺3月20號一次過收到。感謝您回應我嘅講章，「真的可以愛仇敵嗎？」耶穌不可以講反話串人的嗎？可能正正因為我今時今日的處境，所以我逼不得已地把這些結合了我對經文的理解。兩送飯2月25號寄來嘅信，就唔同意我詮釋同理解了。我哋如此開放討論係好嘅，我好珍惜言論自由。
~向山舉目嘅信問我如果紋身會紋啲乜？我會紋PP兩個字，以前PP代表People Power，而家Political Prisoner 。我怕痛，紋唔到好長一堆字「目無法紀視法律如無物的市井之徒」。我再說，從來都係真理真相真話，只在講道中可以言說。我一直都會講道。唔單止你覺得出奇，其他人都好出奇，神蹟？但我唔會開心，真話要喺講道和教會言說說中繞路才講得出來，係一種悲哀啊！係人世間嘅一種墮落啊！真話真相唔能夠公正公開喺平常中顯明，嗰種遮蔽係何等大啊！那種黑暗是何其不該啊？！
3)中女經紀、三高美食家2月26號嘅信同文章都收到。我特別like嗰啲狗狗嘅新聞，拉布拉多都係我最like嘅品種之一，希望第日可以收養一隻黑色嘅拉布拉多女，我會改佢個名叫鮮奶milk，日文叫Mi-Lu-ku，金色我仍然鍾意金毛，再叫忌廉嘅話，就係忌廉溝鮮奶了！你信入邊話基督徒係唔係吃製品嘅理解10分正統同主流，食咪食囉，如果別人懷疑，你就向佢哋解釋你嘅「神學」吧！堅固別人嘅信心，解放別人嘅捆綁，使人得自由，因為真理係喺自由之中。三高美食家2月26號嘅信話西環嘅金祥排骨麵，同金山樓，我都去過。金祥排骨麵喺中聯辦附近，一定去過啦，但我覺得麻麻。我煮嘅上海麵好食過佢，我包啲雲吞都係好好食。嗰個金山樓，我以前都有去過，我記得食過砵酒蠔，嗰度附近有食魚粥嘅店，我以前都成日去。
4)加路：2月25號嘅信同畫都收到，嗰幅畫要改名，就改「本真」吧！人貴本真，真理的真，真相的真，真話的真有何事何物何人曾如你畫中的自然呢？
~Ronnie Lee：收到你2月22號俾我嘅信，你話加拿大二月尾仍然好凍，我諗三月尾已經唔凍啩。仲有，你話近日個世界黐晒線，我覺得讀歷史嘅話，先至係常態，所以喺當下，我會推介人讀「但以理書」和「啟示錄」，the most significant question we have to ask ourselves is what is our responsibilities now．
5)小月： 3月6號嘅信同書法都收到，大音希聲，大象無形，sound of silence，我最like。我細個成日俾人改花名叫「貪得意」，我反駁「得意忘形」，得到了真意，就可以忘掉那外表之形態吧！ 2021年入嘅老子「道德經」，仍然喺我手上，偶爾都會讀吓。
~生仔：你2月27號嘅信，終於3月20號收到。乜斯叔啲頭髮好白咩？有冇我咁白呢？有冇坂本龍一咁白呢？我就鍾意多啲白頭髮啦！
6)Lisa嘅Snoopy卡，收到啦好開心，多謝Snoopy同Woodstock 喺雨天鼓勵我， keep looking up。
Hayley 3月3號嘅信，我都係3月20號收到。你話跑半馬要有自己節奏，我想同你講，坐冤獄都係要由自己節奏。好似有人叫我去睇戲，當時我如果我喺度寫緊信或者睇緊書，我就會請佢再約一個時間，呢個就係我自尊、自重、自強咁要過自己嘅節奏。
~Rebecca：收到你3月3號嘅信，嗰啲邵家臻懷念文集，我都收到。我同佢唔係好熟，聽講佢坐完監出去之後，好多鬱結，屈到病。四月尾有第一批落船嘅同學，大家要好好愛惜佢哋，唔好等佢哋屈到病。
~斯太喺加拿大帶返嚟嘅卡，收到啦，有Tay, Ivy等等，我感謝大家嘅錯愛和過譽，使我10分慚愧，請為仍然喺船上漂流嘅人寫信同念經以及祈禱。
