HKGalden感情臺
發表文章發起投票
事隔一年,我同一個女仔係書展重遇
是咁的
上年我就係未代AL生,暑假就去左書展做
苦悶地過左兩日之後,第三日我特登早D返去,諗住周圍行睇下野
咁我經過一個訂雜誌既counter時就見到
係果度訂雜誌會送愛因斯坦/達爾文既大頭石像公仔(2揀1)
身為一個科學迷既我就即刻入去睇下同諗住訂雜誌
serve我既係一個女仔,
搞掂晒D手續之後佢見到我攬住個職員證,
就問我係邊個counter,順勢吹左兩句水我就走左
本來我都對呢個女仔冇乜印象
咁我個post就要入倉拎書既,會成日出出入入,又會經過佢個counter
就係果日晏晝,我又要去倉拎貨既時候
無端端聽到有人叫左兩聲hello
一擰個頭就見到個女仔笑笑口咁同我say hi
我都唔知俾咩反應,好老尷咁hi返就走左
自此我就發覺自己開始留意呢個女仔
明明冇貨拎都去多幾次toilet經過佢個counter,
問下佢D無聊野(都係關於訂雜誌,驚青到諗唔到話題 )
去到第六日,我又諗住行去佢個counter撞佢
佢見到我時無端端暇我想唔想要埋另一隻公仔
佢可以幫我留,咁我梗係死都話要啦
佢叫我果日夜D去搵佢
丫點知晏晝冇端端一個十號風球吹埋黎,所有人要早走,當時亦見佢唔到
話咁快就到左書展最後一日
我再次去搵佢,佢真係留左隻公仔俾我
我心裡面好清楚呢個係問佢拎contact既最後機會
但點知我竟然講唔出口,講左句多謝就走左
本身都諗住收工再去搵多佢一次
點知我個counter勁多野執,執好晒果時D人都差唔多走晒,包括個女仔
書展咁就完左,我都以為會就咁告一段落
點知原來成件事可以影響我足足一年咁耐

睇到呢度如果各已經想鬧我on居的話,我諗唔好睇落去
因為之後既事我都係一樣on居居,
夜D再打,唔知有冇人會睇晒呢
Good0Bad0
2013/07/19, 10:06:55 上午
本貼文共有 0 個回覆
此貼文已鎖,將不接受回覆
發表文章發起投票