https://hk.news.appledaily.com/breaking/realtime/article/20180708/58410394

玩WeChat「附近的人」墮「美人計」投資騙局，已不是新鮮事，但一名受害港男在半日內被蒸發逾200萬元本金後，「美人」竟再以「分手」作要脅，要求加碼400萬元讓她操盤。港男其後揭破「美人」大話連篇，不但「港大」學歷及住址是虛假，而且有同居男友卻扮「單身」，事後港男追討賠償，還遭人威嚇將其個人資料放上網，他遂報警並將受騙過程大公開。

記者：林熊、黃學潤、張軍
「見佢幾靚女，同埋大家幾好傾，佢話冇男朋友，我心諗大家有冇發展機會呢？」40多歲Kent是一名專業人士，今年四月透過微信「附近的人」功能交友，被「Angel」的美女頭像所吸引，並隨即加為好友，再細看其朋友圈中的相片，以為今次終於找到值得交往的對象，遂展開追求。

「佢話係港大畢業，做金融分析師；我都係專業人士，感覺上同佢好襯，最重要係佢先28歲，真係後生又靚女！」Kent憶述，二人認識後不時以微信溝通，Angel自稱單身，無男朋友，加上二人在投資方面又十分投契，很快便熟起來，更不時通宵講電話，Kent自言當時火速墮入情網，被對方孝順，又經常做義工及有愛心所吸引，認為是難得的「好女仔」。

其後Kent知道Angel做金融投資有不少壓力，二人相識第7天連約會都未開始，Angel已提議他先投資100萬元炒賣黃金，更保證風險最多蝕20萬元，又以曖昧口吻說：「其他人都係靠收手續食飯，但我唔會收你手續費，我等你畀家用。」Kent見女方似乎都對自己一往情深，加上想幫她在工作上「達標」，遂應Angel要求往其投資公司開戶，當日二人首次見面，才得知她任職助理副總裁(巿場部)，他亦兌現承諾存入100萬元，並按要求簽授權書讓她操盤。

翌日其戶口便進賬10萬元，Angel隨即落嘴頭要求他加碼到600萬元，聲稱「回報最少2百萬，風險先78萬。」她更答應拍拖，Kent一下子被愛情沖昏頭腦，加上對方保證止蝕80萬元，故再投資500萬元。「點知第二日起身，睇下個帳戶一共有300手買賣，一晚賬面就蝕咗200幾萬，我即時全部斬倉，如果再遲啲可能連渣都冇剩。」埋單結算後，Kent共蝕了180萬元，其後他提走剩下的420萬元，Angel就不斷埋怨他斬倉，否則很可能賺回數百萬元。

惟「女友」還未放棄再出招：「如果相信我，400萬交比我操作。」但當他拒絕後，Angel就發火：「咁唔信我，大家分手！」惟Kent事後揭發原來一切都是謊言：「佢講嘅嘢全部係假，包括唔係港大畢業、無金融分析師資格、有男朋友，連報的住址都係假。」與她「拍拖」短短兩星期，Kent失近「兩球」，但直言最心痛是撕開Angel的假面具，「我哋見面得四、五次，拖手都只係兩次，佢根本係感情騙子。」

事後回復清醒的Kent以Angel承諾風險最高
是蝕80萬元，要求她及其公司賠償，但反遭威嚇「將個人資料及聊天紀錄上載上網」，他感到人身安全受威脅遂往報警。