我平時唔多鐘意出post
應該無乜人認得我
但近排真係頂唔順 想搵個地方發洩下

是咁的
我係台灣讀u既 今年係最後一年
上年暑假返香港果陣識左個女仔 我地好夾 好快就一齊
夾係指我地對未來既vision 生活方式都有共識
雖然係埋一齊既時間唔算耐 但係我地都覺得我地可以長久
(至少我係咁諗)

之後暑假完左 我為左完成學業 一定要返台北
女朋友係香港做野 佢有份工(咩工就唔講 驚起底) 佢好鐘意果行
一日走兩場 朝8晚11咁 好忙

我地本來可以keep到日日到至少講個電話
到後來有日佢同我講: 佢真係太忙 放晚返屋企好支力
佢問我 願唔願意等佢一年

一年我當然願意 但佢之後真係唔再接我既電話
我仍然每一日錄voice massage俾佢聽

然後有一日 佢突然同我講: 不如我地都係分手啦 佢唔想"浪費時間"

果一刻 我真係第一次明白咩叫個腦一片空白
因為我真係唔明點解 可能我地生活時間表係夾唔到 但都唔駛唔分開掛?

我叫佢打個電話俾我 佢無打
我搵左個好多年好熟既女性朋友同佢講
佢叫我俾d空間俾我女朋友

我唸左好耐
我就係wtsapp同佢講 我地維持住依個關係 到我新年既時侯我番去再搵你啦
(台灣讀u 一個sem要18wks 而且無聖誕假 寒假放一個月 1月尾開始放)

佢無應我 但佢fb仍然顯示"穩定交往中"

果陣係11月
之後我地真係無再聯絡
我一直說服自己 唔好想太多 番到去hk先算

直到xmas果陣 我寄左卡俾佢
內容只係好簡單叫佢工作加油 之類 都唔敢講咩情情塌塌野
之後佢wtsapp有我講收到張卡
我問左幾句近況 佢就無再覆我

1月1號果日
我睇宛101煙花
唔知點解突然心血來潮 我打左篇所謂"感性文"俾佢
內容大概係好幸福今年有你做我女朋友 我明白大家分開兩地唔易 但只要你開心就夠

但係
直到今日 篇野一直都無"已閱"

我唔知係佢刻意唔睇 定係已經唔為意我個wtsapp(佢用fb多 好少用wtsapp)

今日佢fb突然剪左短髮

係好短好短男仔頭果種短髮

我突然覺得我同佢之間好似已經完左 佢已經唔再係我識既果一個人
雖然fb上面 佢既感情狀態都係無改

xmas果陣 我話我20號番香港
我話過我到底會打俾佢
佢無話好 亦無話唔好(因為無覆)



我好想同自己講 我點都要堅持埋依半年
但亦都有心理準備 當我番到香港 佢可能第一句就同我講分手 亦可能甚至唔會想見我

其實我係台灣 只係想要佢簡單既一句問侯 可能係早晨 晚安 之類 我就夠
當佢都係覺得咁樣係"浪費時間" 我唔係佢身邊 根本無需要

可能1999 我只係搵唔到人講 想上黎抒發下