| 發表文章 | 發起投票 | 回覆 |
【 2025年4月15日 快必開往拔摩島的航程 - 第1682日】
【 2025年4月15日 快必開往拔摩島的航程 - 第1682日】
TAMtakchi Fast Beat
https://m.youtube.com/watch?v=RD1Oj4VxvgI
Apr 15
2025
1） 《必索寓言》
～喺開往拔摩島的慢船上，有啡色的泥土和綠色的樹，沒有泥土，樹便沒法生長。泥土受到隔絕與孤寂的懲罰，不過，樹不也是受到隔絕和孤寂嗎？樹有時會找泥土傾偈，有些泥土和樹很夾好多偈傾，但有塊泥土就覺得樹很煩，煩住晒，特別是半夜更煩。半夜塊泥土想安靜躺平，但半夜的樹，一棵一棵喜歡傾偈，鬼食泥咁。泥土愛靜，泥土深沉，躺在地上聽到樹與樹的一字一句，從起薪點講到轉工，從溝女講到結婚……什麼什麼什麼什麼，都成了嗰塊泥土發夢的材料。
～塊泥隔離係一詹泥，嗰詹泥有好多算命書，唔知佢算唔算到自己要上船，又會幾時落船呢？有一晚有棵樹搵呢一詹泥吹水，問：「原來你老竇係同梁朝偉做戲嗰個肥仔呀？」嗰一塊泥聽到，心諗嗰個叫「白只」啊，暗暗叫聲白痴啦！棵樹繼續撩詹泥，問佢買邊隻股票好喎？都已經上咗船啦，點知道外面啲動靜，比得你嘅，都可能係生埃啦。喺船上嘅樹，就係如此孤寂，以為同泥土傾偈，係幫泥土解悶，其實係佢自己好悶先至真。
2） 《船上生活不會悶》
～三月份，我除了開始睇謝列貝克斯嘅「信仰的理解」外，亦都讀完河合隼雄的「影子現象學」，河合隼雄係日本容格精神分析學者。點解我會讀河合隼雄嘅書呢？就係因為村上春樹嘅「世界末日與冷酷異境」以及「城與不確定的牆」，呢兩本書裏面寫咗好多關於「影子」嘅內容，讀完影子現象學之後，又想再重讀一次「世界末日與冷酷異境」，又因為河合隼雄，又引發我想睇容格其他嘅作品，於是叫親友幫我準備咗幾本容格嘅書——包括：擁抱陰影、童話中的陰影與邪惡，以及附身呢三本書，都係容格嘅比較心靈解剖學。
～仲有仲有，四月份係韓國月，以紀念韓國好有司法，啲法官好公正，所以除咗要睇韓江嘅永不告別，要睇尹東柱嘅詩集同金英夏嘅散文⋯⋯
咁你話啦，我在船上，係唔係好忙呢？時間係唔係唔夠用呢，咁又點會悶呢！
3 ） 《侵侵》
～一路都收到朋友來信、寄圖寄文章俾我，同我講Donald Trump，太好笑了，除咗Elon Musk個仔喺世界最高權力中心撩鼻屎之外，仲有記者無啦啦入咗機密群組，而阿侵冇怪責此事，有啲甚至話係特登放記者入去，好高招咁串歐洲佬。anyway，睇呢件事，我嘅重點會話，啲人講阿侵封閉又獨裁？唔係呀！我哋要以嘲弄去面對呢一切嘅荒謬荒誕，就好似我好like嘅王爾德，同米蘭昆德拉咁，嘲弄而不變酸，不變八婆，不走犬儒之路，也不落入生命中不能承受之輕的景況。
～今時今日，國際關係成咗我哋最日常嘅新聞，亦都好似一把刀咁，將本來係同一群人切割開來，有人全力支持，甚至相信阿侵係神咁，又有另一些非常反侵，用各種理由都有。我有兩個意見，第一：想睇戲嘅話， 阿侵當然好睇啦，正如希特拉cut唔到有線，到今日我都難忘，喺世界權力最中心嘅辦公室撩鼻屎嘅細路，這不是對權力最大的諷刺嗎？超好睇超like ！就好似基督降生在馬槽，被釘死喺十字架；又像乞兒和小丑的一生，像說自己是默西亞和救世主一樣，咁好笑！