7)人力之友K & V三月嘅信，收到啦。心情唔好要有出路，你兒子嘅洗禮，有冇令你有一啲想法呢？
~Ivy我都收到你三月嘅信，心要定，唔好忙亂同慌張。你嘅神唔係侵侵，如果心中定於天主的話，人心是不會慌亂和盲目的。你明白我說什麼嗎？有理性的無神論者與有理性的信者，其相同相近大於非理性的有神及無神論者。我哋再好好討論一下吧。
8)3月20號仲收到加拿大老番嘅信，同英國老番唔同，加拿大老番係我同慢嘅common friend，好多謝兩地唔同嘅老番，經常都寫信俾我，令我喺冤獄中，得到安慰！唔知赤柱收信快啲定係石壁快啲呢？
~快必回信嚟到呢一度，睇返record，都夾唔到究竟快必收到呢一疊信，係幾時寄出，不過，收到好過冇啦！如果仲未到你嘅話，就俾啲耐性等一下，希望再有奇蹟出現啦！唔好因為收唔到回覆唔寫信啦！正所謂一間舖執笠，會開多16間，一封信收唔到，大家寫多一封都OK嘅，係唔係呢？
9)下個星期就係復活節，如果你仲未寫過信俾快必，唔好怕羞唔好懶啦，買張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=2Lz3B2aw8TY
Apr 11
2025
//喺紛亂嘅世界，大家都期待奇蹟？係呀，真係有奇蹟，本來喺銀河系蕩失路嘅信，快必居然收到喎！ 3月20號星期四嘅上午，收到大家嘅信，佢話嗰種快樂，就好似好耐冇飲酒，一出去上岸飲第一啖酒嘅快樂!信嘅內容係咁嘅～//
1)三月頭嗰兩個星期，一直收唔到大家寄去郵箱嘅信，好擔心！我哋早已經成為好好好好好知己，互相擔心好友知己！好彩，突然其來3月20號收到大家嘅信！
~C太喺加拿大帶返嚟嘅Postcard收到啦！清明上河圖，好正！加州Florence嘅Postcard都收到，我冇去過台灣胡適紀念館，上岸之後，去一趟台灣，好多地方都想去。我有中同喺喺嗰邊，佢不時寫信寄書俾我，有送小食俾我老媽，欠下嘅人情債，一生都還唔完。
~3月20號收到好多中同嘅信同Postcard ！劉興同積奇蓮夫婦之前寄來冰島明信片，今次係丹麥寄來教堂明信片，令我諗起20年前參加嘅中世紀教堂之旅，法國德國比利時嘅旅程，印象深刻。夏其龍神父帶隊嘅，嗰時我係第一次認識齋sir陳士齊博士，我哋同團嘅，之後喺社運上相遇，都令我好難忘，唔知齋sir而家點呢？我知佢偶爾都會同一班退休老牧師飲茶。
2)向山舉目2月24同3月2號嘅信，我喺3月20號一次過收到。感謝您回應我嘅講章，「真的可以愛仇敵嗎？」耶穌不可以講反話串人的嗎？可能正正因為我今時今日的處境，所以我逼不得已地把這些結合了我對經文的理解。兩送飯2月25號寄來嘅信，就唔同意我詮釋同理解了。我哋如此開放討論係好嘅，我好珍惜言論自由。
~向山舉目嘅信問我如果紋身會紋啲乜？我會紋PP兩個字，以前PP代表People Power，而家Political Prisoner 。我怕痛，紋唔到好長一堆字「目無法紀視法律如無物的市井之徒」。我再說，從來都係真理真相真話，只在講道中可以言說。我一直都會講道。唔單止你覺得出奇，其他人都好出奇，神蹟？但我唔會開心，真話要喺講道和教會言說說中繞路才講得出來，係一種悲哀啊！係人世間嘅一種墮落啊！真話真相唔能夠公正公開喺平常中顯明，嗰種遮蔽係何等大啊！那種黑暗是何其不該啊？！
