http://hk.apple.nextmedia.com/realtime/supplement/20131214/51988626



人有相似呢樣嘢未必係好事，如果係似明星都可以畀人話有明星相，但如果似耶穌就無咁好彩喇！Daily Mail早前有單趣聞，指澳洲男Nathan Grindal因為樣貌太似耶穌，所以被禁止參加飛鏢比賽。其實事源於上年Nathan Grindal參加飛鏢比賽時，由於被旁觀者發現生得似耶穌所以引起哄動，於是大會為避免分散其他參賽者的注意力，因此禁止他進行比賽。

點知今年Nathan Grindal想再次參加飛鏢比賽時，工作人員以原因「避免再次發生上年的事」而拒絕他參賽，但主辦單位否認因為Nathan Grindal貌似耶穌而禁止比賽，更加話歡迎大家奇裝異服到場；不過就話如果不守規則就會被要求離場，就算係耶穌都無面畀。咦！言下之意即係話Nathan Grindal唔守規則還是另有原因被拒絕參賽呢？答案都好明顯啦！