廣東話與文言文學堂之七

最難既講左
今堂無今難
爾有得鬆時
我又有得鬆
真開心

1.野->邪/耶
正呀，好野->正也，好耶
爾有野唔妥->爾有邪，不妥
死老野->死老邪
讀過下古文都知
“邪”有兩個讀法
一係斜CHE4
二係椰YE4
我伊處講既”邪”係讀”椰”音既”邪”
邪=耶
邪同耶係通GA
古人問邪(問野)
好中意用”邪””耶”收結
如
是耶？非耶？
《史記秦始皇本紀》二世笑曰：丞相誤邪？謂鹿為馬
問句莅講
用耶定用邪都無乜所謂
但係講爾有野
有野唔好
就要用”邪”
毋用”耶”
總言之
問句收結：邪/耶
名詞”嘢”：邪
歡呼好野：好耶
引幾篇文
證明”嘢”既本字係”邪”
《哭孔戡》或望居諫司，有事戡必言。或望居憲府，有邪戡必彈
(戡係人名，諫司係進諫既臣，憲府就掌時政。白話解：或望做到諫司，有事阿戡實講。或望入到憲府，有嘢阿戡必彈有邪=有嘢。彈，彈三彈四個彈。伊幾句係白居易既唐詩，即係話唐朝既人都講彈三彈四，有邪無邪)
《莊子外篇知北遊》有先天地生者物邪？物物者非物。物出不得先物也，猶其有物也。猶其有物也，無已
(乜既本字係物。白話解：有先過天地既係乜野？令物成物既唔係物。物出唔先得過物呀，而由佢而有物。但係一由佢有物，就無盡無止。再解白迭：有乜野係先過天地？令物得以成物既唔係一樣物。未有物之前無物，因而物無法出先過未有物之時，無法由未有物時變成有物。一有物啦，物就自己生物，無盡無止。好似宇宙大爆炸論今，第一粒物質由邊處蒞，點樣由無物質變成有第一粒物質。第一粒物質又點出於無物呢？令無物質變成有第一粒物質既實唔係一樣物質。但係當有第一粒物質，其他物質就由第一粒物質砰砰聲生出蒞。為左解伊句野解到離晒題添。總之，乜既本字係物，嘢既本字係邪)

2.吔->喫

吔屎啦爾=喫屎啦爾
吔既本字係喫
《說文解字》喫，食也
《世說新語》友聞白羊肉美，一生未曾得喫(朋友聽聞白羊肉美，一生都未曾吔過)

3.憎
而加軼人
寫文都唔用個憎字
個個都跟胡語用晒個恨字
廣東話個恨字唔同憎字
毋撈亂
恨：恨仔恨到發燒
憎：我好鬼憎爾呀
先秦古文
講愛憎既都不知多過愛恨幾多
以後想話憎邊個
就用憎
《白虎通德論封公侯》立子以貴不以長，防愛憎也(立世子就睇個仔貴賤，唔係睇長幼，以防愛伊個多定憎箇個多。貴，中意幫人兼幫到人就貴。賤格唔使講啦。富唔一定貴，有錢但唔肯幫人咪唔貴囉)
《說苑貴德》太公對曰：「臣聞愛其人者，兼屋上之烏；憎其人者，惡其餘胥(臣聽聞愛一個人，就兼埋佢屋上既烏鴉。憎一個人，就憎埋其餘既家臣。記住呀，見屋就寫屋，毋學胡人寫房子，古人個個都寫屋GA啦)

4.令
讓寶寶健康成長<-錯
令寶寶健康成長<-諳
讓
我讓爾先啦
孔融讓梨
讓，禮之主也(爾有禮，爾覺得合乎禮，咪讓人先囉)
讓=/=令
唔通GA
我地廣東話分得出”讓”同”令”
唔似得胡語
令我頭痛<-諳
讓我頭痛<-錯
睇人古文點寫
《説宛奉使》越中無足與語，至生來，令我日聞所不聞(嚮越之中無人夠料同我講耶，至阿生爾莅左以來，令我嚮一日之內聞前所未聞既事。生，上堂所講既生，陳生李生張生個生，阿生)

5.攰
我上堂猛呻攰
今古人用唔用個攰字呢
梗用啦
《集韻》攰，疲極也
“攰”可就今入文
見攰就寫攰啦
有文獻
《三國志魏志蔣濟傳》弊攰之民，儻有水旱，百萬之眾，不為國用(又弊又攰既民，假如有水災旱災，就算有百萬之眾今多人，國都用唔到)
《虞初新志卷二十》餘足不健於行，然亦曾走百里，不見苦攰(我對腳不健於行，就算係今樣我都曾經行百里，而唔見苦唔見攰。然=樣=就算係今樣。亦=都。曾=曾經。走百里=行百里)

6.應承
一個二個
學胡人講答應
唔講應承
我答爾就答爾
我應爾就應爾
又答又應今做乜只
多餘
我地廣東話
向來都講應承
古人都講應承
畀出處爾
《後漢書張王种陳列傳》暠與太守應承討捕，不克(暠係人名，太守係官名，守讀瘦。白話解：暠同太守應承討賊捉亂黨，搞唔掂)

7.飲
唉
連個飲字都要講一講
可見胡語幾惡
《說苑臣術》景公飲酒(一睇就明，唔使解)
爾話古人講飲食定講吃喝呀嗱
梗係飲食啦
唔講吃喝

8.食
都話廣東話好鬼古GA啦
古語法係講飲講食
以後想講食
就以食入文
想講飲
就以飲入文
《說苑臣術》晏子方食，君之使者至，分食而食之(晏子放好邪食，君既使者就到啦，佢將邪食同使者分蒞食)
《禮記曲禮上》若非飲食之客，則布席，席間函丈(假如唔係飲食之客，就布席，席與席間要容得落一丈)

9.激
激鬼死我
爾做乜激我
呢
胡語咪好中意話氣死人
千祈毋跟胡語
胡語錯GA
個氣字唔係今用GA
講返我地廣東話
激人
激死人
激字古得多
滿清軼書
胡化得好勁
想學古文就毋睇
《三國演義孔明用智激周孫權決計破曹操》特下說詞以激主公(伊度”說”讀帥，說服個說。之不過有好多人都讀”雪”，我唔中意。白話解：特登下說詞莅激阿主公)

10.日
毋講一天兩天十天
錯呀
胡語莅GA
我地廣東話
係講一日兩日十日
廣東話先諳呀
上幾堂我講過
一日=日(太陽)一個周期
一月=月(太陰)一個周期
我地之所以叫一日做一日
一月做一月
都係睇日同月既周期
今爾話我聽
爾胡語講一天即係點
我地望上個天
見到日
又見到月
今一天係指日定月
吓
天就天
地就地
天同地相對
分時睇日月
咩叫三十天呀
三十個天呀
爾去搵三十個天出莅
爾搵得到三十個天咩
搵到就唔爭在搵埋三十個地出莅
記住
一日兩日三十日就講日
毋講天
《論衡》前日之不受、是，則今受之、非也；今日之受、是，則前日之不受、非也(前日唔受係諳既話，今日話受就錯。今日話受係諳既話，前日唔受就係錯)

睇唔明個”軼”字
就睇返上堂

廣東話與文言文學堂之六
https://hkgalden.com/view/35438