噚日教育股全線洗倉，內地券商新時代證券漏夜搞教育股分析員電話會議，諗住安撫吓一眾投資者。點知…新時代證券其中一個分析師個老婆，竟然喺一個幾百人嘅電話會議入面，控訴老公嫖娼、包二奶！

話說正當大家正喺度苦思教育股前景時，一把女聲就突然講：
「方教授，你好！我聽了您的幾個報告還有問題解答，我很認真地聽了。那麼接下來我講兩句我自己想講的話。」
（OK！仲會打招呼，但點會估到呢個開場白之後迎來戲劇性嘅情節）

「我是新時代證券研究員馬浩博的老婆張燕婷（音），馬浩博在外面包養小三，嫖娼被抓，帶小三睡在我們家裡來，他在外面亂寫黑報告亂拉票亂賺這些狀……」
話都未講完，個電話會議就被中斷。而網上亦迅速流傳呢段41秒錄音。

雖然唔知佢有冇包二奶，但亂寫報告呢家嘢就有跡可尋。
馬浩博先後就職於海通及東吳證券，今年入職新時代證券，還當了研究所高層，主力研究食品飲料。2016年，時任東吳證券分析師之馬浩博，將內地福成股份捧上天，卻被公司發澄清公告，相關失實內容也被逐一反駁。




https://hk.finance.appledaily.com/finance/realtime/article/20180814/58560365