人地只係一個小學生
受左洗腦先會有咁嘅行爲
你覺得一個小學生真係可以明辨是非咩？
一個小學生，你要起佢底話咁易

但係大家要記住，但凡羣衆運動，要爭取嘅，係中間大多數民衆嘅支持
而唔係處於兩極嘅人——支持你嘅無需多費脣舌，反對你嘅你講多都嗮氣

今次咁樣對付一個細路，你哋覺得一般人會點諗？對事件唔太清楚嘅人會點諗？
逞一時之快，做一下英雄，可能真係好威威
但我哋亦都要諗下，社會上嘅人對我哋嘅觀感會係點？

再深入D睇，而家成件事件嘅焦點聚左去呢個肥仔嘅身上
背後指使佢果班人肯定喺到偷笑
（留意下足本訪問條片入面，當記者問到佢，知唔知係咩組織嘅人打佢嘅時候，佢要一臉迷茫咁望一望身後嘅MK，先至猛然醒悟咁話：「人民力量！係人民力量！」之後仲懶醒加鹽加醋，呢頭話施襲者戴帽，果頭又話佢戴頭巾）

我哋嘅重點應該係呢次事件背後[頭盔]懷疑[/頭盔]有黑社會參與呀[/size=6]

冇錯一個細路係easy target，以膠登（高登）[/size=2]一向處理大小網絡事件嘅手法來講，起到人底，可以令大家有一個公審對象就係勝利
但係我哋今次嘅敵人唔係死港女，唔係賜坐男，甚至根本唔係呢個肥仔！而係背後嘅黑勢力，佢哋係咪有政府撐腰！我哋嘅目的唔係令一衆膠登毒撚嘅不滿得到宣泄呀！我哋要面對嘅，係廣大市民。就喺我哋揭露左真相比大衆嘅一刻開始，大衆亦都同時有權去批判我哋處事嘅手法！

政治係唔講真相嘅！羣衆嘅觀點就係真相！我不嬲都覺得陳雲係黐線佬，但係我今次認同佢嘅講法。

如果大家不遵守war ethics，我們即使戰勝了，也會淪為暴政。

更何況，攻擊一個細路，自陷道德低地，無人可以幫到我哋，敵人只會坐享其成！

你話我婦人之仁都好：救救孩子，即使係敵方嘅孩子，都要救。肥仔行爲雖然可恥，但背後操縱者更爲可恥！


（本文會破例於隔離論壇同步張貼）