話說有位膠登巴打貼咗我份詞，依家決定再貼一次，希望可以成為首個膠登音樂。
如果台慶當晚收視真係只有２至３點，就算多過２至３點，只要低過３０點，就應該可以大派用場。
https://hkgalden.com/view/61941

原曲MV，有左右聲道分開。
http://www.youtube.com/watch?v=1gKr94Z0JbU

如果各位想唱就拿去吧。
不過要唱到阿叻咁嘅腔都有難度架。
_______________________________________

《跪地叻》
改詞：Tommy Shek
原曲：《我至叻》，陳百祥
作曲：小丙
編曲：Gary Tong

找數最叻　YEAH　佢至叻
走數最叻　YEAH　佢至叻

Ｔ記搞台慶　真係太攞景
每次賭搏佢最醒　要收視當堂無剩
其實做乜勁　愚弄觀眾扮透明
抽水全力好淡定　逢賭必輸仲有錢淨
挑機挑到頂　萬千熄機賀台慶
要佢跪地來贈興　實要輸到佢眼擎擎
賭完即淆佢最勁　捐晒身家扮有型
舐事旦台無得頂　乜冷都晒真無情

＊YEAH　佢至叻　繼續出位做阿HEAD
YEAH　佢至叻　佢話開機睇佢炫嘢
谷數最叻　節目谷收視玩嘢
捐錢死撐的阿叻　YEAH　YEAH＊

佢話收視高　講到幾咁好
點知係濫竽充數　三十幾點搏大霧
無線台慶發晒霉　多線藝人齊跳槽
你話無線幾咁糟　一台獨大扮晒大佬
節目事旦亂咁做　連師奶同阿嬸都洗晒腦
東張西望乜報導　抹黑港視惹投訴
搞大件事比人嘈　河蟹短片滅聲做到
有錢告邊度告嗰度　獨行獨斷亂吹出騷

Repeat＊

有種就賭大尐　人要有「吉士」
憑乜勁去賭收視　一眾粉人都可以慳尐
來偽善捐錢　咁嘅台慶無新意
超低收視大件事　跪地返歸人人LIKEY
免費電視我哋話事　劇集綜藝點只無線
《警界線》點擊百萬次　HKTV多FANS
基哥開台有新意　政府何解多藉詞
發牌條件勿過時　香港電視睇真尐

Repeat＊

台慶要睇乜　年年都唔得
悶到出晒汁　玩到太盡唔要得

報導有多失實　怕佢賭到台都執
收視幾多任佢噏　唔係犯法點都得
輸賭找數要誠實　咪出蠱惑搵笨實
口出狂言佢最得　網民齊鬧佢運吉
想要佢跪地返歸　抑或係阿彌陀佛
只要熄電視　睇佢輸咗會做乜

YEAH　佢至叻　繼續出位做阿HEAD
YEAH　佢至叻　佢話開機睇佢炫嘢
谷數最叻　節目谷收視玩嘢
捐錢死撐的阿叻　
YEAH　YEAH　YEAH　佢至叻