http://hk.apple.nextmedia.com/news/art/20130626/18312694


■香港法學研究會由毓民支持者搞起，話要揭露法律制度嘅不公。羅君豪攝

教主黃毓民退出人民力量後，又有新搞作。噚日佢連同前盟友長毛梁國雄，搞咗個香港法學研究會，不過佢哋就只擔當顧問，真正打骰嘅係佢幾個支持者。
呢個會嘅名稱好正經喎，原來係想推動法律雙語化，因為佢哋覺得香港嘅法律、案例都係英文為主，譯番中文都唔係好睇得明。身兼研究會榮譽顧問嘅黃克明話，曾經打過一場官司係關於語言歧視，當事人唔係好識英文，點知法庭判詞，都係用英文，認真諷刺。
長毛係法庭常客，佢話呢個會另一目的，係揭露法律制度嘅不公同陰暗面，仲[#FF0000]點名批評裁判官杜浩成「智力低下」[/#FF0000]，認為要加強監察法官嘅操守同能力喎。