政情：設計遊戲卡用簡體字 范國威自打嘴巴

立法會議員范國威（Gary）過往多次投訴本港嘅商業機構為咗遷就內地遊客改用簡體字，甚至去人哋商舖抗議。最近Gary就設計咗一套「佔中無雙」遊戲卡宣傳「佔領中環」行動，但唔知點解遊戲卡上「佔中無雙」個「雙」字就用咗簡體字「双」，真係自打嘴巴！

為咗令佔中議題入屋，細至年輕人，大至的士大佬、牛頭角順嫂都可以明解，Gary就構思設計咗呢套遊戲卡。一套五十張嘅遊戲卡內含唔少大家都耳熟能詳嘅人物，負責為遊戲卡插圖嘅就有本港漫畫家同一班學生哥。不過，我哋就見到遊戲卡其中一個設計版本出現簡體字。
范國威設計嘅遊戲卡初版，「佔中無雙」個「雙」字用咗簡體字「双」（箭嘴示）。（受訪者提供）

范國威設計嘅遊戲卡初版，「佔中無雙」個「雙」字用咗簡體字「双」（箭嘴示）。（受訪者提供）

[#FF0000]寬己嚴人（火羅）爆[/size=6][/#FF0000](好似係你（火羅）爆)

Gary就死撐話，唔少電腦遊戲都有用「無双」呢個名，佢哋嘅構思都係源於呢啲遊戲喎，又話簡體字嗰張卡只係初步設計啫，真正出爐時就會以全繁體字面世。所以話呢，如果唔能夠確保自己唔會出錯，之前就唔好鬧人哋用簡體字鬧得咁大聲，依家咪（火羅）爆囉！