| 發表文章 | 發起投票 |
年初一 齊齊行大運
今日係戊戌狗年大年初一，在此祝各位東成西就、身體健康、財源廣進！雖然今日係難得嘅農曆新年假期，不過大家都應該唔會留喺家中，而係全家總動員去拜年，當然唔少得行番個大運啦！咁咩時辰出門及邊個方向最大吉大利呢？依家就由方海閱師傅話畀大家知啦！
[/size=4]
我哋出發去行大運啦！（設計對白）
吉時吉方增運勢
大年初一選擇在吉時吉方出門，代表新一年行大運，所以踏出家門後，應先向有利方向走一走，對整年運勢都有提升作用。
狗年初一貴神在西南方，福門在西北方，另外正南、東南、正東都是吉方，所以正月初一第一次出門時，最好向西南、西北、正東、東南、正南等這幾個方位走一圈，對提升整年運程都有作用。但避免向正西方（噩門）、正北方（五鬼）、東北方（死門）而行，以免損害整年運勢。根據九宮飛星，每年都會斗轉星移，不論生肖，任何人若跟當年的財位、旺位行大運，對運程都有提升作用。
揀啱合適時辰及方向出發，有助增強運勢。
福門在西北方，元朗一帶就屬於此方位。
貴神在西南方，如香港仔及鴨脷洲一帶。
2018年九宮飛星圖
最佳出門吉時
東南位 不宜裝修動土
今年八白財星飛臨東南方，在八運（2004~2023年）中，八白財星成為九星中力量最強的催財大吉星，對於各方面的財運大有幫助。同時，今年的「歲破」亦在此方，忌大興土木及裝修動土，否則加劇「歲破」帶來的影響。以整個香港地形來看，東南位置是清水灣一帶。
今年歲破星亦在東南方，忌在此方位動土或裝修。
八白財星飛臨東南方，在家中此方位擺放貔貅有助催財及化煞。
中央位 旺嫁娶添丁
九紫星飛臨中央位置，九紫星代表喜慶吉祥的事情，如嫁娶、添丁、升職或創業等。尤其是求姻緣，或想結婚，又或者想生育子女，多去此方位旅行走動，都有助增加成功機會。以整個香港地形來看，中央位置是九龍塘一帶。
正東位 有利偏財
七赤星主偏財，而且「破軍」有肅殺之氣，破壞力強，所到之方恐有偷竊賊劫。若果想到呢個方位郊遊，最好找多些朋友一齊去，穿着藍色衣服或身上帶藍色物品，有助化解「破軍星」肅殺之氣，並有助催旺偏財運。以整個香港地形來看，正東位置是西貢一帶。
正北位 災瘟橫禍
今年五黃災瘟星飛臨到正北位，此星的凶力比其他凶星更強，故必須要注意一些事項︰1. 不宜動土，宜靜不宜動。
2. 忌大興土木及長期坐臥、旅遊，否則會招來凶險。
3. 不宜擺放魚缸、風水輪、植物，以及大紅大紫顏色的物品，犯之容易招至災瘟。
4. 在家居或辦公室可掛一個發聲小銅鈴，或擺放6個串起銅錢，化去災瘟星的凶力。
正西位 影響健康
二黑病符星主疾病、抑鬱、傷痛等症狀，對人及家畜都不利。若宅門、房門、書枱或睡床設在此方位，今年容易感染疾病或突然健康有變化。注意事項如下︰1. 不宜大興土木，並忌擺放大紅大紫、綠色、藍色、黑色物品。
2. 不宜放置魚缸、植物盆栽，否則令病符星凶力更為厲害。
3. 避免長時間在此方位坐臥、旅遊。
4. 盡量不在此方位大動土及裝修工程，如要大動土裝修，可先行擇日及用方法化解。
5. 放6個銅錢或一隻銅龜，有助化解病符星凶力。
如果要去西貢一帶，穿着藍色衫有助催旺偏財運。
在家居或辦公室擺放6個串起銅錢，化解瘟星凶力。
在家中正西位不宜擺放大紅大紫的物品，因不利健康。
強運新年服飾
大年初一無論去郊遊行大運定去拜年，衣着顏色好重要，咁新正頭係咪一定唔可以着得黑黑沉沉呢？原來係唔一定o架，只要夾啱生肖顏色，自然旺足全年呀！
肖狗朋友着到紅噹噹就最啱！
只要夾啱生肖，新正頭着黑色衫或高跟鞋都得o架！
肖牛女士孭個粉紅色手袋去拜年有運行。
12生肖衣着顏色
新正頭禁忌
新正頭零舍多禁忌，雖然有啲煩，但係宜忌兩者都要做足先有運行，因此大家千祈咪做啲唔做啲呀！
1. 打掃洗頭
初一日忌掃地拖地、倒垃圾或洗廁所等，免把財星掃走。個人方面亦忌洗頭，會洗走旺氣！古時傳統大年初一係不可以沖涼洗頭，有解釋話因為怕天寒地凍，加上食飽肥肉飲咗酒，怕會容易感染風寒。雖然香港過年唔係好凍，但其實年初一出門在外，或多或少都會帶點吉祥嘅氣場回來，如果一回家就沖涼洗頭，自然會洗走晒啲旺氣！
2. 問人借火
是日不宜借火，火有開飯之意，借火等於自己冇飯開，就算去人哋屋企拜年都唔好用人哋個爐頭呀！
3. 午睡打噴嚏
有假放瞓覺是常識吧！但大年初一日午睡就唔係咁吉利。另外，早上切忌打噴嚏或咳嗽，有不祥之兆。
4. 大魚大肉
初一食素，功德無量，仲好過一年逢初一十五食素呀！
無論掃地定拖地，都係留番第二日先做啦！
問人借火，即係代表自己冇飯開，梗係唔吉利啦！
朝早切忌打噴嚏，所以要着多件衫，唔好冷親呀！
新正頭最宜食素，美味又健康。
方海閱師傅
撰文：余家洋
部分攝影：陳世昌
鳴謝：方海閱師傅
source : http://orientaldaily.on.cc//cnt/lifestyle/20180216/00321_003.html
+++++++++++++++++++++++++++++++++++++++++++++++++++++++++++++++++
要記住
0
0本貼文共有 0 個回覆
此貼文已鎖，將不接受回覆
| 發表文章 | 發起投票 |