～第二，多讀點二戰前的歷史，我在船上頭幾年，讀咗”The Dual State”以及「暴政史」，都好值得睇完再睇，啱啱睇完嘅「一個德國人的故事」也是值得借鑒。我覺得嗰種價值真空，森林法則，亂信強人嘅精神狀態，係世界當下嘅一種潮流，非常令人擔憂，我怕七月日本大地震、火山大爆發等亂世預言未成真時，人心已慌亂、陣腳自亂到一個地步，生靈塗炭，歷史變本加厲之前。
～「我不會為自己的信念而死，因為我可能會錯。」這是空間和張力，英國哲學家羅素說了上面這句話。我反而覺得這些哲人很多都追尋真理和正確正義，同時常常懷疑自己，尤其在當下多變而無常的世情時，不是說我們自己多變，而是我們所相信的人或物都比以前更無常和多變，我們應該儆醒，負起一些責任，多說一些真話。
~以上幾段，係快必寫俾朋友嘅信，講吓故仔、傾吓日常、討論吓時事。
4）上星期快必嘅郵箱收到好多信同卡，包括以下嘅朋友：澳洲Helen同手巾仔嘅復活節咭，英國積奇陳復活節卡同Postcard，Rebecca嘅信同Postcard，茂國同Anthony嘅信，
黃鶯媽前後四信封信，仲有小月，阿生嘅信，向山舉目同Teresa都寄了兩信，以及有位冇署名嘅朋友寄咗18章彩圖文章，多謝晒咁多位記掛住快必，因為，假期前後，啲信成日都蕩失路，我哋又試咗寄掛號信，睇吓點？！
仲有幾日就係復活節，如果你仲未寫過信俾快必，唔好怕羞唔好懶啦，買張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=RD1Oj4VxvgI
Apr 15
2025
1） 《必索寓言》
～喺開往拔摩島的慢船上，有啡色的泥土和綠色的樹，沒有泥土，樹便沒法生長。泥土受到隔絕與孤寂的懲罰，不過，樹不也是受到隔絕和孤寂嗎？樹有時會找泥土傾偈，有些泥土和樹很夾好多偈傾，但有塊泥土就覺得樹很煩，煩住晒，特別是半夜更煩。半夜塊泥土想安靜躺平，但半夜的樹，一棵一棵喜歡傾偈，鬼食泥咁。泥土愛靜，泥土深沉，躺在地上聽到樹與樹的一字一句，從起薪點講到轉工，從溝女講到結婚……什麼什麼什麼什麼，都成了嗰塊泥土發夢的材料。
～塊泥隔離係一詹泥，嗰詹泥有好多算命書，唔知佢算唔算到自己要上船，又會幾時落船呢？有一晚有棵樹搵呢一詹泥吹水，問：「原來你老竇係同梁朝偉做戲嗰個肥仔呀？」嗰一塊泥聽到，心諗嗰個叫「白只」啊，暗暗叫聲白痴啦！棵樹繼續撩詹泥，問佢買邊隻股票好喎？都已經上咗船啦，點知道外面啲動靜，比得你嘅，都可能係生埃啦。喺船上嘅樹，就係如此孤寂，以為同泥土傾偈，係幫泥土解悶，其實係佢自己好悶先至真。
2） 《船上生活不會悶》
～三月份，我除了開始睇謝列貝克斯嘅「信仰的理解」外，亦都讀完河合隼雄的「影子現象學」，河合隼雄係日本容格精神分析學者。點解我會讀河合隼雄嘅書呢？就係因為村上春樹嘅「世界末日與冷酷異境」以及「城與不確定的牆」，呢兩本書裏面寫咗好多關於「影子」嘅內容，讀完影子現象學之後，又想再重讀一次「世界末日與冷酷異境」，又因為河合隼雄，又引發我想睇容格其他嘅作品，於是叫親友幫我準備咗幾本容格嘅書——包括：擁抱陰影、童話中的陰影與邪惡，以及附身呢三本書，都係容格嘅比較心靈解剖學。