3)中女經紀、三高美食家2月26號嘅信同文章都收到。我特別like嗰啲狗狗嘅新聞，拉布拉多都係我最like嘅品種之一，希望第日可以收養一隻黑色嘅拉布拉多女，我會改佢個名叫鮮奶milk，日文叫Mi-Lu-ku，金色我仍然鍾意金毛，再叫忌廉嘅話，就係忌廉溝鮮奶了！你信入邊話基督徒係唔係吃製品嘅理解10分正統同主流，食咪食囉，如果別人懷疑，你就向佢哋解釋你嘅「神學」吧！堅固別人嘅信心，解放別人嘅捆綁，使人得自由，因為真理係喺自由之中。三高美食家2月26號嘅信話西環嘅金祥排骨麵，同金山樓，我都去過。金祥排骨麵喺中聯辦附近，一定去過啦，但我覺得麻麻。我煮嘅上海麵好食過佢，我包啲雲吞都係好好食。嗰個金山樓，我以前都有去過，我記得食過砵酒蠔，嗰度附近有食魚粥嘅店，我以前都成日去。
4)加路：2月25號嘅信同畫都收到，嗰幅畫要改名，就改「本真」吧！人貴本真，真理的真，真相的真，真話的真有何事何物何人曾如你畫中的自然呢？
~Ronnie Lee：收到你2月22號俾我嘅信，你話加拿大二月尾仍然好凍，我諗三月尾已經唔凍啩。仲有，你話近日個世界黐晒線，我覺得讀歷史嘅話，先至係常態，所以喺當下，我會推介人讀「但以理書」和「啟示錄」，the most significant question we have to ask ourselves is what is our responsibilities now．
5)小月： 3月6號嘅信同書法都收到，大音希聲，大象無形，sound of silence，我最like。我細個成日俾人改花名叫「貪得意」，我反駁「得意忘形」，得到了真意，就可以忘掉那外表之形態吧！ 2021年入嘅老子「道德經」，仍然喺我手上，偶爾都會讀吓。
~生仔：你2月27號嘅信，終於3月20號收到。乜斯叔啲頭髮好白咩？有冇我咁白呢？有冇坂本龍一咁白呢？我就鍾意多啲白頭髮啦！
6)Lisa嘅Snoopy卡，收到啦好開心，多謝Snoopy同Woodstock 喺雨天鼓勵我， keep looking up。
Hayley 3月3號嘅信，我都係3月20號收到。你話跑半馬要有自己節奏，我想同你講，坐冤獄都係要由自己節奏。好似有人叫我去睇戲，當時我如果我喺度寫緊信或者睇緊書，我就會請佢再約一個時間，呢個就係我自尊、自重、自強咁要過自己嘅節奏。
~Rebecca：收到你3月3號嘅信，嗰啲邵家臻懷念文集，我都收到。我同佢唔係好熟，聽講佢坐完監出去之後，好多鬱結，屈到病。四月尾有第一批落船嘅同學，大家要好好愛惜佢哋，唔好等佢哋屈到病。
~斯太喺加拿大帶返嚟嘅卡，收到啦，有Tay, Ivy等等，我感謝大家嘅錯愛和過譽，使我10分慚愧，請為仍然喺船上漂流嘅人寫信同念經以及祈禱。
7)人力之友K & V三月嘅信，收到啦。心情唔好要有出路，你兒子嘅洗禮，有冇令你有一啲想法呢？
~Ivy我都收到你三月嘅信，心要定，唔好忙亂同慌張。你嘅神唔係侵侵，如果心中定於天主的話，人心是不會慌亂和盲目的。你明白我說什麼嗎？有理性的無神論者與有理性的信者，其相同相近大於非理性的有神及無神論者。我哋再好好討論一下吧。
8)3月20號仲收到加拿大老番嘅信，同英國老番唔同，加拿大老番係我同慢嘅common friend，好多謝兩地唔同嘅老番，經常都寫信俾我，令我喺冤獄中，得到安慰！唔知赤柱收信快啲定係石壁快啲呢？
~快必回信嚟到呢一度，睇返record，都夾唔到究竟快必收到呢一疊信，係幾時寄出，不過，收到好過冇啦！如果仲未到你嘅話，就俾啲耐性等一下，希望再有奇蹟出現啦！唔好因為收唔到回覆唔寫信啦！正所謂一間舖執笠，會開多16間，一封信收唔到，大家寫多一封都OK嘅，係唔係呢？
9)下個星期就係復活節，如果你仲未寫過信俾快必，唔好怕羞唔好懶啦，買張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |