譚志源局長話：公投「好激進架」？

1. 公投即係全民投票，等市民可以就重要社會議題，用投票形式做集體決定，係非常和平既表達方式

2. 其實早系1988年，基本法第二稿入面寫住香港人可以用公投形式決定普選前路。當時好多人撐要有公投，包括：李柱銘有份既組成既民促會、兩大律師公會、6萬份市民意見書

3. 可惜中央唔聽香港人聲音，後來因為六四事件，當時基本法諮詢委員會秘書長梁振英宣佈終止諮詢，先令到我地宜家無真正既公投 .V.

4. 搞辭職公投係因為香港無正式公投，所以市民如果透過投票直接表達意見，只能透過立法會議員辭職製造補選機會，再讓候選人以單一議題立場參選，變相令市民有公投機會

例如有候選人代表「支持公民提名」，你系果次補選投票撐佢，就等於投票支持公民提名

5. 其實外國都成日有辭職公投先例架：
1848年，英國羅素公爵提出辭職再選變相公投；日本前首相小泉純一郎都曾經解散國會，製造變相公投。所以話，真係古今中外都有辭職公投既示範~

睇完之後，就唔會比局長呃到啦！