http://hk.apple.nextmedia.com/enews/realtime/20140103/52054349

日本神劇《半澤直樹》去年以破收視紀錄姿態捲起熱潮，大結局高達42.2%後，就不停傳出製作嘅TBS電視台非常着急想拍攝續集，希望再創高收視，但因為男主角堺雅人之後立刻要拍《律政狂人2》，而未能立即成事。有業內人士指爆出最新消息，指《半澤》有望喺下半年再現身。

據指由於《半澤》爆紅，堺雅人的工作竟然已經排到2016年，要到兩年後先至有時間拍。不過呢，TBS電視台不斷說服堺雅人調整佢個工作日程，希望盡快拍攝。

原本TBS想喺4月推出，但無論如何，堺雅人方面都配合唔到，故此可能於今年8、9月左右先可以出街。但其實亦有指《半澤》嘅續集形式其實仍未定，有指可能係電影版，亦有指係先喺電視播特備單元劇，再上映電影版等等。