～仲有仲有，四月份係韓國月，以紀念韓國好有司法，啲法官好公正，所以除咗要睇韓江嘅永不告別，要睇尹東柱嘅詩集同金英夏嘅散文⋯⋯
咁你話啦，我在船上，係唔係好忙呢？時間係唔係唔夠用呢，咁又點會悶呢！
3 ） 《侵侵》
～一路都收到朋友來信、寄圖寄文章俾我，同我講Donald Trump，太好笑了，除咗Elon Musk個仔喺世界最高權力中心撩鼻屎之外，仲有記者無啦啦入咗機密群組，而阿侵冇怪責此事，有啲甚至話係特登放記者入去，好高招咁串歐洲佬。anyway，睇呢件事，我嘅重點會話，啲人講阿侵封閉又獨裁？唔係呀！我哋要以嘲弄去面對呢一切嘅荒謬荒誕，就好似我好like嘅王爾德，同米蘭昆德拉咁，嘲弄而不變酸，不變八婆，不走犬儒之路，也不落入生命中不能承受之輕的景況。
～今時今日，國際關係成咗我哋最日常嘅新聞，亦都好似一把刀咁，將本來係同一群人切割開來，有人全力支持，甚至相信阿侵係神咁，又有另一些非常反侵，用各種理由都有。我有兩個意見，第一：想睇戲嘅話， 阿侵當然好睇啦，正如希特拉cut唔到有線，到今日我都難忘，喺世界權力最中心嘅辦公室撩鼻屎嘅細路，這不是對權力最大的諷刺嗎？超好睇超like ！就好似基督降生在馬槽，被釘死喺十字架；又像乞兒和小丑的一生，像說自己是默西亞和救世主一樣，咁好笑！
～第二，多讀點二戰前的歷史，我在船上頭幾年，讀咗”The Dual State”以及「暴政史」，都好值得睇完再睇，啱啱睇完嘅「一個德國人的故事」也是值得借鑒。我覺得嗰種價值真空，森林法則，亂信強人嘅精神狀態，係世界當下嘅一種潮流，非常令人擔憂，我怕七月日本大地震、火山大爆發等亂世預言未成真時，人心已慌亂、陣腳自亂到一個地步，生靈塗炭，歷史變本加厲之前。
～「我不會為自己的信念而死，因為我可能會錯。」這是空間和張力，英國哲學家羅素說了上面這句話。我反而覺得這些哲人很多都追尋真理和正確正義，同時常常懷疑自己，尤其在當下多變而無常的世情時，不是說我們自己多變，而是我們所相信的人或物都比以前更無常和多變，我們應該儆醒，負起一些責任，多說一些真話。
~以上幾段，係快必寫俾朋友嘅信，講吓故仔、傾吓日常、討論吓時事。
4）上星期快必嘅郵箱收到好多信同卡，包括以下嘅朋友：澳洲Helen同手巾仔嘅復活節咭，英國積奇陳復活節卡同Postcard，Rebecca嘅信同Postcard，茂國同Anthony嘅信，
黃鶯媽前後四信封信，仲有小月，阿生嘅信，向山舉目同Teresa都寄了兩信，以及有位冇署名嘅朋友寄咗18章彩圖文章，多謝晒咁多位記掛住快必，因為，假期前後，啲信成日都蕩失路，我哋又試咗寄掛號信，睇吓點？！
仲有幾日就係復活節，如果你仲未寫過信俾快必，唔好怕羞唔好懶啦，買張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |