http://hk.apple.nextmedia.com/realtime/supplement/20131215/51994481

個人覺得傳聞中的iWatch，可能已經成為蘋果最神秘的產品，首先放出消息計畫生產推出後，引到對手三叔心急萬分地搶先推出，結果？自然係銷量麻麻，甚至話係無人吼的地步！而蘋果呢，卻仍然坐定定，真係好懷疑蘋果是否先放出消息，再拿三叔來測試市場反應！

這邊三叔中伏後尚未甩身，又有消息指蘋果計畫在2014年10月，同時公佈新一代iPhone及iWatch，不過，傳聞中亦提及蘋果現時有兩種iWatch原形機，好大機會是1.7及1.3吋，並且提供無線充電，但現時仍未落實屏幕尺寸，主要原因是原先計畫的電池容量為100mAh，但在看到三叔Galaxy Gear配備315mAh電池，仍被投訴電池太短命後，iWatch的設計還需最後調校定案。

各位果迷，睇怕還要等成年先有iWatch玩，都係先玩住iPhone 5s同iPad吧。