認清陳雲真面目 拒絕自治式騙局

我唔單止反對陳雲對派外人嘅涼薄謾罵 , 我仲好反對陳雲主張嘅香港城邦論 .

佢嗰套小中華城邦自治係一條死路死路一條 . 自治呢種政府架構 , 正常黎講係另一種夾係宗主國壓力同本土民情之間嘅恐怖平衡 "balance of terror" ; 香港如果實行城邦自治 , 就要對中共呢個宗主國半推半就 , 又要面對港人起咗自決嘅自尊心 , 另一方面又要完全承認中共對香港有主權權利 . 呢種夾心餅自治政府會有過份巨大嘅施政壓力、一定會弱勢又難堪過689政府 /特區政府架構 。

而根據中共呢六十幾年黎嘅統治手段 , 大陸各省各地一樣有唔小自治區 ; 自治呢兩個字對中共黎講係等於全權掌握 ; 就算中共白紙黑字允許香港城邦自治 , 樣樣應承又乜又柒天花龍鳳.... 中共都係永遠唔在乎合約精神 , 永遠唔會忠於任何契約 , 永遠唔會信守任何承諾 ; 去同中共訂約 , 去求中共施予自治 , 實在係天真過天真嬌 , 仲話咩自治走向獨立建國 !? 個結果只有等同完美投降 !!

本土主義係必須 , 但係本土主義嘅進一步出路如果係自治 , 尤其係以中共為宗主國之下嘅自治 , 呢條出路仲慘過行陰司路 ....