唔知你地會點處置同ex有關嘅野？

我聽過有人會扔掉，有人會送比其他人，亦有人會同我一樣，keep起佢。

今日執房嘅時候，搵到我放ex嘅野嘅盒

我每次同朋友分手完都會pack好有關個女仔嘅野入一個盒，用膠紙封住，放係衣櫃入面嘅一角

選擇pack好嘅原因係唔希望見到又諗翻起個女仔

而封住，係因為試過我家姐拎黎睇過 仲因為咁而嘈左一場大交

唔扔係因為唔捨得，驚扔咗會後悔⋯

曾經係拍拖嗰陣，女朋友講到有關嘅話題，想我扔左ex啲野，但我唔肯，結果嘈交收場


咁我搵到之後就打開黎睇，都有好多野；

CD、貼紙相、甩哂色嘅戲飛、指甲油、過左期嘅波板糖、一本送唔出嘅記念本子、貝殼 etc.

其實都全部記得入面有咩，不過感覺就好唔同

我之前pack嗰陣係以為，睇翻會會心微笑，諗翻當時sweet嘅回憶

但原來唔係咁


我只係覺得好苦好苦⋯

好似又再經歷一次同最愛分手嘅感覺，





唉⋯其實係自己攞黎衰 自虐而已。

不過我又唔覺得後悔，仲幾慶幸有keep起依啲野

我留唔住我最愛嘅妳，但至少 我可以留下我們的回憶