唔知大家有冇巴絲聽過腕管綜合症呢個名呢? 可能有巴絲嘅母親都可能患過, 咁大家又知唔知腕管綜合症係咩蒞呢?


腕管綜合症(Carpal Tunnel Syndrome)[/size=4]係近年新興都市病之一, 可以話係職業病之一, 長期使用手部而引致勞損嘅一種症狀

病徵[/size=4]

首先講下腕管係咩蒞先啦

腕管(Carpal Tunnel)係位於掌根下面, 係一條管道。正中神經(medium n.)同控制手指活動嘅肌腱都係經呢個通道進入手部
腕管內的空間狹窄, 重複性的手腕動作如轉動手腕、打鍵盤, 容易令腕管裏面肌腱發炎而腫脹，壓迫着正中神經,
因為正中神經係負責拇指、食指、中指和半截無名指(近中指嗰邊)嘅感覺, 長時間壓迫會令呢三隻半手指感到刺痛、灼熱同麻痹



初期患者夜晚睡覺時, 經常會因手痹痹醒, 初時可能fing下手腕, 郁下手指就可減緩徵狀
但如果唔理佢, 繼續勞損手部, 就會逐漸出現手腕無力、手掌肌肉(拇指下面個雞脾位)萎縮嘅情況, 如下圖:



高危人士包括:

　1. 長期勞損者，因長期勞損可令肌腱硬化增厚，發炎腫脹可令腕管空間減少。

　2. 孕婦、肥胖人士由於脂肪積聚，易令腕管變得狹窄壓逼神經。

　3. 類風濕關節炎和痛風症病人，其腕管內肌腱組織亦會增厚。

　4. 曾受外傷如腕部骨折、脫臼者，都會令腕管組織空間狹窄。

主要成因都係手腕長期處於不良姿勢, 進行重複性及密集性手部動作, 如使用滑鼠, 鍵盤。除了職業關係, 女性亦較容易患有此症, 因為賀爾蒙失調以致水腫,呢個情況通常出現收經期間、懷孕或甲狀腺功能過低嘅女性身上

診斷方法:[/size=4]

我簡單講其中兩種診斷測試, 第一個係Phalen's test, 做法係將手背貼手背, 維持30秒, 睇下有冇出現痹或者痛, 如果越快出現痹就代表越嚴重



另一個係Tinel's sign

做法係用手指拍打腕管位置, 如果出現麻痺情況, 而且由手腕散射到指尖, 便係陽性結果了
因為如果正中神經受壓, 佢會變得敏感, 平時我地指打手腕都唔會引起痹, 但如果神經受壓, 就會容易受刺激, 產生麻痹



治療方法: [/size=4]

病情初期以非手術治療, 主要目的係伸展手腕管周圍的肌肉同韌帶, 矯正手腕的關節位置, 以減少腕管的壓力。

例如職業治療師會為患者度身造一個手托, 維持手腕正中位置, 防止過度屈曲或伸展而增加腕管壓力, 畀患者訓覺時戴上, 減低痹醒機會
而更重要係畀手腕得到充分嘅休息, 減低肌腱發炎情況

物理治療方面會用短波、熱敷、2Ｄ腰椎牽引、磁場治療、電刺激、向量干擾波等治療去放鬆肌肉, 減輕局部神經壓迫的徵狀。
亦可交替使用冰療及熱療的方法, 舒緩疼痛的感覺。熱療即是熱敷、浸熱水浴等, 可以加速血液循環, 放鬆肌肉。冰敷則減少痛楚。
若病情嚴重, 就需要進行腕管鬆解手術治療, 割開繃緊的韌帶, 放鬆腕管壓力

不過, 如果照舊唔糾正不良姿勢, 仍可導致復發

另外亦都可以做一D手部運動去舒緩痹痛, 例如呢個:



可以每日做3-4組, 每組5次循環
呢個運動可以畀手指肌腱逐漸喺腕管中滑動, 增加血液循環, 有助保持軟組織健康

預防方法:

要好好預防腕管綜合症, 一定要有正確姿勢：

　1. 選擇合適鍵盤和滑鼠, 並平放於與手臂成約100度的角度下使用。

　2. 選用可調校的moon, 並將moon擺喺正中, 比身體保持平衡。

　3. 使用滑鼠時盡量減少手腕動作，改用上臂移動，減低手腕勞損。

　4. 打字或進行家務時應盡量輕手，不要過度用力，免增手腕壓力。


詳情可參考:

http://www.uhs.hku.hk/he/worker/Posture_chi.pdf

如果發現自己或者身邊人有以上問題, 要注意日常工作姿勢了, 同盡快尋求專業意見