HKGalden財經臺
發表文章發起投票
地盤佬用25萬去紐西蘭考機師牌 有冇航空公司肯聘用呢?


https://video.next.hk/mcp/encode/2018/10/01/3704944/20181001_news_pilot_carol_v8_mp4_w.mp4

他自稱是地盤佬,卻發着一個夢。

每當有飛機飛過,黃志祥(Jim)便會向記者逐一介紹每架飛機的特徵,哪架是空中巴士,哪架是波音777,他一看便知。他的真正身份其實是做地盤測量員,卻夢想沖上雲霄,一年前飛到紐西蘭學做飛機師。

Jim今年25歲,大學畢業便投身建築行業,跟很多地盤佬一樣,他平日最愛到大排檔「打躉」,常吃豆腐火腩飯,最喜歡淨吃燒肉,平日在地盤工作,會不其然與同事爆粗吹水,「我都感覺我今日冇點講粗口,但平時如果見到那個人成日講,我都會傾計期間將副詞變成粗口。」

他認為自己的性格適合在地盤工作,「我幾欣賞自己為人真誠,有咩唔啱會直接講,唔會怕有咩後果,我認為同其他地盤佬相處都會有同樣感受,所以我好鍾意同佢哋傾計。」

雖然Jim喜歡地盤工作,但他其實更想駕駛飛機。

因為家庭經濟問題,大學二年級時,Jim才第一次坐飛機,那次無需自己負擔費用,全靠學校資助到加拿大實習,長達17小時飛機之旅,點亮了Jim的飛行夢。「我係深深感受到,自己好遲先有機會出去外面,如果死前都未見識過呢個世界,真係非常可惜。」Jim忙不迭詢問當時的室友,聊了整個晚上,然後上網搜尋資料,不斷研究考機師的途徑,畢業後出來了工作,儲了兩年錢,飛到紐西蘭接受飛行培訓。

「個課程我間學校係最便宜,計埋日常洗費,唔夠一年我使咗二十至廿五萬,仲有十五萬需要還。」

講到在飛行學校第一次自己駕駛飛機的感受,Jim十分雀躍,「我終於可以自己操縱飛機,一啲驚感覺都冇,如果飛機師生涯咁就完,我都無所謂!」

在紐西蘭,他幾乎每一刻算着花了多少學費,經濟壓力迫使他用功讀書,考試成績都不錯,他很自然覺得,自己回去香港理應可當上機師,「有老師同我講,之前有兩個學生係香港人,依家喺航空公司工作,你應該冇問題喇!」

但是,在最後一輪的面試中,Jim還是未能入圍,當刻人生的低潮隨即襲來。

「我放低原本工作,同同事講唔做喇,雖然媽媽支持,但阿爸反對,唔係所有事情都如意,但最後都完成到個課程,犧牲很多後發覺,自己負緊債,冇收入,洗緊少少媽媽棺材本,又考唔到機師,所有事一齊打撃我。」

心灰意冷的Jim,幸得前公司聘請,當回地盤佬,公司的人情味令他十分感動,「唔少同事同我講,你翻嚟冇問題,我哋都好鐘意你,如果你想繼續考機師,我哋都會支持你。」

飛行夢,暫且延緩,但從未擱置。

「我覺得自己比較好係,我諗到一件事,我審度過我真係可以做,我就會毫不猶豫去試。」

訪問當日天氣酷熱,記者汗流浹背,Jim的額頭汗水涔涔,要不停擦拭,卻沒半句怨言,笑道:「我平時番工都係咁!」這個地盤佬十八般武藝,又會柔道,又跟朋友夾band,時有busking,生活多姿多彩,也許就是應了他一句話:「最緊要係去試。」

後記:

Jim給想到外國飛行學校讀書的年青人一些小貼士:「首先不要一次過繳付學費,可以先付五、六堂學費試一試,然後要在香港做足準備,例如先看看理論課,在香港完成體檢,就可以省卻很多時間和不必要的洗費。另外,如果有讀過物理和純數科目,學習上會較得心應手。」

撰文:鄧詠瑤

攝影:蔡福生

來源 source: http://nextplus.nextmedia.com

+++++++++++++++++++++++++++++++++++++++++++++++++++++++++++++++++

考到商業機牌,點解唔返贏國
Good0Bad0
2018/10/03, 11:27:29 上午
本貼文共有 0 個回覆
此貼文已鎖,將不接受回覆
發表文章發起投票